「瞬間可變的太多…要信我的感覺。」
的確平時搵開邊間邊間餐廳，好多時都係
參考網絡上既，憑感覺去判斷究竟食唔食
得過。係我過去短短兩年既經驗話比我知，
未去之前要知道間野伏唔伏真係無標準，
不過最近比我發現呢間米芝蓮星級意菜
「Da Filippo · Trattoria」CP值頗高，點解
我會知？睇落去你咪知囉！👇
-
📌A p p e t i z e r s -
▪ Classic Meat Balls · Tomato Sauce - $98
▫ 意式第一部曲必食「經典肉丸·番茄醬」，
肉丸質感夠腍滑完全唔乾身，食落油脂肉汁
同時爆發係口腔內；配搭埋番茄醬濃郁
入味，亦唔會有油膩感，唔錯。
-
📌S o u p -
▪ Classic · French Onion - $78
▫ 第二部曲同樣以經典為主既「經典·法式
洋蔥湯」面頭灑上烤過既麵包粒同埋
格呂耶爾芝士；多種味覺混集，每一啖
都飲到濃香既洋蔥外，仲有啖啖芝士香，
加埋麵包粒口感相當到位。
-
📌Cold · Cut -
▪ Parma · Ham - $98
▫ 第三部曲就主打小盤cold cut「意大利·
巴馬火腿」，份量比預期中多，一入口
鹹鮮味相當豐富，完美地打開主菜前奏。
-
📌Handmade · Pizza -
▪ S e a f o o d - $188
▫ 要尊重pizza一定要食返正宗意式咖啦，
佢地既選擇非常多，最後揀左呢個「海 鮮
盛 宴」。一定要讚既係佢地用上既麵粉非常
講究，一般用上意大利出產既Petra 7220，
難怪食落餅皮口感特別煙韌；而topping放滿
大量青口、花蛤、魷魚，加埋意大利蕃茄醬，
連埋一齊食份外惹味。
-
📌Pasta · Rice -
▪ Seafood Carpaccio Risotto · Cuttlefish Ink - $198
▫ 值得一讚既係就連「海鮮薄片·墨汁燉飯」
都做到一絲不苛，皆因大廚精選飯粒既貨源
都係來自意大利北部既Acquarello 米。
呢種米食落比平時既Risotto更加有咬口，
配上鮮甜既海鮮，特別濃香入味；當然有埋
墨汁既賣相，氣派十足。
-
📌Main · Course -
▪ Pollo · Cacciatora Olives - $208
▫ 輪到主菜環節，不得不試意大利傳統名菜
「獵人·燴雞」，呢個名聽落好似好霸氣，
其實要追溯返古時意大利既獵人，每逢狩獵
後都會用意大利橄欖、波特貝拉菇、珍珠洋蔥、
紅酒醬去烹調所捕獲既獵物。而一般都係
以雞肉為主，食落濃香入味，而且肉質
腍滑，果然夠哂「Hunter·Style」！
-
📎 Da Filippo · Trattoria
📍尖沙咀廣東道21號海港城港威商場3樓3203-3204A號
