[無法演出的我們😔]
本來，今晚就係我哋嘅opening。
完成咗舊年11月嘅試演版之後，本來係滿心期待，將一個更成熟更細緻嘅成長版同觀眾分享...
好難得夾到期嘅演員組合，重新編寫過嘅劇本，放大空間後嘅舞台設計//
係呀，為咗延續上次嘅迷宮型空間設計，5月嘅時候，後台及創作團隊，特登去劇場，嘗試組裝文娛廳不常用嘅兩面觀眾席//
可惜，呢啲心機最後都唔可以同大家見面喇。
期望個世界快啲好番，有心嘅人能夠做大事，每個人都行多一步，繼續為不可能嘅夢想努力💪🏼
始終一天，劇場再見~
現階段會安排先退票俾大家🙏🏻
———————————
好，以上係劇團嘅說話，而以下，係我嘅個人說話。
———————————
《無法成長的我們》可能最後一個有空間可以寫冇乜政治相關事件，又關於成長嘅一個劇本，針對八九後嘅一個劇本，算係半個我畢業以來之後嘅觀察。
對我哋呢一班曾經嘅細路來講，可能已經唔會再覺得被選中，千禧年後先至係被選中嘅一代，我哋成長過往呢10年，其實冇乜點遇過真係好大嘅風浪，過程要煩嘅嘢都係自己嘅事，所以劇本中都唔算好多社會事件，只不過唔使面對呢一啲野，亦都唔代表哩10年過得非常順利。
每個人都有各自嘅麻煩，25歲有25歲嘅煩惱，30歲有30歲嘅惆悵，幾乎每一個歲數都會覺得未得到自己呢個歲數應該要有嘅成積。第一次試演，我嘅題目係「還未成熟，就要成長。」，嚟到今年第二次，被逼成長咗好多，有好多新嘅睇法想同大家分享，或者等有機會先啦。
冇得做呢一個劇，當然我覺得好可惜，之但係，我哋從來都唔係圍繞一個媒介去轉圈，故事可以有唔同嘅載體，創作亦都有無窮嘅方法，如果有說話想講，總有方法可以傳達到去大家嘅心。
我諗我已經成長到唔需要用「堅強」呢個心情，去面對呢一啲所謂嘅挫折，我都唔知係好事定壞事，淨係覺得仲有好多其他事需要堅強，哩啲喺上年對我來講嘅年度計劃，呢啲所謂嘅大事，原來唔難面對。
可以做就努力做，取消咗嘅話就努力準備下次，只要清晰，事情就容易處理。希望大家都好清晰，自己今年想做啲咩、要做啲咩、做唔到又可以做啲咩。
以上
無法成長的我們 在 還未成熟，就要成長… 《無法成長的我們Still Young》 門票現 ... 的美食出口停車場
還未成熟，就要成長… 《無法成長的我們Still Young》 門票現已公開發售!!! 由二十走到三十歲，你會給自己發一張怎麼樣的成績表？... ... <看更多>