其實做完smile微笑矯視都已經有兩個月，講呢兩個月其實都有好多朋友pm問我究竟應唔應該去做？個過程係點？做完之後睇吓有冇唔舒服？有啲朋友聽完我講完之後亦都即刻去book期去做矯視，做完之後個個嘅feedback 都好好。不如今日我索性同大家分享我既小小既心得。
其實我決心去做smile之前，相信同大家一樣都好掙扎，因為眼睛係靈魂之窗，只許成功不許失敗，但係因為我近視好深 (左: 650 , 右: 850)，又成日做嘢做到好夜，長期戴Con令到對眼好多紅筋，同埋聽人講戴隱形眼鏡最多只可以戴10年，多個10年之後，眼睛就會開始缺氧，長久落去都係會影響視力，所以就鼓起勇氣決心去做矯視。
仲記得當日我係朝早去做檢查，下晝已經可以做手術，當然你要早啲同醫生request你想一日內完成晒檢查同手術啦。早上檢查嘅過程好快亦都好簡單，先做視力檢查，然後醫生會同你詳細講解整個手術過程，最後會的幾滴眼藥水，將你嘅瞳孔擴大，方便下晝做手術。
大概下晝4:00 ，醫生會係手術之前，再同你詳細講解整個手術過程，以防你手術嘅過程會緊張。好彩我冇揀錯醫生，我個醫生非常之細心而且有耐性，唔單止做手術前會講一次手術過程，當我做手術嘅時候，佢都會再提我下一步佢會做啲乜嘢，我將會見到啲乜嘢，又或者我對眼會有咩感覺。所以我亦都淡淡定比佢用儀器係我對眼舞黎舞去。不過其實你話唔緊張就假嘅，但至少醫生嘅細心，令我大大放心。
其實個手術過程一啲都唔可怕，最令我辛苦嘅，其實係做完手術後二至六小時。因為做完手術之後，瞳孔會放大，就算有少少光都會令到我眼球刺痛而且不斷流眼水。但係呢間眼科中心，仲有一樣細心嘅事情，就係會幫你call埋的士，送你返屋企，咁就唔需要擔心睇唔到嘢。
坦白講，返到屋企之後，只要定時每兩小時滴一次眼藥水，咁就會快啲好返，而且每一次滴眼藥水，視力大概會回復30%左右，所以我當日大概晏晝5:30返到屋企，夜晚11點已經可以坐喺屋企睇電視，而第二朝亦可以繼續shooting，完全冇因為做完視力矯視而需要休息幾日，非常適合愛靚唔愛命而且工作唔定時既我。
想知多啲我手術後既心享，可以去我Instagram @princekenjiwong 睇下我既訪問呀，再有其他問都可以隨時pm 我，希望哩個小分享可以幫到大家啦。
#醫療集團 #眼科專科 #微笑矯視 #護眼秘笈 #清晰微笑激光矯視中心
#ClaritySMILELASIKCentre #矯視最緊要清晰 #SMILE #SMILE微笑矯視 #LASIK #LASIK激光矯視 #激光矯視 #近視 #散光
清晰微笑激光矯視中心失敗 在 養和激光矯視失敗的問題包括PTT、Dcard、Mobile01 的美食出口停車場
也說明：養和醫院視力矯正中心主任、眼科專科醫生張叔銘指出，激光矯視分為兩種，分別是Smile以及Custom lasik，但若果患者的眼角膜太薄、近視太深、患有白內障等 ... 最後 ... ... <看更多>