出門口差啲唔記得帶埋車公哥哥🙈～
關於車公哥哥嘅故事，俾返個前文大家：
話說呢兩個幾月嚟，幾乎每日都會發惡夢，內容五花八門，有考車肥咗、屋企爆炸、盪失路、遲大到之類，有幾日無發惡夢已經開心一整天😭前日發咗個好奇怪嘅夢，夢到自己入到一間房，裡面有個神壇，見到個深色嘅神像，有把聲同我講「快啲同車公拜拜啦」，我就上前跪低同車公講：「Hello!!我係嚟同車公哥哥您打聲招呼㗎。」拜完之後我就轉身返屋企，無啦啦著咗和服浴衣，打算影張相打卡果陣有隻鬼追過嚟，諗住入房避一避，點知房入面又有隻骷髏骨，我一舉起手機佢就郁，我望一望塊鏡，見到鏡入面嘅我先係鬼！
醒咗之後我po咗前文，朋友話我壓力太大，亦有朋友話既然咁有緣夢到神明，不妨去一去車公廟拜一拜訪打個招呼🙈，我本身真係唔覺得自己迷信，直到我真係搭車去咗車公廟...
我一向唔係一個易出汗嘅人，當日氣溫都係27度左右，但我一行到車公廟門口都未入去就開始標汗，心諗，唔會啩真係咁邪？買完香行入去就開始起雞皮，我一邊拜拜，一邊打招呼：「Hello車公哥哥你好，我尋晚夢見你呀，唔知你係咪有咩啟示呢？By the way我呢排晚晚發惡夢，你有無辦法幫我搞搞佢？」講完之後，我插好曬啲香，最後一柱先拎入去大殿，終於見到車公哥哥，真人好高🙈😆重點係，本來喺相入面金身嘅佢，由於大殿入面無大燈射住又無乜人，望落去同我夢入面見到嘅深色一樣，well，咁有緣份❤️咁我啲夢就交俾你啦車公哥哥❤️🙏🏼
當晚我已經交代咗呢個拜神體驗俾老公知，佢當然會笑我迷信啦，我亦無需要解釋，因為呢個故事佢無親身體驗，佢應該唔太明白我搵到大靠山嘅安全感，咪叫佢當故仔咁聽囉～我將車公哥哥張卡放喺書枱面，就去咗瞓，瞓之前聞到一陣燒香嘅煙味，仲以為係啲頭髮吸咗啲香味，心諗聽朝先洗頭啦！結果一覺瞓到天光，好感動🥲老公仲未feel到我嘅感動，不過佢話車公哥哥張卡跌咗落地，我叫佢放入櫃桶。然後尋晚瞓前我玩玩吓手機，無啦啦又聞到香味，之後我就斷咗電～到咗今朝早，我老公為咗搵衫返工嘈醒我，以前我一定會寸佢點解唔早一晚搵定，但今朝發完好夢個心情仲好high，我竟然無發脾氣🙈老公都嚇咗一跳。
故仔講完，我唔係車公廟代言人🤣純粹係記錄返車公哥哥呢個故事，如果有後續我再分享。
#依家有種感覺想幫車公哥哥寫首歌
#但係我又唔想太迷信😆🙈 #好矛盾
#袋住我個大靠山出門口 #唔該曬
#會唔會嗌得太親切😂🙏🏼 #希望唔會冒犯
燒香啟示 在 成功啟示錄- 拜拜燒香時，被「香灰燙到手」不是意外！而是 ... 的美食出口停車場
Siaran 成功啟示錄 ... 意外！而是神明想提醒你十件事！ ... 燒香拜神被燙是有寓意的！ http://ar.kekeplays. ... 意外！而是神明想提醒你十件事！ ... 要你拿香時要舉高小心別觸碰 ... ... <看更多>