［香港人，真係好撚有錢！］超過一半香港人，冇咗主要收入來源，都可以頂半年以上。全世界最高。
原文： Financial Anxiety Is Up Around the Globe （https://bityl.co/3a31)
TLDR：香港人，真係好撚有錢！
1. 其實有篇正經啲講西班牙銀行合併，同埋negative goodwill（嘩，聽到都悶），但大好星期日早上，梗係睇第啲。今晚先貼西班牙銀行，等你有個沉重嘅心情星期一返工（埃汾都要，仲要返新寫字樓，大家可以一齊沉重）
2. 我話嘅。雖則每次講呢啲又變成口水大戰，永遠就係邊個就話我朋友點點點慘，你啲金融才俊（俊？邊撚度俊？邊撚度俊呀）不知民間疾苦。然後又有人出嚟話，唔係喎，我真係識好多香港人好有錢。大家都係核子摸象，摸到粒proton當係大笨象睪丸
3. 其實呢，首先「我朋友個朋友」，唔係一個太好嘅舉證。另外，鄧小平定論啦，你拎一個，十個，一百個例外出嚟，冇意思架喎。我話洋腸粗過臘腸，你堅持話你屋企食嗰條好粗，隨你。做數據L係幾沒趣，而其實我都幾憎，不過去到某啲課題，都係有啲數字支持下好
4. OCED做嘅調查，信唔信隨便你。當然樣本實有bias，你可以質疑訪問唔到最低層嘅人，香港最窮嘅人先唔得閒同你玩乜鬼OCED（但，印尼啲窮人就識？），亦可以話OCEO呢啲鬼佬嘢，街邊執紙皮阿姐點識英文（但，意大利啲阿姐就識？明明意大利就乞兒都講意大利文，好浪漫）。但，還是有個起點好。除非你有更可靠嘅數據
5. 我尤其鍾意呢個圖五彩bun fun，啱晒啲學習專注力低嘅人（唔係我）
6. 問題好簡單：假設你冇咗你主要收入來源（＊），你唔借錢唔搬屋，可以頂幾耐？
7. 答案，就係呢個圖。其實有Raw data，但我懶整了（星期日朝未食早餐）（https://bityl.co/3a1J），而家係順字母排。
8. 結果好明顯，可以頂到超過半年嘅香港人，超過一半（！），全世界最高。嘩哈哈。話一個星期收皮架呢？6%，全球最低。我諗，應該冇乜需要補充啦？
9. 當然你可以話係政經因素（有乜唔係？），政府保護冇乜，香港人慣咗自求多福。可能係，但印尼摩爾多亞俄羅斯嗰啲，四五成人話一個星期收皮，不見得佢地政府對佢地好好大把救濟拎。
10. 同樣地，可能文化因素都有關，有云儒家文化圈東亞鍾意儲錢云云。你見韓國雖則話貧富懸殊都好嚴重，但個圖同香港都似，好多人都頂到半年，好少話一星期就唔掂。
11. 仲有個彩蛋，你睇意大利，四成幾人答唔知！真係唔知係十問九唔應丫，定乞兒都講意大利文唔識聽OCED問嘢。
12. 而最精彩係，香港，係近乎冇人答唔知嘅。果然個個都好清楚自己頂到幾耐，好有錢，或者好有危機感，或者好醒。
13. 比較可惜係，呢個統計，好多大家好有興趣嘅地方都冇做。冇大陸啦，冇台灣啦，冇英國啦，冇日本啦，冇美國啦，真削。仲要冇新加坡，我幾肯定新加坡嘅情況同香港差不多。
（＊）冇講明係「人工」，好合理，因為你可能係畀人包養，唔係打工。正面啲，可能你靠仔女供養，亦不出奇。或者你主要收入係政府救濟，亦都得。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選
課程資訊：https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲？
*有乜價值投資之選？
本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145
另外想買返第八擊（美國總統大選股票部署）都仲可以：https://bityl.co/3NPn
求包養梗圖 在 求包養- 梗圖板 - Dcard 的美食出口停車場
廣受年輕人喜愛的Dcard 是台灣最大的匿名交流平台，舉凡時事話題、感情心情、吃喝玩樂、學習工作等，都有卡友陪你聊！ ... <看更多>