「炮灰檔」播大卡士劇收視救亡！
大台最自持的「慣性收視」看來經已崩盤，兩大實證，《牛下女高音》結局個集最高收視30.8，結局周平均收視28.3，之後不理批評播陸劇《鳳奕》，首周平均收視狂插至17.8，狂跌超過10點，每一個收視點約65,000人，即係一周內流失65萬觀眾，如果真係仲有所謂的「慣性」存在，何解幾天之差會唔見咁多觀眾！而更好笑的是還有死唔信鏡的高層，想幫真小三敗部復活，復播已經雪藏了的《丫鬟大聯盟》，於是又一次現眼報，《多功能老婆》結局週平均收視26.1，大結局28.7，《丫鬟》首周即插到平均19.8，第一集21.1，計你跌6點都流失約四十萬人。這跌幅還牽連《愛回家》，未播《鳳奕》前，《牛下》、《解決師》時《愛回家》收視平均約26點，《鳳奕》開始平均流失2－3點，平均得番23-4點，最容易安慰自己，或者向上頭交代的理由是聖誕新年是「炮灰檔」，收視一向偏低，事實真係咁？2018年底推出的《大帥哥》，一樣食正炮灰檔，卻在去年初結局篇創了34點的高收視，證明了劇集有質素，收視自然好，播質素差的劇，諗住靠「慣性收視」，醒一醒啦，呢招已經失效了！
這麼差的收視，如何向廣告商交代，尤其在目前風頭火勢的時候！所以才要救亡，急急推出張兆輝的《黃金有罪》和吳岱融的《大醬園》，兩套卡士強大，肯落本拍的劇同期播，唔理農暦年的旅遊高峰期，明顯要為收視止血。《黃金有罪》張兆輝、黃智賢、蕭正楠外，首周仲出埋吳岱融及姜大衛客串，還有是梁舜燕最後遺作之一，不是沒有吸引力的，但首周平均收視只有22點，只是比《鳳奕》結局周升了兩點，問你驚唔驚，看了頭五集，最有吸引力的一段戲，張兆輝和姜大衛隊冧黑幫頭子吳岱融實在拍得失敗，點可能俾姜兩父子走甩？走甩後點解唔追殺？明知有仇家又點會落單等張兆輝掟佢汽油彈，犯駁到無朋友！除了值得懷念的梁舜燕，最好睇好似係文雪兒，跟住啲外景真係避極都穿崩，唯有靠上環、太平山街同卜公花園，但簡單如欄杆路牌，已經無得避，卜公花園放了個舊式垃圾筒已經好叻，但蕭正楠三兄弟打波的籃球場，七十年代一定唔係咁，全劇演員除了坐私家車外，只能行路，因為巴士、小巴、的士都唔同晒，拍唔到，頂多坐下電車和天星小輪。
《大醬園》只看了首集，吳岱融四兄弟同四個老婆已經是大卡士，兩劇都有何廣沛，卡士強有用㗎，唔講大台一段日子的評論，也因為何廣沛重睇大台，但條大橋同《茶是故鄉濃》、《酒是故鄕醇》、《鹽是故鄉咸》、《糖是故鄉甜》、《豬是故鄉肥》⋯（後面三個老作😆)，真係大同小異，吸引力真係有點疑問，不過好明顯針對師奶觀眾，睇下吸唔吸引到她們回歸。
＃黃金有罪 #大醬園 #慣性收視已死 #收視救亡
牛 下 女高音 大結局 在 牛下女高音- Explore 的美食出口停車場
explore #牛下女高音at Facebook. ... 牛下女高音 大結局⋯#那邊見. #曾偉權 #歐瑞偉 #蔣志光 #吳岱融 #鄭敬基 ... TVB posted a video to playlist 大台寶藏. ... <看更多>