關於 每天關注版主首刷狂野時速進度 ，我們在網路上蒐集到這些相關的討論、資訊與評價

#每天關注版主首刷狂野時速進度
來到F9前最後一日，可以分享返少少F8嘅感覺
F8感覺上係冇F7咁好
突如其來嘅BB同黑化基本上係搵戲做大路橋
口講一家人，但有難又唔會講清講楚一齊拆掂佢
為咗個BB，中間炸彈炸自己友都得 lol
算啦係搵戲做，其實唔緊要，最緊要夠痴線呀嘛！
中間喪屍自動車超好玩 再一家人圍困光頭佬都好有劇力
後面打核潛艇始終個實感係爭啲
Roman自從F7起越來越搞笑，本來睇佢唔上眼都變fans
但係睇The Rock人肉推開魚雷咁搞笑無所謂啦
每每有The Rock出現嘅場景就充滿歡樂
逃獄成部坦克車咁視獄卒冇到，同Shaw嘅火花超強
外傳安排俾佢哋係冇錯
好可惜F9無The Rock，少咗個F&F系列嚟講我好喜歡嘅角色
殺友仇人Shaw可以同Dom合作，真係痴線
OK，F9又可能話佢只係假扮殺Han做戲俾某人睇之類嘛....
大體黎講F8我都睇得非常投入開心
原本人設係善係惡都唔緊要，總之就family
誇張 過癮 好笑 痴線 就得啦

講個秘密俾大家聽… 我已經睇晒F&F系列所有戲！
趕得切星期三可以安心入場喇
#每天關注版主首刷狂野時速進度 順利完成
.
講少少FF7，簡直屌打前面6集
James Wan既節奏無人能及
劇情清晰簡潔，好易跟
4-6係有好睇既位，但我係經常唔知做緊乜…
Junstin Lin為F9再執導筒係有少少令我驚
亦都跟Han同Gal Gadot離隊少咗人好大關係
各人個定位更加有力清晰
搞笑既大力搞笑，飛車既大力飛車，搞科技既大力搞科技
team work係真真正正體驗得到
好佩服對於Paul Walker既處理
片中大場面不缺佢既存在，尤如無事發生一樣
睇得出一啲後拍鋪排送走呢名要角嘅劇情
Vin Diesel喺飛機倉對空氣做戲夾落Paul表情反應
遇到咁難搞既事，依然拍到套戲咁完整好睇
最後仲咁感人，絕對要俾超級高分

繼續追進度… 而家... Fast & Furious 7
#每天關注版主首刷狂野時速進度
應該趕得切下星期3睇F9😃