【《午夜靈異錄像》又走去Reboot】
早前曾經同大家分享過，《午夜靈異錄像》將會拍第六集，預計今年上映，但拍拍吓個Project似乎唔多掂，最終又走去轉玩Reboot，今次就搵嚟《深海異獸》導演、《死亡無限loop》同《屠。姐上錯身》編劇負責，都繼續由Blumhouse監製，聽落呢個製作團隊背景，又好似唔錯咁。
自問對恐怖片免疫嘅我，《午夜靈異錄像》係好難得堅嚇到我心都寒埋，返到屋企都猶有餘悸嘅戲，所以點都有一定位置。可惜，個題材俾荷里活玩爛咗，愈拍愈爛，爛到前傳外傳都拍埋，竟然冇嘢玩到走去玩埋鄰居，由邪教玩到疑似喪屍都出埋，最後睇到黑人問號。
不過，《午夜靈異錄像》（香港譯譯吓變咗《午夜來嚇》）因為集集都極低成本製作，基本上唔駛大收，只要有人睇，已經大賺一筆，仲成為恐怖片王Blumhouse起家作品之一，後尾果幾集都變成觀眾萬聖節集體回憶－－入戲院花生到底有幾爛嘅回憶，同時都引起咗一堆「偽恐怖片」熱潮，雖然冇套掂，而個系列爛到拍唔到落去，咁就不如算數。
事隔十幾年，「自拍」又唔係以前拎住部DV機咁簡單，又可以玩啲咩？當《午夜靈異錄像》最恐怖係實感極強時，最後果集《午夜來嚇：靈異凶間》玩到又CG又3D，已經唔覺有咩實感，如果Reboot都咁搞法嘅話，不如整過第二個故事更好啦。
🧧電影網店現正進行新春限定優惠🧧請即睇：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
深海異獸 在 #深海異獸 - Jelajah 的美食出口停車場
explore #深海異獸at Facebook. ... <看更多>