黎明原定係4月28日到5月7日舉行一連8場演唱會，今次破天荒係中環海濱區搞演唱會，仲有飲食區、遊戲區等等，絕對係近年香港演唱會史上少見……少見到居然演唱會第一場就因為消防問題，拎唔到牌而取消。
消息一傳出，網民除咗覺得失望、可惜之外，仲鬧爆負責批牌嘅食環署，指「臨開先話唔批，玩人？」、「咁多時間，去到最尾先決定唔批牌！」、「點解呢個政府可以咁遲先通知？」、「特事特辦啦！」……
其實搞呢類型有野食、有遊戲區，針對本地客同外地遊客嘅嘉年華形演唱會，潛在經濟效益比你想像嘅可能更多。上年九月，宮城縣因為受到2011年大地震影響經濟，所以宮城縣知事村井嘉浩邀請當紅組合「嵐」係當地舉行大型戶外演唱會，有美食區、精品售賣區，又有遊樂區「嵐樂園」，性質同黎明演唱會相似，目的係幫助當地災區復興，更加預算為當地帶來約93億日元（約6億港元）嘅經濟效益。（雖然有消息指嵐呢次演唱會引來其他問題，例如炒賣酒店房，令當地其他活動要取消等，但討論重點係日本政府對娛樂產業嘅重視。）
睇番香港，雖然政府都曾經搞過「維港巨星匯」震興沙士後嘅經濟，又搞「十一國慶演唱會」等娛樂活動，但因為由官方主辦，所以搞得寧舍衰，反應差，蝕本又爛尾，又比人話維穩騷。
今次黎明自己搞，又有飲食區又遊戲區，演唱會設計又創新，絕對係香港樂壇先河。不過香港政府臨尾一腳先嚟唔批牌。雖然安全問題非常重要，亦都絕對支持食環署嚴格檢查，以免樂極生悲，但如果唔合格，可唔可以盡早通知人地呢？有咩理由last minute先話唔比牌呢？又有無recommendation比人睇下可以點改善呢？
搞演唱會，潛在效益可以好多，但香港政府唔似日本政府咁supportive咁重視娛樂產業，諗野實在太過短視。
海濱消消樂 在 海濱消消樂—繁中版 - YouTube 的美食出口停車場
由樂元素出品的消除遊戲《開心消消樂》姊妹篇-- 《海濱消消樂》又有大動作，將以各種“姿勢”陪伴消消樂玩家們度過炎炎夏日，承包社交話題榜， ... ... <看更多>