［第二十餐］［台北美食地圖］茗香園冰室— 台仔開港式餐廳，好食！
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
亦係嗰句，辛苦自在搵嚟食，搵食搵食，最後都係搵嚟食。但，唔通畀人炒咗就日日40蚊魯肉飯咩。係，呢餐係畀人炒咗之後嘅事了
影得好核突。但一嚟係我啦，二來外賣係咁上下，三來趁熱食。四來……如果佢用個盒都好啲嘅。但，影相係網友嘅，食落口係自己嘅。好食就得！
而堅係好食！
老闆係台灣人，但請香港師傅。同埋講到尾睇成果，大撚把香港人都係煮垃圾（even，or especially 在香港嘅茶餐廳都係咁）
呢間台灣港式茶餐廳都幾有名氣，都幾多網友推介。而我之前冇試過，今次一試，果然係得。
眼見近10年台灣嘅港式茶餐廳進步不少，真係野豬求失禮了。
餐牌都幾多嘢，有黯然消魂飯。但出名嘅係「邪惡三眼仔飯」。三眼仔，三隻半熟雞蛋是也，膽固醇萬歲。「細心啲睇，真係見到三隻蛋的」
而堅係好食。有三眼仔豬扒，或者三眼仔沙茶牛肉，都係150，我呢個就三眼仔豬扒兼沙茶牛肉180。金，鋼，同埋金鋼配襯男女系列。
但其實，只係三眼仔沙茶牛肉已經夠。豬扒唔係唔好，但沙茶牛肉更好。蛋，牛肉，醬，飯，全部都無可挑剔。甚至杯奶茶都很好
左上角仲有鼓油畀你自己加，但完全唔食用。蛋汁加埋沙茶醬已很正。
唯獨係其實應該用個扁身盒可能好啲，但當然餐廳有自己考慮。而家影相唔靚，但食落過癮就得。
呢度180，凍奶茶盛惠80，亦十分正。180個飯完全唔貴，我相信食150三眼仔沙茶牛肉飯我都會好開心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
港式奶茶膽固醇 在 SH Nutrition - 港式奶茶咖啡因真係好高 - Facebook 的美食出口停車場
另外，港式奶茶多用淡奶或煉奶沖調，導致一杯未 加糖的熱奶茶已有105千卡、7克糖、6克總脂肪、3 克飽和脂肪，長期過量飲用會增加肥胖、壞膽固醇 ... <看更多>