米迦 Micah：世界大同因為廁紙都大筒
早上個月武漢肺炎傳入香港果陣，香港經歷咗一個唔同日常物資嘅搶購潮。搶購防疫用品自然係理所當然，但係連米啊公仔麵之類嘅日常物資都有被瘋狂搶購，而我諗咁多種物資入面，最令我覺得痴線嘅係，連廁紙都搶，重要唔係搶購個「搶」，而係搶劫個「搶」。當時大家都可能以為呢個就只不過係香港人愚昩無知先會係咁，但其實呢個世界上面所有人對面恐懼嘅時候，都係一樣嫁咋。
喺呢個星期入面，唔少歐美國家都開始進入武漢肺炎嘅爆發期，一向輕視呢個疫病嘅佢哋，亦都開始慢慢咁感受到呢隻病毒係幾咁具影響力，與此同時，亦都猶如早上個月嘅香港咁，佢哋亦都開始有唔同嘅搶購潮，而最好笑嘅就係，就連佢哋都開始搶購廁紙呢樣嘢，因此各大社交媒體上面就出現咗好多有關廁紙嘅Memes。
其實只要你冷靜落嚟，你就會明白好似廁紙又或者鹽呢啲嘢對抗疫係毫無幫助嘅，但點解都會出現搶購潮呢？根據倫敦藝術大學嘅消費者心理學教授Paul Marsden 所講，喺心理學層面嚟講，搶購潮嘅出現，最簡單可以解釋到呢個行為嘅方向就係嚟自 “Retail therapy”，姐係購物療法，就係現代人類會透過購物嚟調整自己嘅心理狀況。
姐係話，喺我哋對呢個世界上面嘅嘢出現咗一種「我哋不能夠控制」嘅情緒嘅時候，我哋嘅心理上就會傾向做一啲我哋可以控制到嘢，而購物係一種我哋完全可以控制嘅行為，而呢個搶購嘅行為，係完全滿足到心理學上面人類嘅三個基本需求：自主 (Autonomy)、控制欲 (the need of control) 同埋歸屬感 (Relatedness)。
而有另一種說法就係話啲人之所以會有搶購潮係嚟自兩種主要原因：認知嘅反應 (Cognitive response) 同埋心理嘅反應 (Emotional response)。前者就係源自我哋自己嘅認知偏差 (Cognitive bias) ，因為喺我哋面對一啲切身而且好接近嘅事情果陣，我哋係會諗得過火咗，例如當有飛機事故果排我哋就會唔敢坐飛機；有鯊魚攻擊人類果陣我哋就會認為所有鯊魚都有攻擊性，令到我哋睇到啲乜嘢果陣都會搞到成件事好似災難咁。
不過，究竟「搶購潮」係源自於乜嘢原因我諗都係眾說紛紜，到依家都未有定論，但係如果你問我覺得香港人係因為啲乜嘢而會進入「搶購潮」嘅話，我會答你以上所有嘢都唔係香港人會「搶嘢」嘅主要原因。香港人之所以會「搶購」，最主要嘅原因就莫過於五隻大字：
因為有得炒。
P.S. CNBC呢段新聞入面訪問咗幾位心理學嘅專家嚟解釋呢個問題，我只係抽咗其中兩位嘅睇法出嚟講咋，有興趣可以睇哂佢，聽下唔同嘅專家對呢樣嘢有咩睇法！
#武漢肺炎
#搶廁紙
#無常識不分人種
延伸閱讀：
https://www.cnbc.com/2020/03/11/heres-why-people-are-panic-buying-and-stockpiling-toilet-paper.html
無常識不分人種 在 韋佳德Skanda - 台灣有種族歧視嗎？ 「幫忙分享- 不勝感激 ... 的美食出口停車場
人種 是一個不準確的概念，因此種族歧視也沒有理由存在。20世紀以前，科學家普遍認為， 人類分為若干個本質主義方式劃分的（即以不可缺的特徵來劃分的） ... ... <看更多>