好想住元朗啊媽😭😭😭依間餐廳想試好耐 因為做過功課依間小店評價唔錯 所以前一日訂左位順便同雕兄慶祝埋情人節🙂
去到門口先見到有#限時優惠😚#12oz肉眼扒 $99 😱😱😱好爭扎 最後叫哂兩樣😂
二人套餐 $488 無加一🎉
餐湯 當晚係 #甘筍蕃薯湯 天然甜味 好喝 有蔬果粒無hea做👍🏻餐包 #蒜蓉包 係用法包切塊 塗滿了整個法包😭好正啊
#夏威夷薄餅 好食 足料 係用真煙肉 菠蘿 洋蔥 火腿芝士😊餅底算薄既 唔錯
#澳洲M5和牛 8oz 叫七成 做到要求🤤👍🏻👍🏻
一半肥一半瘦 牛味唔算濃 但都有 仲有跟薯蓉同一兜仔肉醬 不過調味比較清淡 #我係重口味既🤞🏻
咁既價錢 我好接受 仲會想去下次😊
#煙三文魚忌簾天使麵
忌簾醬一啲都唔吝嗇 掛滿麵條 天使麵煮得岩岩好 唔糊口 好難得😂
重點來喇 #12安士肉眼 $99 叫七成 得 無過熟 岩岩好 千其唔好影相影咁耐 熱食好食 同埋廚房胡椒鹽都比較輕手 重口味如我 可以叫佢比調味料 同埋服務好好啊😽凍左肉質較鞋
#煙三文草莓醋沙律 $68 因爲知會食好多肉 所以想食多啲菜😂沙律擺盤好靚👍🏻我覺得草莓味濃啲會好食啲
值得欣賞依間餐廳 雖然唔收加一 但做到有服務 餐湯沙律主菜 全部都分先後上 無一次過迫哂落枱迫我食快啲 相比出面有收加一既餐廳但都無依間咁有禮貌同服務 同埋找錢 有試過找10個1蚊俾我都夠膽死🤦🏻♀️但依間無 真係找齊頭😂我於心何忍啊 梗係無拎 因為我覺得值得👍🏻
溫馨提示 眼見係一人廚房 即叫即做 制作需時 請耐心等候🙏🏻同埋座位較迫 介意既就唔洗去喇😂
