《鎖匙》
👿：屋企有冇換鎖？
😇：無，你可以隨時返去，我每個星期都有叫姐姐上去清潔同收拾
👿：感謝
😇：一家人唔需要咁講野，星期五唔好放我飛機，我介紹我未婚妻你識，我地下年結婚
👿：未婚妻……恭喜，我行開太耐連你拍拖都唔知
😇：我地都到左談婚論嫁既年紀，好出奇咩
👿：擇左日未？我都在行，幫你地睇睇
😇：好啊，我問問佢再覆你
👿：多謝你
😇：？
👿：我間房……同我走之前一樣
😇：邊個敢郁你既野，未比你話過咩
👿：我真係有咁難頂？
😇：都幾，我仲記得22歲個年你仲會打到我喊
👿：我打左你一拳咋……
😇：所以你覺得要打幾多拳先可以喊？
👿：星期五個晚既五個人，係你未婚妻？咁細妹呢？
😇：佢話唔黎
👿：佢婚後生活點？
😇：以我所知，唔太好，佢生左個女之後，我都只係見過佢一次……
👿：佢個懦夫老公同野蠻奶奶？會唔會有產後抑鬱？
😇：你知佢奶奶係拍得住我地母親大人，好彩佢同我一樣咁好脾氣，如果似你，火星撞地球喇
👿：佢似你？我唔覺，八字上睇，我地三個都係差天共地
😇：你同佢生活咁耐你唔知佢為人咩，你八字又睇到乜，有時無謂太迷信
👿：我睇唔到，因為三胞胎既情況太少，八字算係統計學，無數據既野唔會準確，但理論上，我地相差好遠
😇：你話係就係，我唔識亦唔信，你可以搵下細妹，我平時忙難就時間，你依家得閒不如約佢出黎見下
👿：好
😇：我仲記得當年我地三兄妹上下格床，有時夜晚熄燈之後會傾到訓著既時光
👿：都好多年前
😇：個陣我地好多野傾，每晚會嘈呢樣個樣，搬左大屋之後我地各自有房就開始變得陌生
👿：個陣老豆每晚都會入黎房睇我地訓左未
😇：係，佢一入黎我地仲要扮訓，佢會話唔駛扮，如果係阿媽既話就會鬧死我地
👿：佢有次捉到我兩點仲上網打緊機，然後第二日連寬頻都cut埋
😇：你仲好講，個次你害到我地三個月無得上網
👿：我考左次第一，個幾個月我都好辛苦
😇：你試下考唔到，我幫你補課你估我好好受啊？
👿：你知我唔鍾意讀書
😇：如果你讀書，應該比我考得仲好
👿：讀書交比你，花總要有綠葉襯托，我唔介意做綠葉
😇：係呢，十一月我真係要行開下？個陣我好忙，我拎唔到假
👿：盡量，細妹都要行開下
😇：咁你呢？我地八字一樣，我同佢都要行開，無理由你唔駛
👿：你地行開，唔好去同一個地方，我就留低，我唔知我地三個一齊既話會發生咩事……
😇：係咪你新小說既題材
👿：我唔想用你地做題材……
😇：但你成日都用，我有睇你寫既野
👿：從來都唔見你Like
😇：係，我從來都係Cdrom
👿：同你講聲，我女朋友係岑雪兒
😇：我好耐無咁震驚過……真係……太令我驚訝……
👿：扮咩，你從來都係雲淡風輕，幾千萬上落既你，有咩未見過
😇：Anyway, 為你高興
👿：多謝
😇：我做野先，星期五見
👿：好
#長傾不見 #好久不見 #蔣薇
熄燈之後 在 Lights Out 熄燈之後 的美食出口停車場
Lights Out 熄燈之後. Podcast. Like. Liked. HomePostsReviewsPhotosAboutCommunity. About. https://linktr.ee/lightsoutpodcast. ... <看更多>