【極上！#熊本 #上天草市 #海の旅 二日目】
※警告：內有出浴照，不喜勿入ww
嚟到海邊，各位同學係咪淨係諗到海鮮？既然有靚魚，自然唔少得爲食貓！聲些一早就踏船上 #湯島（ゆしま），同成島貓仔玩到夠～呢個島上住咗大約300人，其中小學生得7個，中學生仲只得1位，貓就竟然有成200隻！島上居民都會定時餵貓，與其話佢哋係野貓，不如話全島居民合力放養佢哋，唔怪得湯島嘅貓隻隻肥肥白白，完全唔驚人，仲會自動圍埋嚟等你抱，熱情過聲些隻細佬 #くーちゃん。
湯島土壤肥沃氣候怡人，呢度種嘅 #白蘿蔔（#大根・だいこん）真係粗過聲些對腳！一場嚟到仲有機會試試拔蘿蔔……咪講掹出嚟，連揸住影相都幾乎手痹，可想而知係幾咁多汁香甜呢～
做完運動又要補充營養，先去 #水天 食一日限定20食嘅 #海鮮丼，呢度對面係 #車海老 養殖場，無論刺身蝦定係天婦羅蝦都大件夾抵食，1450円食埋海膽帶子同是日靚魚，新鮮度CP值都超高；未食夠海膽，去埋 #海鮮家福伸 食馳名海膽丼，鋪到成碗都係2600円仲配醃菜甜品，加埋店家自製甜醬油，海膽更鮮甜！
第二晚嚟到全熊本至貴溫泉酒店 #天空之船（唔係宮崎駿呀喂），一個人瞓至大Villa，配備個室風呂同露天風呂，溫泉水引自 #松島溫泉，仲可以自行調教溫度，舒服到一個點；晚飯仲有海鮮和牛fusion高級洋食，感覺瞬間升格做 #御嬢様 喔！
第三日行程同樣咁貴格，坐遊艇出海睇野生海豚，享受雞肉味極濃嘅 #天草大王 燒雞，仲去埋 #龍宮 做一日公主！繼續睇聲些直播上天草市顯赫生活雜誌啦～ww
#湯島小貓都係KISS魔
#想用湯島大根做蘿蔔糕
#成肚都係海鮮
#浸溫泉梗係要脫
#peggysensei
#PEGGY先生
