//Medium版本，支持請Click文內文比Clap//
【如果1125補選係香港一次公投，咁今日致謝動議表決就係一次宣佈你飯民死刑嘅審判】
#黃世七不敢面對系列
之前見倒《線報》有評論話今時今日「施政報告致謝動議」已淪為長達3日廢噏爭Soundbite曝光、唔知浪費幾多罐午餐肉、爭論嘅卻係連特首都唔希罕嘅一句多謝，不如直接取消咗佢算數，其實我起初都有啲同意，尤其係見倒填海班友就爭住發言，青年政策卻又可以無人問津嘅時候。
不過當我一睇倒今日《致謝動議》嘅表決結果，睇法就有180度轉變，因為原來呢個「致謝」亦係令一班飯民政棍出醜嘅時機。
首先我真係要向飯民道歉，因為過往我一直批評呢班政棍只會響啲致謝動議呀、六四呀、一地兩檢呀呢啲表態議題上面齊人，平時有機會同建制派抗爭嘅實務議題卻又可以全部偷懶唔開會，走去日本陪老婆旅行都夠膽死。但原來我錯了──就算係呢啲響飯民心目中咁緊要嘅動議，係可以一樣缺席嘅！
即係響呢個建制飯民全面曬冷嘅時刻入面，公民黨嘅陳淑莊同郭榮鏗點解可以突然消失咗架呢？然後你同我講乜撚「關鍵一席」、「守住香港」？睜帶你地隻屎眼睇清楚啦，分組表決地區票數係17票贊成、15票反對呀！差嘅唔係關鍵一席，係兩席喎而家！就算選咗李卓人入去又有乜撚嘢用？
不過我咁嘅批評角度，響劉細良徐少驊陶君行吳志森眼中，就未免太天真，因為你有睇下其餘幾個飯民代表？李國麟贊成！葉建源棄權！莫乃光梁繼昌缺席投票！從D100城寨花膠台嘅陰謀論切入嘅話，除咗收共產黨錢向林鄭效忠，乜仲有第二個可能咩？
但最最可笑嘅都係，一早已脫離飯民飯盒會，被黃屍認定係建制派嘅陳沛然，反而響今次動議入面投反對票！一個「隱形建制」挺身而出反對林鄭，公民黨同專業議政則鬼頭鬼相用缺席同棄權方式幫林鄭護航，究竟邊個係鬼，仲唔夠清楚？
而家飯民大台開口埋口話今次補選係一次香港人嘅公投，要團結飯民力量向政府說不；但今次立法會嘅「公投」卻話比你班黃屍聽，飯民就係各懷鬼胎一盤散沙，就算你選哂佢地入議會，佢地都只會利用議員呢個身份討價還價，響適當時候出賣市民換取著數，又或者好似區諾軒、范國威咁，得閒就去港珠澳大橋打下卡SELFIE扮監察，唔鍾意嘅就直頭會都唔開去日本旅行睬你班選民都戇尻！
究竟黃屍要有幾犯賤幾愚昧，先會信「飯民嬴，代表共產黨會輸」呢啲狗也不屌嘅口號？有你呢班飯民代表，共產黨一早就已贏哂啦，係睇下收買你地倒戈贏，定等你地會都唔開自爆之嘛！然後梁國雄話：「民主派現時就係輸心淡、輸『射落海』」睇見咁嘅投票結果，點可以唔心淡，唔射落海洩憤？
當然，蘋果852垃場城寨d100花膠台係永遠唔會見倒，所有黃屍評論員，就係會幾續小罵大幫忙或者視而不見。所以無得傾，1125，一係投馮檢基，一係投陳凱欣焦土，唔好再同我講乜撚「飯民至少好過建制」，響陳沛然面前，你地唔配。
