【超過80小時詳測】H3 Training 2018 Gloves
補充資料: https://www.facebook.com/311038832300227/posts/1852003714870390/
泰國🇹🇭H3 Sport 嘅手套一直以黎以高CP值深得各位用家喜愛，上代嘅2017版本推出之後，都收到唔少用家意見。反映左泰國官方之後，二話不說就決定打造2018版本，而喺設計新版本嘅時候，都加入左唔少版主同各位嘅意見，希望保持一樣高CP值之餘，又可以比各位有個耳目一新嘅感覺。直到推出嘅時候，香港呢方面遲遲都唔推出。因為版主希望將呢對手套試耐啲試長啲，希望得出一個更公平嘅測試結果。最後用左差唔多兩個半月嘅時間，用左超過80小時以上，為各位送上呢個測試。
H3 Sport 喺2018 年推出左呢款新手套，喺當地已經賣到斷市。因為今次試完之後的確有一個大幅進步嘅感覺，甚至經過詳測之後比頂級嘅Pro 1更加理想。可以話比$250嘅Training 嘅性價比高更多。
首先個樣真係靚仔左好多好多，甚至個設計比好多外國品牌更靚更型，而今次一口氣推出左五個顏色，配色方面更加好睇，除左呢對黃撞藍之外，以泰國國旗紅白藍配色更加靚。除左外觀上，用料亦大幅度升級。乳膠升級左更高階嘅4mm German Latex，而手背改用一款更耐用更舒適嘅Dumbex Latex，剪裁劃一轉用更適合任何指型嘅Hybrid (半管指）剪裁，當然唔少得有好多朋友都想要嘅可拆式4指骨。今次嘅 2018版主包裝，除左一對手套之外，仲送埋手套匙扣，以表示對大家支持嘅謝禮。
既然係測試，就唔講咁多資料上嘅資料，不如講下實測。
【溝通感極高嘅手感】
一對手套好唔好，除左係乳膠有幾啜，更重要嘅係舒適同接波時嘅手感。H3 Training 2018 嘅手感應該係出過三對手套之中最好，半管指嘅剪裁，比一般同剪裁嘅手套更加貼手，一帶落去指間嘅虛位唔多，而且掌型已經輕易形成接波嘅手型，只要放鬆隻手，手套就會將你隻手自然帶到接波手型，只要對岩個波，就輕鬆包晒成個波。帶落去嘅手感大幅進步，甚至有朋友覺得似頂級嘅手感。而去到接波嘅方面，因為內層嘅緩衝區得3mm 厚，手感乾淨利落，感覺非常準確。呢種手感總係令人覺得不溫不火，每接一球，掌心溝通感強得黎，又唔會有種太「利」太刺激嘅感覺。手感介乎Adidas Trans Pro 及 Elite Sport 之間，甚至覺得更舒適。因為版主較鐘意溝通感強嘅手感。打個比喻，如果 Trans Pro 似一部跑車，呢對H3 就似一部房跑。舒服得黎要比一種跑車感，佢絕對比到你。
【乳膠再進化】
雖然所有H3 手套都係用德國乳膠，但手感，黏度，及耐磨等嘅特性可以話完全唔同。同Training 2017 (即有橙、藍、黑三色 $250），除左手感比較舒適，較上代調整得較柔，少左一種硬實實嘅手感，絕對係一個大進步。就算唔接波帶上手都已經過非常舒服。至於乳膠黏度，個人認為黏度比其他兩款強得多。特別喺乾地展示出一種極其恐怖嘅黏度，質感唔係似乳膠噴左層膠水，好Sticky，但只要一掂波。乳膠就好似同個波融為一體，輕鬆吸起一個落場版足球。但呢款乳膠另外一個特性係要用幾次洗幾次，乳膠入局嘅狀態更為明顯。有試用緊嘅朋友都講過頭幾次，總係覺得一次黏過一次，大約5，6場波就完全進入左狀態。而版主Keep住用左超過80小時固對，乳膠打到啞色，但到目前依舊保似極高嘅穩定性同黏度。
至於去到雨戰固一個環節，當初試手套都心存一點懷疑，怕對手套打唔到落雨。但經過十個雨天，呢個疑慮可以一掃而盡，除左岩岩用頭一兩次感得差少少，去到入局之後又係另一個唔到感覺。雖然唔係雨戰嘅專用乳膠，但喺雨戰發揮出近乎雨戰乳膠7至8成表現，因為內櫳唔厚，而且手背乳膠薄得黎唔係太吸水，就算全濕都唔會令到手套好重。雨戰手感就似一個炮彈，中手後似打落舊綿花，所受嘅力量就好平均分散，只要對岩手型，對手套就一吸就完成。咁當然同水戰乳膠比一定係有啲分別。試用嘅時候就算傾盆大雨，都比到足夠嘅信心，令到你更放膽去接。
而耐磨度黎講，相對之前嘅兩款手套，較為差少少。因為乳膠較柔軟，耐磨性屬中規中矩，以個人角度黎講係合格水平。如果以十分為滿分，就屬於六分合格多少少嘅水平。但呢款乳膠由手感，以至各種唔到天氣嘅表現，絕對係上佳之選。有朋友喺大雨試完之後仲立即叫我留對比佢。
【可拆式指骨不能少】
H3 出嘅手套有可拆式嘅指骨絕對係Standard ，雖然版主唔多用，但鐘意嘅地方係用較薄身嘅指骨，第一薄身嘅指骨除左夠輕，而且冇厚骨固種又硬又頂手嘅不適感。喺提供足球支撐之餘，唔會好似厚骨將接波手型搞到不倫不類。比到保護之餘，又提醒番接波嘅時候用少少力定住隻手。無論岩岩學打龍門，至到擁有一定程度手法嘅朋友，都絕對岩用。
總結
因為初初對呢對手套好有期望，由4月收到手套試到落筆一刻，足足試左兩個多月，超過80小時甚至更多，除左陽光普照嘅天氣，亦都喺滂沱大雨呢種極端天氣進行測試，希望喺各方面之中取得更多嘅資訊，雖然係一對價值$350嘅手套，喺各方面取得一個非常理想嘅表現，特別喺手感同乳膠方面進步得非常緊要。比喺2017年推出兩款手套喺絕對差天共地。甚至可以同大牌嘅手套一決雌雄。唯一一個美中不足喺耐磨性低左少少，但作為一對手套，絕對比到好高嘅分數。同埋無論係手感定落場表現，絕對唔似一對官方而命名嘅「Training 」手套，無一個感覺似係用黎練波，而係一對真正落得場嘅手套。喺版主做緊測試嘅期間，泰國職業聯賽有幾位守門員用黎打比賽，而香港亦都搵左位外籍職業守門員及教練試左，佢早前用過對Elite 嘅旗艦版，試完呢對之後就覺得呢對更加岩佢，甚至見佢用黎打比賽。絕對係一種肯定。令H3 手套以高CP 值作為賣點又更進一步。用過之後會愛上。
H3 Training Gloves 2018
Backhand: Dumbex latex 3mm
Palm: German Latex 4+3mm
Body: Airmesh Gloves Body
Cut: Roll Hybrid with thumb wrap.
Removeable Finger Save
Pull Loop
Elastic Polyester
Velcro Hook and Loop
顏色: 黑/黃/紅/瑩光/泰國三色🇹🇭
Size: 5 - 10
Price: $350 (送精美手套匙扣一個）
即日起接受訂購，歡迎Whatsapp 51288455訂購
#Gloves #Goalkeepers #高性價比 #高CP值 #舒適 #輕巧 #H3SportHK #泰國都有好好用嘅手套
