【我不喜歡恐怖片，不過....】
我不喜歡恐怖片，像驅魔鬧鬼的那些，為嚇而嚇無乜謂，貼錢買難受。不過，其實都有些喜歡，覺得值得睇嘅，例如記得近年《返校》（台灣）、《His House》（英國），有故事有內涵，配合得好，咁又唔同。
今次介紹近期睇過四部。先講剛上畫嘅《Candyman》，不過建議先上 Netflix 重溫1992年嘅同名原作，本片喺近三十年後係「致敬」式嘅續集，原作三名主角都會親身登場或聲音客串。一如當年， Candyman 嘅概念圍繞黑人貧民屋邨殺人魔嘅傳說，話說有個專派糖果俾小朋友嘅神秘人，傳說糖入面暗藏刀片，更嚇人嘅係，只要有人面對鏡子重複講五次他的名字，就會出現殺人。
1992年原作雖然以白人女主角（Virginia Madsen）以大學研究生身分研究這個黑人之間的傳說，手法仍不流於典型的歧視或exploitation，甚至輕輕地暗示種族歧視的社會不公現實，加上色彩和影像的運用，和 Philip Glass 的音樂，令電影不靠黑暗驚嚇，反而突出主角的心理變化，所以被評為上世紀90年代最出色恐怖電影之一。
到了2021，續集落在 Jorden Peele 手上，此子之前兩部《Get Out》（神作！）同《Us》，已證明他的能力和地位，有幾多人第一部執導電影已經提名奧斯卡最佳電影同導演（仲係恐怖片！），贏埋最佳劇本，並且係黑人電影？今次 Peele 只係編劇同監製，交由另一位明日之星新進女黑人導演 Nia DeCosta 執導（她即將執導MCU電影 The Marvels，成為最年輕嘅MCU導演）。
幾場殺人場景完全不會令人失望，但最重要的，是背後的美國這一代年輕上位中黑人面對的各種社會問題及深層次矛盾，表面上他們做了中產，上了私樓，打入了令人羨慕的「上等人」生活圈子，但卻繼續面對gentrification（舊區重建「領展」化、貧民區變豪宅）的後果，種族歧視的換湯不換藥，和更複雜的「黑人為了迎合主流白人社會想見的黑人文化而跟隨市場『創作』這些內容」，片中主角的畫家和藝術家的掙扎，一如 Peele 和導演等自己本身，他們的黑人電影多少只是白人主流市場想看的商品？
第二部《Old》，是 M. Night Shyamalan 嘅新作，他1999年 Bruce Willis 主演嘅《The Sixth Sense》大家一定睇過，是驚慄片「扭橋」經典，其他作品像誇越二十年的《Unbreakable》+《Split》+《Glass》三部曲，以至《Signs》、《The Village》（我最喜歡，但卻是他電影中評價較低的，不解）、《The Happening》等等，不過，只怪《The Sixth Sense》太經典，廿多年來他都不能突破自己。
今次《Old》，睇完trailer，其實已經知道故事基本舖排（所以以下不算劇透吧），就是在一個沙灘上所有人身體快速老化，入場唯一是想解答「為什麼」，其他片中各人點死都無分別不大，因都是意料中事，算是 M. Night 電影中較令人失望的，而最後一個解釋亦來得粗枝大葉，有點反高潮。
2017年 Jorden Peel 的《Get Out》，初看甚有 M. Night 的影子。不知 M. Night 能否再創高峰，但也希望 Peel 可以 keep up。
第三部《A Quiet Place Part II》，又係續集，之前一部真係唔錯，外星怪物只憑聽覺襲擊人類，所以人要生存就要不發一聲，上集 Emily Blunt 拍住佢真實老公/導演/演員 John Krasinski，驚嚇和氣氛都十分好，不過續集實在無新意，勉強可以話把打怪物主線交俾teenage女兒角色，算係稱職嘅續集，不過真係無新意。（上集評：[1] ）
第四部係 Netflix 嘅《Blood Red Sky》，卻值得睇！是德國電影，母親為了媽媽醫病與小兒子搭飛機去美國，遇上劫機，為救她的兒子，（電影宣傳係咁形容）母親被迫「洩露一個駭人的秘密） "unleash a monstrous secret"，不劇透了，自己看！劫機，和這個「秘密」的「橋」，大家一定睇過，不過，本片execute好，十分緊湊，雖有些小瑕疵可以改善，不過對這類型電影加上相對小本製作來說，已經做得很好，是意外驚喜！
OK，我都睇恐怖片嘅，進化咗，唔好齋嚇人。
[1]：https://www.facebook.com/charles.mok/posts/10157203518429186
#Candyman #JordenPeele #NiaDeCosta #糖魔怪客
#MNightShyamalan #Oldthemovie #詭老
#JohnKrasinski #AQuietPlacePartII #無聲絕境II
#BloodRedSky
#光影評 #影評 #電影 #電影介紹
無聲絕境netflix 在 Netflix 香港討論區| 驚喜！netflix原來有無聲絕境 - Facebook 的美食出口停車場
本片有香港导演邱礼涛执导，聚集了张涵予、刘德华、黄轩的组合，也给影片的质量、质感又增加了一重保障。 故事剧情编自真实历史案件，震惊中外的【中俄列车大劫案】，讲述 ... ... <看更多>