Search
今日我聽得最多嘅係
『你仲咩瘦咗咁多』🤦🏻♂️🤷🏻♂️
#其實今日大喜日子
#又多個宣傳渠道
#ViuTVxGimmickbox
#gimmickbox #gimmickeasy
#敢創意宣傳
#個個都話我瘦咗
#但係我最近爆飲爆食
#係咪因爲留咗鬚呀
#好似吸毒咁 #好唔抵
#無吸毒但係似吸咗毒
#點解我個表情係咁臭屁㗎呢
#其實我係想笑㗎喎
#我真係開心㗎
#公司發展好我真係開心㗎
#越解釋就好似越假咁添
#但係我真係開心㗎 #😘
「企硬take嘢衰硬」這句耳熟能詳的禁毒宣傳標語，相信大家不會陌生，而對33歲的馮貫中來說，就有另一重體會。
「當初我戒毒，我連戒毒係咩都唔知，個社工同我講條路係點，其實我望唔到，就覺得唔可能，我咁多年嚟都喺黑暗嘅生活裏面，我係唔信。」貫中至今仍難以置信，自己可以逃出深淵，一步步走進今日的精彩人生。
16歲沉淪毒海
貫中16歲受損友影響開始吸毒，「我係食嗰啲『K仔』、『Fing頭(丸)』、『可樂』，以為係軟性毒品，係我玩佢，唔係佢玩我，到後來發覺原來都無分別，都係毒品，都一樣會上癮。」
「輸掉」膀胱
一開始時不知上癮，慢慢地卻泥足深陷，「會日日食，早午晚、下午茶、宵夜都食，就算可能半夜瞓醒去廁所都會食。」他更直言當時毒品是自己生命的全部，會用所有收入去買毒品，也曾為此鋌以走險，為賺更多錢而犯罪，令自己出入監獄八次。除了留有案底，也為身體帶來了永久性損害，尿頻嚴重得曾數分鐘要去一次廁所，最終需做手術切除膀胱。
決心「脫毒」
毒品令貫中身心俱殘，也損害了他與家人的關係，貫中指自吸毒後就沒有與爸爸說過一句說話，「一家人食飯好似『頭尾圍』咁，但媽媽始終係不離不棄，食咗十幾年，坐監咁多次，佢次次都嚟探我，好遠都嚟探我。」他略帶激動地說。
母親更令貫中產生戒毒念頭，他憶述指有一次吸毒後媽媽勸自己不要再食，「我望一望佢，發覺媽媽原來多咗好多白頭髮，好心噏。」再加上碰見了多年不見的朋友，被對方直指「樣衰」了很多，令他下定決心回頭。
但旁人的歧視目光就一度令貫中半途而廢，「好多時因為被人解僱，有時都唔開心，覺得我都無食毒品，做返正常人，點解無人接納到我？」幸而貫中很快就想起失而復得的家人及朋友，他很快尋求社工協助，之後就沒有再吸毒。
無家者世界盃
戒毒路上貫中並不孤獨，他找回了兒時的夢想—足球，他在戒毒所加入了足球隊，還在活動中認識了「無家者世界盃」，並矢志要入選代表香港出賽，他記得自己當初身體差得選拔也參加不了，但為了夢想他堅持了三年後終於入選集訓，並忍受剛施完膀胱手術的痛，最終如願以償，去年代表香港遠赴挪威出戰。
以音樂鼓舞生命
除了足球，貫中也有音樂作伴，他起初在戒毒所因為沒有「世藝」，聽從社工勸導學音樂。他直言自己三十歲左右才學，一開始怕被人笑，「發覺我唔同人比，自己做返想做嘅嘢，自己會開心。」之後他更與樂隊隊友以自己的原創歌曲傳遞禁毒訊息，希望回饋曾幫助自己的人。
過來人身份助戒毒者
貫中現時在一間戒毒院舍裏擔任社監。作為過來人，貫中比其他人更明白他們，「明白佢嘅困難、明白佢嘅處境，作為一個陪伴者，有時一個陪伴者唔需要做咩，明白已經好足夠。」
回望過去，貫中說從無想過自己能成功脫毒，尋回美好的生活，「我戒嘅時候完全無諗過會踢返波或者會玩音樂。」而戒毒時社工的一句說話他現在還記得，「永遠要相信你嘅潛力比你想像中大。」
今集《港。故》用7分鐘，帶大家看看一個在毒海浮沉十數載的浪子，如何回頭並開展精彩人生的故事。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggufb
Follow埋《港。故》IG，睇更多精彩靚相：http://bit.ly/oncckonggu_IG
