新一年又開始
用千字講四個字 "年宵背後"
<<年宵傳統>>
回看雞年第一個活動就係維園年宵
其實維園年宵行開既朋友每年都行下, 唔行開的朋友一般都怕迫怕遠每年都唔會行
好多人問我為什麼要玩維園年宵, 我會答三個原因啦, 一年宵係一個好值得保留既香港傳統, 二係年宵接觸既香港朋友年齡層係好濶(Brand Building), 三係對於同事來說係一個好好既人生經歷同回憶(Team Building)
<<年宵最重要唔係人, 唔係貨>>
而更多人問我擺年宵好唔好生意, 這個問題好簡單, 得兩個字, 就係<天氣>, 簡單説唔落雨就好生意, 一落雨就好難好生意, 所以其實在場的所有檔主今年都行運行到腳趾尾, 計埋佈置日七日八夜, 日日都好好天, 藍天白雲!!! 而一完年宵, 大年初一同初二已經落雨....係咪好運到不得了先??
記得好幾年前的幾個年宵都落雨, 人濕晒, 貨濕晒, 貨紙皮箱成地濕晒變成一petpet泥咁....有年賣花盆, 連40寸電視都濕埋, 而有一年夜晚飢寒交迫, 同事要每夜輪流睡在攤檔一張枱內....
<<年終磨練>>
同玩具展不同, 年宵預備係簡單, 過程係辛苦, 好長時間, 早十一晚十二, 我不負責開檔但每天收檔回家已經凌晨一㸃, 之後早上九點回公司執補貨, 每天如是, 第二天頸已曬傷, 第三天已經喉沙, 第四天已經腳痛, 第五天食同一個飯盒同事已經呆左, 最難就係維園無位停車補貨, 要停成公里外, 將成車貨用手推車推行人路馬路一公里去檔位, 好彩無落雨, 而最後一日收檔真係天光, 我6:30am才抬埋最後一張枱上車。
<<千奇百趣的現場>>
同場主要分濕貨, 乾貨同熟食三類, 濕貨同熟食都係年年九成一様的專業檔主所以無乜好講, 但講乾貨可謂千奇百趣, 可以講半天
近天后第一行係政治團體, 因上年不停發生爭執, 及每一天政治名人不停叫咪, 令附近非政治團體做唔到生意,今年好明顯由競投日一投到嗰區, 識野檔主已經停投, 結果今年支聯會又係第一檔, 投到佢既對面由幾個入世未深既學生以低於平均價兩成價投左, 結果他們開檔才知對面支聯會開左個六四紀念館, 張文光天天開咪, 你願意支持建設中國民主道路嗎? 同對面D同學傾開, 他們都有點惘然, 無計啦, 人地擺左十幾廿年, 經驗豐富, 人多, 位多, 咪聲大, 在他們對面都好難招架, 他們說"唔鍾意捐款支聯會既朋友一定急急脚走, 真係好難留得住", 以Design角度看社民連攤位真係要俾個Like, 又靚又Sharp, 仲有電動龍頭, 真係好有心思
我們上年對面係一行十檔HKTV, 今年換上毛記劣食大熟食攤位及角位毛記林日曦寫揮春及書店, 大排長龍, 我看過揮春講真就真係無以前華叔寫得咁靚啦, 但又咁講, 如果唔係林日曦寫, 相信一定無咁多年輕人特然對揮春咁有興趣, 都算估佢唔到
不可不提有一間吹水揾食兵團, 冬季購物節, 年宵一定見到佢地, sell乜唔係重點, 重點係勁到講足45分鐘都一定有幾十位師拉伯伯企足45分鐘去聽, 最後一定有二三十人舉手用五六百蚊買走一袋袋在鴨寮街只值二三百蚊既電子用品/家居用品, 成個過程我非常清楚, 點解? 因為有一年冬購展我正正就在他們側, 一日聽足十場而又一連聽左五日, 他們口才真係得, 頭廿分鐘先免費派一D只值幾毫一蚊既小禮品去敍人, 之後就個個真係企足45分鐘聽到興高采烈之後擧手, 每個Talk真係賣到廿幾三十袋, 一日都有十幾萬, 講重點, 你一定同我講買的人"一定係媒嚟" 我初初好似你咁唸, 但係我聽左五十場, 都昅左唔少場, 可以咁講買既絶大部份都係堅買, 但係有次見到亞婆十分鐘後後悔想退, 他們就由老友Buddy變成兇惡既神棍趕亞婆走。上年今年又見到他們。
<<場內彼鄰>>
其實場內乾貨檔係50/50, 50係揾食既商家, 另外係一心想試下揾食既學生, 講真我見到佢地那種那些年既勇氣衝勁, 大聲叫大聲笑, 連我都好開心, 依D咪年宵氣氛囉, 華仁皇仁鄧鏡波, 浸會中大港大, 無左佢地? 年宵又變左工展會囉!
我們隔離浸會大學雖然賣淘寶柴犬(同斜對面一樣), setup那夜真係廿幾人攞埋畫筆畫布, 一筆筆上水彩, 一件件人工做道具, 我們同事睇到問點解唔"ePrint"呢?? 依D咪叫青蒽情懷, 一大班同學畫通頂係回憶同情趣, 同事setup快係求收工, 兩種不同心態
最難忘同深刻最後年三十晚七点半他們大嗌三聲"我地回本啦"我聽到都好感動, 廿幾人七日八夜努力叫賣, 大家都叫友鄰, 那一刻真係分享埋一份, 但係我知他們回本既意思當然係無計人工, 只計每人夾左幾錢啦, 不過又如何? 我2004年第一次年宵咪又係咁, 第一次錢賺唔多,賺經驗賺回憶嘛。
<<淺談知識版權>>
好啦, 今次年宵最多傳媒報導, 最多人談論一定係 <年宵 x 知識版權>, 我大膽講, 維園年宵, 乾貨, 所售産品有版權問題的佔過半, 所以係以百計攤檔計, 十蚊個龍貓袋, 我自己生產都做唔到十蚊啦, 2004年我已經有買過, 今年都係十五蚊, 大佬13年都係加左5蚊, 大陸工人人工2004年800蚊到今年都3000啦, 我話正版你都唔信啦
但我身為玩具達人, 拆解下為什麼每年大量既廸士尼, Sanrio(如Hello Kitty), Pokemon, Marvel, 宮崎駿的老翻精品在維園出現都繼續有, 其實係有原因, 絶對不需用社會問題咁大角度去拆解
要知道告人要有原告, 如果要海關告老翻廸士尼公仔都要廸士尼公仔版權持有人去維園睇完, 買隻回公司問, 再報海關, 好喇四個問題,
1. 迪士尼公仔版權持有人肯定唔止一個
2. 有邊個同事過年前幾日咁神心去告人而唔等放假?
3. 公司告人都要make sure被告有錢賠, 同請律師, 咁你又估下攤位檔主可賠的錢多定自己請律師的錢多
4. 作為迪士尼公仔版權持有人公司規模肯定不小, 而年宵六天的銷售頂多得幾萬, 會不會視檔主為對手而勞私動眾去打沉佢?
所以就係因為年宵既生態環境及時間特別, 時間特別短, 侵權的檔特別多, 檔主又特別多玩票性質, 而又近年假(各公司同事特別想放長假), 所以一般都無人理係事實, 無原告海關根本無得告, 所以除左派"小心防止不要售賣侵權產品"的小冊子外, 可以做的事其實不多, 而傳媒傳統上都會報導下年宵內有新的侵權産品 (廸士尼都無人提啦, 今年新Topic係Pokemon同麥生小巴牌)
小巴牌我唔方便講啦, 我們專重麥生的意見同決定, 我覺得做什麼產品, 要感動人, 一切從心出發, 怎樣做, 一切從創意出發, 推陳出新永遠比告人翻版來得有效直接。
麥生一語道出要點, 只不過是幾個年青人揾幾日快錢啫, 所以不計較。
我就話
維園年宵, 英雄雲集, 五湖四海齊叫賣
各區市民, 一家大細, 喜戲洋洋辨年貨
香港人, 開心迎接新一年!!下年維園再見!
同時也有6部Youtube影片,追蹤數超過4萬的網紅YauMan游敏,也在其Youtube影片中提到,唔訓覺去旅行係咩玩法?! ********** YauMan游敏 (佘驚曼) : ♥subscribe訂閱♥ http://youtube.com/YauManMaggie?sub_confirmation=1 ♥facebook♥ http://www.facebook.com/YauManMag...
「毛記劣食」的推薦目錄:
- 關於毛記劣食 在 Tiny 微影 香港玩具及模型品牌 Facebook 的最佳解答
- 關於毛記劣食 在 YauMan游敏 Facebook 的最讚貼文
- 關於毛記劣食 在 林日曦 Lam1Hey Facebook 的最讚貼文
- 關於毛記劣食 在 YauMan游敏 Youtube 的精選貼文
- 關於毛記劣食 在 YauMan游敏 Youtube 的最佳解答
- 關於毛記劣食 在 YauMan游敏 Youtube 的最讚貼文
- 關於毛記劣食 在 【2017維園年宵美食推介毛記劣食真難食?】|Ants Public - YouTube 的評價
- 關於毛記劣食 在 100毛- 毛記劣食四大護法銀紙彤美術部明豬(庄靓龙) 唐詩勁 ... 的評價
毛記劣食 在 YauMan游敏 Facebook 的最讚貼文
"我覺得你係中意盤菜多啲!"
qq😂😂
#我愛游敏
#盤菜様大好き
話說小屎去了2次維園年宵,
分別見到游敏同盤菜,
盤菜瑩子 話我係鍾意游敏
佘驚曼 - YauMan游敏 話我係鍾意盤菜多啲
T_T我………( 我是微不足道的粉屎)
如果您係我您會點答?
歡迎各位大大教下我………
#法官大人我無野補充
#毛記劣食 #毛記電視 #毛記 #100毛 #維園 #維園年宵 #年宵
#mrpoop #illustrator #illustration #插畫 #cute #hkig #設計 #我是只會畫女的廢J
毛記劣食 在 林日曦 Lam1Hey Facebook 的最讚貼文
To 渣哥 一九九六
已閲。
From 曦弟 一九九九
見腦細寫左年宵後感言,我當然無蝕底都要寫番野喇。
事實,喺呢幾年,無數人摟過我地做年宵,美食節,嘉年華甚至美食車,甚麼旅發局乜乜乜...統統9秒9內一一拒絕,原因係我肯定會
👉🏻(渣哥柒言金句)
勞民傷財得個桔🍊
辛苦蝕錢等執笠🤑
但當小環收到阿Roy whatsapp話毛記想邀請渣哥合作,我真係好認真地考慮左3秒,就答應左。
點解?
原因好簡單,作為一個年長既毒L兼超齡廢青,實不相暪我根本就係毛毛Fans。再加上有人講過同蠢人共事容易引發心臟病,為著身體健康,所以我不得不揀同啲叻人共事。
第一次會議,Roy同Bu同埋毛記周慧敏親自出現,好震撼,因為未試過一次面對三個都曦口曦面既人😒。
不過嗰份誠意就好似海嘯咁湧埋嚟,你話作為一個善良小市民既我點拒絕呢。
跟住就到陳強出現開始籌備工作,仲有小環,Vivian,Yeung,Connie,Anne,過程非常暢順,因為佢地全都係小說話多做事既人,而小做事多說話就交左俾我。
(進程中實在太多彩多姿,足以出本書,所以就此略過)
到開戰頭兩日,維園人流不似預期,我亦好肯定咁同佢地三位講 :
我地應該瀨左野!
但我地係毛記,渣哥,點會輕易認命,Day 2緊急會議後即時變陣,既然都輸卵管,不如搏一搏,單車變摩托...刁,爛到呢....
即時加推六寶,雙拼,毛記渣哥全餐,加上一眾員工戰意高昂,士氣高漲地奮勇作戰,經過年初一核數後,最終戰果由預算輸幾十萬,竟然逆轉勝幾萬,大家都抹一把汗。
今次同毛記合作雖然賺唔到錢,但賺了友誼,經驗。
期間一起打拼,互相信任,尊重,支持,惺惺相惜,係錢買唔到既得著。
戰事期間留意到
Roy 企足簽足寫足全日,面不改容,勁!(可能根本佢就係無表情)
陳強 日日早到遲退,身體力行,年宵熟食功能界別既典範,應該有票選特首,勁!
Bu 日日到場支持,振奮軍心,勁!
Vivian 全程由策劃,執行,監督現場,由朝到晚,從無揸流攤,勁!
Yeung 大內總管,乜都嗌佢,聽講幾日都無時間去㢌尿,請保重身體,勁!
小環 宇宙銀河系超級老闆娘,日日到場,日日做到無停手,勁!
Connie 煮汁煮足6日,凌晨3點起身,4點開工(佢阿媽問佢係咪轉左行倒屎),無停手為我地供應六款美味汁醬,靈魂所在,勁!
Anne 日日前線作戰,由朝到晚,領導所有員工,出貨得以暢順無阻,勁!
一眾Helpers 有熱誠,有拼勁,人工少,襟得__,邊個星球嚟架,勁勁勁!
所有嚟捧場既朋友 世界很美,只因有你,無言感激,勁勁勁勁勁勁!
好多人讚真係好食,紙碗牙簽紙巾好靚,仲話從未見過維園年宵熟食檔排隊排到出馬路咁滯。
好多人叫我地下年再搞,再為維園年宵同香港人帶來歡樂氣氛。
渣哥係傾向可以的,不過唯一條件係只會同毛記合作😎,所以唔使問我,問佢地三位得勒。
最後,感恩能夠有呢次多彩多姿既經歷,感謝全力支持我地既朋友,係丫,我係講緊👉🏻你👈🏻😘😘😘
祝大家🐔年進步,龍馬Dickson,毛伴終老,渣肥屋潤,國泰航空!
渣哥 一九九六
#100毛 #毛記電視 #毛記劣食
#渣哥 #渣哥一九九六 #譚小環
毛記劣食 在 YauMan游敏 Youtube 的精選貼文
唔訓覺去旅行係咩玩法?!
**********
YauMan游敏 (佘驚曼) :
♥subscribe訂閱♥ http://youtube.com/YauManMaggie?sub_confirmation=1
♥facebook♥ http://www.facebook.com/YauManMaggie
♥instagram♥ http://www.instagram.com/maggiemagz
**********
求大家幫忙上字幕( ´ ³`)♥
http://www.youtube.com/timedtext_cs_panel?tab=2&c=UCKziRG_eCjaXyq6eAoZLxdg
**********
YauMan游敏 [日本遊] 又係海賊王! Tokyo One Piece Tower - Night 8
https://youtu.be/9GAS-NX_wnk
YauMan游敏 [Live吹水台] 我愛游敏之單身狗吹水台
https://youtu.be/9gnlrYoPbRk
YauMan游敏 [Live] 都話死不打rank!
https://youtu.be/jV5yDTcydHg
YauMan游敏 [運程] 2017年十二生肖感情運! (惡搞版)
https://youtu.be/okDlCWernP8
YauMan游敏 [Vlog] 我在毛記劣食打工的日子
https://youtu.be/bcUO9le61f8
毛記劣食 在 YauMan游敏 Youtube 的最佳解答
之前係出左其它片打斷左日本遊D:
之後唔知仲出唔出好 但唔出埋最後一集唔圓滿唔安樂!!
所以... xD
**********
YauMan游敏 (佘驚曼) :
♥subscribe訂閱♥ http://youtube.com/YauManMaggie?sub_confirmation=1
♥facebook♥ http://www.facebook.com/YauManMaggie
♥instagram♥ http://www.instagram.com/maggiemagz
**********
求大家幫忙上字幕( ´ ³`)♥
http://www.youtube.com/timedtext_cs_panel?tab=2&c=UCKziRG_eCjaXyq6eAoZLxdg
**********
YauMan游敏 [Live吹水台] 我愛游敏之單身狗吹水台
https://youtu.be/9gnlrYoPbRk
YauMan游敏 [Live] 都話死不打rank!
https://youtu.be/jV5yDTcydHg
YauMan游敏 [運程] 2017年十二生肖感情運! (惡搞版)
https://youtu.be/okDlCWernP8
YauMan游敏 [Vlog] 我在毛記劣食打工的日子
https://youtu.be/bcUO9le61f8
YauMan游敏 [手機遊戲] 咩話?!我有份幫正版勁舞團配音?!?!
https://youtu.be/1SGzCSRBALQ
毛記劣食 在 YauMan游敏 Youtube 的最讚貼文
super chat 功能已啟用~ 請救救小游敏
**********
YauMan游敏 (佘驚曼) :
♥subscribe訂閱♥ http://youtube.com/YauManMaggie?sub_confirmation=1
♥facebook♥ http://www.facebook.com/YauManMaggie
♥instagram♥ http://www.instagram.com/maggiemagz
**********
求大家幫忙上字幕( ´ ³`)♥
http://www.youtube.com/timedtext_cs_panel?tab=2&c=UCKziRG_eCjaXyq6eAoZLxdg
**********
YauMan游敏 [Live] 都話死不打rank!
https://youtu.be/jV5yDTcydHg
YauMan游敏 [運程] 2017年十二生肖感情運! (惡搞版)
https://youtu.be/okDlCWernP8
YauMan游敏 [Vlog] 我在毛記劣食打工的日子
https://youtu.be/bcUO9le61f8
YauMan游敏 [手機遊戲] 咩話?!我有份幫正版勁舞團配音?!?!
https://youtu.be/1SGzCSRBALQ
YauMan游敏 [日本遊] 築地海膽飯! - Day 8
https://youtu.be/hyp1L2GL-rk
毛記劣食 在 100毛- 毛記劣食四大護法銀紙彤美術部明豬(庄靓龙) 唐詩勁 ... 的美食出口停車場
毛記劣食 四大護法銀紙彤美術部明豬(庄靓龙) 唐詩勁東方昇! 夠膽嘅就過嚟,會一會佢哋! ============================== 【毛記劣食by 渣哥】 1月22至27號, ... ... <看更多>
毛記劣食 在 【2017維園年宵美食推介毛記劣食真難食?】|Ants Public - YouTube 的美食出口停車場
一分鐘速覽年宵有咩好野食!小編變身美食「餓底」,話你知「毛記劣食」係咪真係咁難食?====================▻ Ants Public官方網站:http://www.antspublic.com▻ ... ... <看更多>