今晚好開心獲邀出席譚仔中環新店嘅開幕派對，率先試咗佢哋嘅一啲全新和中環店獨有嘅限定菜式😋😋😋
.
呢間位於中環商業區嘅譚仔新店有三層咁高，個格局都好新穎同寬躺，有別於一般譚仔嘅裝修，唯一不變就係譚仔阿姐純正又親切嘅譚仔話🥰
.
首先我哋試咗佢係最近鋪天蓋地大賣廣告嘅脆肉鯇木瓜魚湯米線🍜其實都想試好耐㗎啦，今日咁啱試到，正😋👍魚湯帶木瓜清甜，脆肉鯇魚片入口很爽口且帶鮮味，聽返佢哋介紹話原來脆肉鯇係用蠶豆養大，所以佢啲肉質零瀉爽口彈牙。不過屬於比較清淡路線，我同朋友都覺得如果加埋辣可能仲正，始終有時去譚仔都係想食啲辣，如果想加辣我諗都可以向店員提出嘅🤣
.
跟住我哋又試咗幾款佢哋新推出嘅涼拌前菜小食，有涼拌茄子，麻辣豬耳同埋川辣黑柏葉，呢幾款嘅涼拌小食都不錯哦👍，尤其是推薦麻辣豬耳同埋黑柏葉，比較少見係黑色牛栢葉，因外面大部份都應該漂白加工左，都幾特別。
.
最後介紹翻呢度中環店限定嘅早餐，似乎佢哋想target on中環嘅返工一族，等佢哋早上可以食一個豐富嘅早餐，而沙田返工嘅我竟然有幸可以夜晚試食到佢哋中環新店嘅限定早餐set，太開心了🤣其實個早餐set都真係幾豐富，包括一份烘土匪炸醬芝士三文治 同一碗家鄉米通粉，個土匪炸醬芝士三文治中間夾嘅係炸醬，你冇聽錯，係平時嗰碗米線配嘅炸醬吖！一開始我都會諗夾唔夾？🤔食落炸醬同芝士同埋多士又真係幾夾，佢嘅炸醬味道淡啲冇平時咁濃，明顯有調配過，同芝士又出奇咁夾喎！👍另外塊多士真係烘到外脆內軟，成件事好soft，同朋友一人一半，我好快KO一件，因為最近低醣減肥好耐冇食過麵包啦，再次食三文治我好感動呀😭真係覺得零瀉好味😋😋
.
臨走時佢哋仲送咗套譚仔擦膠做紀念品，超靚😍多謝晒🤩
.
Btw其實今日係我30日低醣減肥嘅最後一日，亦都係我最後一個星期嘅放縱日，今晚食咗好多米線同埋烘三文治，超級滿足呀😋😋😋本來我都擔心安排最後一日先來cheat day會唔會反彈，本身諗住學楊冪咁樣食一條米線就算，但學我朋友話齋辛苦左咁耐食返一餐半餐應該唔會有咩影響嘅，同埋cheat day就係要開心咁食，返到屋企我就會早啲瞓，聽日一早起身磅重迎接呢30日努力減肥嘅成果啦😋😋大家等我消息吖！
#譚仔
#譚仔雲南米線
#譚仔中環新店
#烘土匪炸醬芝士三文治
#烘土匪番茄芝士三文治
#期間限定
#中環店限定早餐
@ 譚仔米線
烘土匪番茄芝士三文治 在 #烘土匪芝士蕃茄三文治 - Explore | Facebook 的美食出口停車場
最近譚仔喺中環開咗間2層嘅新分店，裝修新穎光潔，而且仲有早餐食添 ☀️ ！ . 烘土匪蕃茄芝士三文治（$31連飲品）. 第一次去譚仔唔係食米線. ... <看更多>