【佇保安林內底 ê 開礦行為，敢有符合法規中明示「#社會公益」 ê 目的？】#潤泰精密申請南澳蘭崁山保安林開礦第3次現勘會議
博萮 ê 意見有兩个重點：
1. 本人反對開礦，咱宜蘭 ê 山林，應該是宜蘭 ê 公共財，毋是開礦業者 ê 提款機。
2. 咱今仔日佇遮，是踐行《#保安林經營準則》第 13 條，來討論這个開礦 ê 行為，敢會影響著「#地質穩定」、「#無礙國土保安」、「#林業經營」，但是在我來看，這个程序其實是ㄧ个 #假議題。
因為咱來看《保安林經營準則》第 1 條的規定，這个準則是依《森林法》第 24 條第 2 項 ê 規定來訂定。
若是來看《森林法》第 24 條第 1 項，內底講了真清楚：「保安林之管理經營，#不論所有權屬，#均以社會公益為目的。各種保安林，應分別依其特性合理經營、撫育、更新，並以擇伐為主。」，因此，第 1 項是第 2 項 ê 前提佮基礎。
意思著是講：咱今仔日這个佇保安林 ê 管理經營，毋管所有權屬啥人，這个開發行為 ê 目的敢有符合「#社會公益」？才是應該 ài 來檢視 ê 重點，若是這个開礦本身無符合社會公益，別項嘛根本毋免閣討論落去矣。
｛補充發言｝
開發單位/顧問公司表示，遮過去無捌發生過災害、未來發生 ê 可能性嘛無大，這是講白賊話。
咱看到過去的新聞內底著捌報導：「2009年因為芭瑪颱風發生 10 公頃大規模嚴重崩塌」這佇網路面頂攏查會著。
開發單位講 ài 為 300 規个佇潤泰做工課 ê 員工佮家庭設想，但若是真正發生了意外，這 300 外个家庭未來欲按怎過日？
請開發單位講話 ài 憑良心，毋通等到災害發生才來後悔。
影片 By @顏廷武老師
20200430蘭崁山會勘路線紀錄
https://youtu.be/AW9G_oe5IMc
https://youtu.be/7I3ubvDcDMg
潤泰精密申請南澳蘭崁山保安林開礦第3次現勘會議 在 青天計畫2.0宜蘭反空污行動平台- Publicações | Facebook 的美食出口停車場
5月2日，聯盟號召大家一同到縣政府表達潤泰水泥廠嚴重噪音問題，造成周遭居民長年 ... 2020 04 30 守護水源保安林拒絕蘭崁山採礦潤泰精密材料蘭崁石礦保安林租地審查 ... ... <看更多>