「靈魂在某天想要光，便有光…」正所謂
白晝黑暗互分一方，我好鍾意享受日光浴，
尤其是一大塊落地玻璃穿透果種日光，
係最柔和最舒服。正正因為呢個慢活元素，
就係我二訪「e h o n i a」既最大原因，
雖然座位唔算多，但佢既打卡位相當值得
文青系既朋友出走一趟。誠品仲要係正隔離，
人生既野你話係幾咁寫意！👇
-
📌M a i n -
▪ Homemade · Cheeseburger - 85
▫ 上次黎過今次再黎估唔到一樣排哂長龍，
而佢地Menu經常都會轉變，迎合香港人
咁厭尖既性格。先黎個「手工製 · 芝士漢堡」，
切開burger裡面明顯見到芝士、自家製漢堡肉、
蘿蔓生菜、紅洋蔥、太陽蛋。隻蛋一切
開仲係流心狀態，非常吸引；而漢堡肉
咬開非常Juicy，肉汁豐富，完全唔乾身；
加埋旁邊既焗薯質感軟腍入味，
成個組合可以話無得輸！
-
▪ Smoked Salmon Fettuccine · Cream
Sauce - $88
▫ 而另一邊箱既「煙三文魚寬條麵 · 忌廉汁」
亦夠睇頭，寬條郁食落蛋味濃郁，口感煙韌，
每條麵條都充滿creamy既口感；配上玫瑰花
形狀既阿拉斯加煙三文魚，同埋小茴香，
份外惹味。
-
📌S a l a d -
▪ Mango · Avocado Salad -
▫ 賣相相當colorful既「牛油果 · 芒果沙律」
完全係我最愛呀，成個擺盤好似捉緊夏日既
尾巴咁。沙律裡面鋪滿牛油果粒、芒果粒、
雜莓，撈埋一齊食口感特別豐富。而另外
配上芒果醬，味道酸酸甜甜，零舍開胃！
-
📌S a n d w i c h e s -
▪ Parma Ham · Cheese - $45
▫ 最後試埋呢個「巴馬火腿 · 芝士三文治」，
麵包烘過所以帶少少香脆，而裡面既夾雜既
巴馬火腿、紅洋蔥、水牛芝士，餡料相當
新鮮。而巴馬火腿入口充滿豐富既鹹香，
加埋半溶既水牛芝士絕對係完美既配搭呀。
-
📎 E h o n i a
📍銅鑼灣軒尼詩道500號希慎廣場9樓1號舖
