【高抬貴手🙏🏻】
版主大家都知道餓左兩個月波，球場一開番係值得開心嘅。因為谷左咁耐去射⋯⋯個龍門。但大家冇踢咁耐，唔好話技術，就連身體同意識都要重新適應。興奮還興奮，可以嘅話減少一啲「不必要」嘅埋身肉搏。因為作為一個龍門，停左咁耐冇踢波。真係必筋都硬Q晒。對於一啲不必要嘅碰撞，都好大機會受傷。又唔係踢港超，比你贏左波都係有獎金。有啲位可以就收下啦。
外國有位龍門出迎，唔知對方有意定無意，成個鞋底飛埋去。結果爆缸收場，要縫針。以呢啲咁大嘅撞擊，爆缸就實有，嚴重起上黎有骨折或者腦震盪。希望最後人冇事。
版主溫馨提示一下各位，餓左咁耐波身體係要適應做運動。下下都去盡，唔止有機會令對受傷，自己都好易中招。除左收腳之外，都有少少建議，可以令自己冇咁易傷。咁就可以踢耐啲🙏🏻
✅足夠熱身 (動態伸展）
心率要慢慢提升，要Feel到個身有少少熱同汗。配合動態伸展，令肌肉及關節有足夠準備
✅力量訓練
咁耐冇踢波，隻腳係唔會點有力。特別踢波有咁多急停轉向。一急停或者比人輕輕撞下都會扭到。建議做少少體能訓練去強化番啲肌肉。有一定程度肌肉先保護到自己。例如深蹲，單腳平衡等。都可以強化膝頭及腳腕嘅關節。
✅拉筋 (靜態伸展)
拉筋又唔一定要開波先黎做，平時喺屋企習慣做15-20分鐘伸展，等啲硬左嘅筋腱可以鬆番。應該一拉就痛。痛嘅時間保持呼吸。個動作hold住一啲時間。Keep住拉就慢慢鬆番，到時踢波前做埋熱身，拉傷嘅機會都自然細啲。
希望大家可以享受到難得有波踢嘅同時。呢啲小小建議可以幫到大家少啲機會受傷。可以喺呢段時間開心踢。唔好彩嘅話唔知幾時又可能再封場🙏🏻
#溫馨提示 #防止受傷 #踢波唔好搏到咁盡 #運動創傷 #預防受傷 #伸展 #力量訓練 #足球
港超 獎金 在 傑志未有發放其冠軍及亞冠晉級獎金 的美食出口停車場
港超 丹恩奴域指拖欠獎金傑志表示遺憾傑志體育會對於前球員丹恩奴域在社交媒體上指「被拖欠冠軍獎金」與「球會仍欠我部份亞冠盃獎金」表示遺憾。... ... <看更多>