Staycation in the wild - 汽車·露營初體驗
早於大公主1.5歲多啲嘅時候同佢去過一次 #汽車露營，不過當時營地選擇唔多，所以一直未有再去第二次露營。
今次呢個地方，真係要值得記錄✍️
交通：
呢個營地比較適合自駕人士，因為可 #rooftoptent 或車泊自己的營區範圍紥營亦可。
不過超級難搵，google map 都迷路，好彩半路有村民駛過教路😑
營區：
每個露營單位劃分自己專屬營地紥營，車可直泊入草地。據說每營地有800尺可供使用，不過最搞笑係有1/3嘅地方係有農作物種咗你隔離，小朋友四圍跑跑跳跳又玩波，真係要步步為營🥶
環境：
野外活動當然有野外嘅氣味 😌
不過每隔一陣就會有陣陣豬豬🐷嘅氣味傳入你個鼻😓 大小公主久不久又會問點解咁臭😑 我哋都唔知原來後面有個豬場，夜晚瞓瞓下仲聽到啲豬打交大嗌😅
其實呢⋯我哋個位已經係距離豬場最遠嘅一個，不過當日陣陣風💨吹埋嚟，幾遠都會聞到
管理：
Sorry，看不到的管理⋯
如果想同小朋友去呢個地方體驗下，絕對要 #停一停諗一諗 ‼️ 唔知係咪我哋唔好彩啦，明明話夜晚十點後嚴禁喧嘩，要收細音量🔊 十二點幾你仲會聽到人響到玩骰盅同打牌🤦🏻♀️ 又話禁煙🚭，你又會見到有人食煙😑 隔離追酒飲就唔洗講啦，不過好彩又無發酒癲。
大小公主好早就瞓哂，隊友曾經即時打電話俾當值職員同佢反映十二點仲有人打牌同好嘈，不過職員愛理不理嘅態度⋯
設施：
說好的熱水⁉️ 隊友中伏😂
好彩佢用腳板試水溫，佢話開到45度都未有熱水🥶
廁所又如何❓
下晝入營時只有流動廁所😓 對於小朋友嚟講真係一大challenge 😅 到夜少少個靚仔少少嘅沖涼房加廁所先整好。
對於今次露營⛺️本身全家都好興奮🥰 因為大小公主第一次兩姊妹響野外露營，佢哋響屋企每人輪住坐露營用嘅搖搖櫈，每日倒數幾時去露營😂
雖然營地上有不足，不過完全無影響到大小公主嘅興奮，仲問我哋下次幾時再去😆
今次露營大公主仲學識咗打羽毛球🏸️ 添！
可能有時大人嘅世界著眼太多細節位，小朋友嘅快樂其實只要可以開開心心咁呼吸自由嘅空氣⋯已經可以很快樂💗
至於邊個營地咁伏，有興趣知我私下pm你啦，唔想開名，純粹個人感受個別際遇不同😅
#mimimomoma #MRsisterhood #staycation
#有些事情值得記下 #親子日常 #親子露營
#親子活動 #hkmami #familycamping #coolhkg
營地選擇 在 露營營地選擇、露營歷史、找露營區在PTT/mobile01評價與討論 的美食出口停車場
在露營營地選擇這個討論中，有超過5篇Ptt貼文，作者beareni也提到全圖文:https://www.sisiwander.com/2022/03/blog-post_12.html 橘子園裡有不少果樹，3月份來有檸檬 ... ... <看更多>