【 Contex Digital CONTEX康迪斯電視呈獻：2017香港電視大獎投票／游大東竟然搵到 東方昇 回應！】
香港地，是一個不容許失敗者浮上面的成功者歡樂天地，即是說，只有成功者才能夠成為大眾焦點，公平咩？！But池，都已經是2018年了，在我而言，最老套的永遠最有說服力，失敗乃成功嘅阿媽，游大東做了廢青那麼多年，這個電視評論專頁之所以出現，一切都是從失敗開始，所以成功未必好，失敗亦只是一個過程，所以「2017香港電視大獎」除了讓得獎者閃閃發亮的講出得獎感受之外，有入圍有提名但沒有得獎的人，都可以有講幾句感謝說話的時候，第一位（或者是最後一位嘉賓），是跟小弟同樣都屬於「廢青星系部族」的東方昇（王嘉偉），講兩句「冇得獎感受」！
由東方昇監製，毛記電視 節目部團隊製作、在毛記電視播出的《今日問真啲》（上一集：http://bit.ly/2FDb7bt），入圍「2017香港電視大獎」「製作獎」及「節目主持人獎」，結果「製作獎」由《降魔的》奪得，《今》Top 5不入（http://bit.ly/2Grh1O0），至於「節目主持人獎」雖然面對Do姐和農夫的三劍合壁，東方昇依然順利躋身Top 5，與無綫電視新聞及資訊部的台柱方東昇相遇（http://bit.ly/2BG6qLA），最終東方昇排名第四，勁過主持《森美旅行團》的森美、黃心穎、麥美恩和高海寧。事後，小弟在某個場合遇見東方昇，他才告訴我，他其實不算《今日問真啲》嘅主持！
「我主持啲咩？我冇嘢主持喎！」
OMFG，What？後來他諗多咗幾秒，又改口風：「《今日問真啲》，我係監製……都算主持嘅，其實，因為開頭果啲都係我做嘅，落手落腳，只係唔出樣啫。」點解唔出樣呢，雖然有對筷子插緊鼻窿，但仲係好靚仔囉！「因為（每集）都要喺街做兩日街訪，做街訪係好L辛苦，真係仲辛苦過拍《國家級任務》，所以點解我唔出樣呢？就係因為我想像到（做呢個節目）係好嘥時間，我要有人接棒，如果我真係要個個禮拜做，就真係會成個禮拜都會好唔得閒，咁所以開頭諗呢個節目嘅時候，都覺得唔好出樣喇，費事跟跟下，如果跟唔到就真係出唔到樣，要有人接手，我寧願做監製角色，所以之後真係度晒問題，畀阿Jacob去做，之前就畀阿Nicky 龍志權 去做。」
雖然你唔係拎第一，不過「節目主持人獎」都係前五名，不如你回應一下。「多謝游大東啦，真心佢將我納入去個提名之內啦，跟住就係多謝 林日曦 ，唔知點解要多謝佢，之後要多謝我啲同事，因為我都係指下指下，指指點點啲同事，都係啲同事好努力咁樣去剪呢個節目，真嘅，佢哋好努力！仲有，要謝街坊，每次佢哋見到我，都好願意接受訪問，呢個真係好重要㗎！」
受訪期間，聽得出東方昇把聲沙晒拆晒，事緣他最近為自己首個個人騷《東方昇特異功能救香港》又錄歌，又做訪問，又繼續拍節目，聽講他為了令到整個節目更好睇，已經拜師學藝，跟唐詩詠同一位老師 ── 戲劇界高手甄穎蓓學習舞台演出技巧，看過今天出版的《 明周娛樂 Ming Pao Weekly 》（第2539期第36－37頁），甄老師知道東方昇屆時會在個人騷中又唱又跳又做又講，所以專誠傳授養聲、發聲技巧給他，不然這樣擘大喉嚨叫，不到半粒鐘就會聲沙，因為食恐龍鞭不會變出靚聲呀，冇一把靚聲，又點樣繼續主持《國家級任務》，又點樣有機會角逐「2018香港電視大獎」呢？（有下一屆再算啦！）
＊＊＊＊＊＊＊＊＊＊＊＊＊＊
毛記電視主辦、東方昇國際影迷會全力贊助：
《#東方昇特異功能救香港》！
即Click首支宣傳片 : https://goo.gl/eWgpMP
2018年4月12日伊利沙伯體育館 癲佬救港！
門票將於2018年2月14日情人節早上10點起於城市售票網公開發售！
（03022018）
＃游大東 ＃2017香港電視大獎 Symedialab 新傳網 Wong Kar Wai ＃東方昇 ＃國家級任務 盤菜瑩子 利君牙 中祖兒 ＃今日問真啲
為食恐龍 在 為食恐龍Yummy DINO - Facebook 的美食出口停車場
為食恐龍 Yummy DINO. 31 likes. . 41 followers. . Follow. . Posts. About · Photos · Mentions. Details. . Page · Restaurant. ... <看更多>