【非物理】其實我就唔太鍾意奧運會嘅。我覺得奧運會破壞咗好多運動，某些少人玩嘅運動為咗提高知名度，焗住跟奧委會嗰套，破壞晒運動原有嘅規則，包括運動攀登在內。好在足球有世界杯，唔駛理班奧委會。
話雖如此，香港運動員係一定要支持嘅。而我哋支持除咗希望運動員取得好成績，亦希望佢哋代表香港人，向世界展示香港人係點樣嘅。我覺得香港運動員絕對係香港人嘅自豪。
頭先睇ViuTV直播女子重劍八強賽事，代表香港嘅Vivian江旻憓選手對代表俄羅斯嘅Aizanat Murtazaeva選手，奮戰落敗，雖敗猶榮。雙方盡全力比賽，彰顯體育精神，值得尊敬。
直播下方嘅留言中，大部分都係為Vivian打氣，即使最後輸咗比賽，依然留言鼓勵Vivian唔好氣餒。我認為不單止比賽選手，觀眾們都彰顯咗體育精神。
然而，其中一兩個留言真係令人作嘔。Vivian落後時，已經不時咒罵Aizanat「臭雞」；到比賽結束，竟然話要「去澳門搵件俄妹洩憤」。 洩什麼憤？體育比賽就係有贏有輸，唔想有人輸可以去睇TBB打和super。
呢種輸打贏要不特止仲要出言侮辱對手運動員嘅人，係香港人之恥。運動員鍛煉十幾廿年站上擂台公平作賽，呢啲出言不遜嘅香港人亦係侮辱咗香港選手所付出嘅努力。
唔好以為坐喺螢幕後邊亂咁打幾隻字冇乜問題，一個地方嘅尊嚴係由每一個人長時間點點滴滴嘅自我尊重累積而成。
希望大家都能夠透過奧運比賽學識尊重，而非單純地看重賽果。
澳門足球直播 在 澳門足球直播、30直播、55直播在PTT/mobile01評價與討論 的美食出口停車場
360直播网（www.360zbz.com）是国内最好的体育直播网站之一，360直播吧主要提供足球直播、NBA直播等体育赛事直播，内容涵盖英超、西甲、意甲、德甲、法甲、欧冠、 ... 澳門 ... ... <看更多>