【又係另一個香港後花園！】
原本打算由烏蛟騰經荔枝窩去鹿頸，去過嘅朋友相信都知道條路有幾易行，除咗長之外，路況基本上係一家大小都適合嘅郊遊徑咁。同朋友一路行一路吹水，中途turn錯個彎都冇留意，直至發現，咦喂，做乜不斷係咁上嘅？我哋去緊吊燈籠喎，先發現突然越級挑戰咗，呢條路絕對唔易行，部份路段幾乎直上直路，手腳並用都要好小心果隻，好在隨身帶定行山杖。
難行自有難行得著，之前覺得分流係我目前行過香港最靚景色嘅山徑，呢度都可以同佢匹敵喇！去吉澳果陣，經過印洲塘波平如鏡已經覺得好正，估唔到喺山頭上面望出去，比下面睇更加震撼，完全可以忘記咗本身嘅累！或者，因為事前完全冇任何心理準備要嚟，連路線同相都冇睇過，行上嚟只係臨時變陣，上咗一半頂硬上行埋去，估唔到竟然有呢個景，辛苦啲都係值得！
諗返去旅行果陣，好多時都係因為行錯路、搭錯車、走咗班火車搵地方hea、截順風車中途要轉第架車時，無啦啦去咗個從冇諗過去嘅地方，往往反而會成為咗旅途上高潮所在，唔知係咪呢個原因，堅鍾意吊燈籠個景，而離開前第一次去鹿頸，個海岸景色都好舒服！
諗返喺外國行山唔覺意行錯路，你好多時都會好驚好緊張，但頂硬上行埋去、靠自己搵返另一個出口，過程唔單止有成功感，都會因為explore到完全冇諗過嘅景色而驚喜，我諗呢個就係Backpacking嘅滿足感。
朋友表示，再過幾年開始老，仲頂唔頂得順Backpacking？我只希望，一日仲有健康（同埋幾時可以去得到旅行），我都會繼續以呢個模式去旅行，屋企個Backpack，都年幾冇用過喇...
吊燈籠行山遊記稍後再整理！
分流、吉澳遊記可看留言連結。
✨ 網店正式開張！新張期內貨品低至$10！請即睇：https://bit.ly/3qLPkpk
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
