《超市男神》
「醜婦終須見家翁」，計我話，都唔及：
放完假最衰要返工！
巧開心有機會可以放個跨年假期，撇除冰島極光之旅，每晚都要執包袱轉酒店外，其餘嘅日子我同意佬都大概適應咗意大利嘅生活模式；每朝早餐煮牛奶咖啡，日頭揸車氹氹轉，夜晚睇意佬喜歡嘅電視節目(因為冇一台係講英文，我都係估住嚟睇😅)。如是者，脫離現實生活節奏嘅夢幻假期就此完結……
其實喺To do list 裡面仲有好多事情想做又未做到，例如：去戲院睇戲啦、去學滑雪啦、啟動焗爐煮甜品啦(好羞家囉，屋企個焗爐仍然仲有本說明書喺裡面🙈)……但有我家嘅性感男神陪我買餸兼煮埋過我吔，我又覺得其他一切事情遲啲先再完成都冇緊要喎～
人哋話會煮飯嘅男人好性感，我覺得肯陪老婆去超市買餸嘅男人更性感🤭意佬唔知㗎...我成日扮睇唔明貨架啲嘢叫佢幫我翻譯，然後靜靜喺佢身後傾慕佢揀芝士個神情，簡直令我神魂顛倒🤩聽落好似有啲變態🙈但真係仲好J過C朗著住孖煙通裸sell底橫個樣🤣
好啦～收拾好心情，收拾好廚房嘅砂煲罌罉，準備向非洲黃土再次出發！
#嫁到意大利 #生根唔落地
#梳化都未坐熱就要離開屋企
#浪漫逛超市
#非洲我哋返來喇喇喇喇喇
#出走埃及記2
浪漫逛超市 在 浪漫鴿子谷！與「土鮮肉」逛超市齊做飯〖卡帕多奇亞〗 的美食出口停車場
邀了土耳其小鮮肉一起和大家 逛超市 、跟大家分享他平常買啥， 也和他一起走了今天的整日行程。 在小鮮肉的陪伴下， 大夥跨越語言的藩籬，寫下了與 ... ... <看更多>