關於 沽空美股 ，我們在網路上蒐集到這些相關的討論、資訊與評價

大家又睇好邊個？

#投資有道 #投資 #科技股 #MichaelBurry #Cathiewood #ARK #沽空 #美股 #ED_S3 #EDAPP13 #經濟一週

［今日寫啲乜］繼續賣個廣告先，有個講座。星期六7月31日 5點至7點，尖沙咀，HomeBlogger尖沙嘴Office，講下半年投資部署，跌定未，你啲MPF點算。唔得閒嚟可以事後重溫，不過收費一樣。

詳情呢度：https://bityl.co/84af
報名呢度：https://bityl.co/84ai

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

今日就勁咯，你見業績都一大抽，我都冇可能睇得晒，只係略睇。但，絶大多數都係勝預期嘅。咁固然，歷史上都係勝預期嘅多過遜預期，公司一定會期望管理，分析員又會識做。但，今次業績勝預期嘅標普成份股，近90%，應該係N年新高。文入面有快講。

你見我望呢一堆，Apple Google Microsoft Facebook Paypal Visa Shopify Spotify 麥當勞 星巴克，差不多全部都勝預期，有啲仲要係高預期好多。頂多你可以話部份可能對下半年審慎啲（Apple），或者用家數字麻麻（Facebook Spotify）．

不過股價呢？績後升嘅好似都似得兩三間。點解會咁？但唯獨係PayPal特別令人擔心，文入面亦有講點解。

至於大市喎，你睇到篇文時差不多開市啦。但我打嗰時就見到啲中概股反彈，夜期又彈，ADR又彈。咁當然唔包開市都升，高開都可以倒跌。但即係，就同咩「美國禁基金買中港股票」（明明就係北水沽得最勁），「冇人再敢買中資股」爭好遠好遠啦。我知係Bloomberg都有報，但你睇真啲內容係乜？

文入面教埋你，點樣分辨資訊真假，仲教你帶眼識人。真的，你身邊總有幾個咁嘅人：小學時佢堅持去總統山出昇拎鎖匙就可以去非洲出一陽指七星大波動嘅人，大個啲佢堅持同豪鬼打和10 round 就有Sheng Long．再大個啲就係每次打風佢都有碼頭工人消息。總之由中南海到Deep State到東京奧運委員會，佢都有情報，但硬係次次都最後關頭有force majeure 阻住救世主降臨。遠離呢啲人。我就快踩過界撈埋media literacy 了

然後應節，講奧運。好簡單嘅問題：咩因素令到國家拎得多獎牌？你即刻答：多人。不盡然。中國一路都咁多人，但都係廿年先三甲。況且，你睇印尼印度孟加拉之類，都係好少牌，但近幾屆開始多。所以你又估到另一原因：錢。當然仲有其他例如文化（萬能key），多唔多人體育，場館等等。不過，最重要嘅兩個原因，文入面有講。

第二圖，見到標普指數都係由大股帶升，雖然一路都係，但而家嘅脫節程度去到新低咁滯。上次有咁低係幾時？正係2000年爆煲之時。咁係咪訓身沽空美股？又唔係喎。數據就人人都係嗰啲，但點去演繹，點去判斷邊啲嘢會再發生邊啲唔會，先係功力嘛。文入面有講

Good Read嘅又係兩篇。首先睇返FiveThirtyEight嘅估獎牌數目，係喎總有人話「唔係乜都可以量化」（獎牌榜唔係量化係乜？），「有好多變數」（例如埃塞俄比亞會拎最多牌咁？）。但，不代表不能預測，人地成team人有資源有經験有往績，總好過啲反智網友一句「挑，邊有得量化」。特別留意嘅係：幾個歐洲大國都係失準的（除咗俄羅斯）。「車人地啲強項在最尾嘛戇鳩仔」「係喎我唔知 Nate Silver唔知得你先知呀可？」，人地每一日，每個項去估的。

第二篇，由人有三急開始講起。在外國街上，人有心急點算？東亞就簡單，商場地鐵站甚至便利店。但在美國呢？我冇去過美國，但聽聞好多人都係去Starbucks。雖然都會令店方一定困擾，但又好難做到唔畀非顧客用（之前試過有次搞到好大件事）。作者由呢度講起，美國好多應該係政府做嘅嘢，變咗企業做。聽落好似幾好丫可？但有冇諗過代價係乜？文入面講有咩問題

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【7月2日】美國國會辦公室上調GDP增長，美股再破頂，道指升131點或0.38%，標指升0.52%，納指升0.13%。標指升抵4320創新高，但仍未有回吐意欲，納指經過一輪衝刺後，動力已不及標指強，美股仍在搵頂中。由於坊間投資工具不多，迫使熱錢流入美股，但現水平再向上搏值搏率不夠。今晚有非農數據，預期新增70萬份，週3的ADP就業人數超預期，料非農數字也不會太差。
美國繼續水浸銀行，美聯儲隔晚逆回購再創9920億美元，資金拆倉浸爆銀行體系，估計主要由商品及Crypto市場拆倉流出，美股或是銀行成為不多的資金投放選擇。基於流動性太高，短期淡友也不敢輕舉妄動去沽空美股，因即使美股出現較大回吐，淡友也需慎防近萬億美元熱錢隨時入市接貨。
5月美國平均房價升穿35萬美元，較去年同期上升24%，2008年樓價爆破結果引發出金融海嘯。有了歷史教訓，再有聲音指責美聯儲，不應在通脹高企下仍不負責任地放水，7月底FOMC會議如何商討縮表，再帶來壓力。
資金拆倉回流美元，美匯升上92.53，美元逆轉為新興市場帶來壓力，離岸人幣跌落6.475。會否改變資金流向新興市場的勢頭呢？A股快進入業績期，第2季仍保持高增長是沒有懸念。財新中國製造業PMI降至51.3，是連續3個月回落，製造業擴張正在放緩，成本上升打壓了盈利，過去兩季基數低，成本沒壓力可維持高增長，但第3季能否保持呢？高基數下盈利能保持單數字增長算是不俗。假若告別了高增長，A股仍能再度走強嗎？不要忘記內地流動性正在低位，M2只有8.4%的低增速，所以7月業績股價走勢會是下半年走向重要啟示。
6月外資淨買入672億元，數字上絕對值仍是偏高，但已是自去年11月外資大流入以來最低的一個月，外資熱情減退，是否跟下半年盈利增長有壓力有關呢？
回說港股，週三假期再一次外圍升恒指跌，美股創新高，A股創指升穿3500，然而恒指卻失守29000，回落至28800水平，成交只得1403億。早前已說過，29500是橫行區頂部，有很多蟹貨等著解禁，加上低位買上來也要食糊，若成交不回升至2000億，是很難買穿這堆沽壓，結果外圍即使再破位，但恒指卻要回試平均線密集區的28700。
長線資金入市意欲仍然低迷，以北水為例，每日淨流入降至不足20億，週初甚至單日只有10億元，高追意欲不大，權重股更成為沽貨首選，騰訊（700）未能升穿606阻力後，再失守600關口，已是3連陰向下，美團（3690）也是3連陰，其實不少個股也是3連陰或4連陰走勢，走勢極不理想。
個股暫時仍較指數股為佳，但留意個別熱炒股出現急回，而且回吐幅度很深，資金變化很大，快入快走。就以三生制藥（1530）為例，過去一個半月，股價由7.3起步炒上12.3，累計升足1倍，算是近期熱炒股之一，上週五出現一支16%的大陰燭後，連跌3日要跌至8.8元才有反彈，3日從高位大跌28%。另外電力設備股中廣核新能源 （1811）也是，過去兩個月由1.7起步炒上3.62，升了1倍有多，週三高位回吐10%，又是同一手法。6月資金集中炒起個別股份，表現突出吸引了散戶，其實整體氣氛仍弱，指數股沽壓沉重，當一些熱炒股也開始散水，7月市況更需提高警覺。

希望大家多一點👍及多share支持一下🙏
版權所有 不得轉載
#圖太郎

有仇必記 - 何志光
https://www.facebook.com/%E6%9C%89%E4%BB%87%E5%BF%85%E8%A8%98-%E4%BD%95%E5%BF%97%E5%85%89%E9%A0%BB%E9%81%93-Ho-C-K-Jonathan-107477263993422