Search
「都係啲電台唔講得嘅嘢囉。講吓我真係覺得講完之後會俾人喺網上面鬧嘅嘢囉。」
健吾君在他的Podcast簡介中如是說。
有別於外國，或甚至是鄰近的台灣地區，我一直不解香港的播音人為何不太會涉足Podcast這發聲渠道，聽過 #健吾 的Podcast後，我開始有點明白。
開一個新頻道要花時間，而且還要說一些平日在主流媒體不方便說的話才有意思，同時，又不怕為因此而打爛自己飯碗，香港地，做得到的播音人，相信沒有多少個。
我這份人很細膽，易地而處，我自問自己沒有這膽量。
而且，我也確實沒有像 #健吾 這股的心力與批判性思维，可以三言兩語地，KO那些死纏爛打地狙擊他的左膠及網民。
可能因為這樣，平日讀他在網上詞鋒辛辣的文化解讀、痛罵左膠的面書內容，我往往獲得很多的快感，現在，在他的Podcast聽他連講粗口都不容許有懶音地去罵人，快感數以倍增。
【《美國恐怖故事第十季》第一部最恐怖係... 可以爛尾至此】
《美國恐怖故事》（AHS）喺第三季後幾乎都係爛尾，而且水準每況愈下，嚟到第十季就搞搞新意思，將一季拆兩個故事。雖然暫時未知第二部會唔會同第一部有關，但就咁第一部就真係嚇死人... 爛到嚇死人，個結局之爛可以話咁多季之冠，仲爛過第八季「無人能敵嘅超級宇宙大魔王原來可以俾車一撞就死」。
真心，今季故事頭半段係唔錯，食咗一粒刺激大腦藥丸，可以令人變成超級奇材，代價就係要變做吸血鬼。雖然創意冇頭三季咁正，但恐怖懸疑兼有之，都保持到AHS一貫嘅扭轉式設計、角色決定同秘密都估佢唔到，再加上今季搵返曬元老級人馬嚟做，即使唔係好好，都去唔返頭三季高度，頭幾集都叫做平平穩穩睇得過，點知最後兩集失曬控。
其實呢個故事如果係一季直落應該就唔差，問題係硬塞六集完，根本冇時間去講個故事，去到第五集都知道咁多條線（仲要有新謎團）冇咩可能完到。結局兜唔到，就求其將一堆你鍾意角色殺死曬，而唔需要有任何解釋，可以咁樣爛尾法都算霸氣。好多鋪排得幾妙嘅角色，去到後來原來毫無作用，甚至再無交代佢下場，當中搞咗兩集嘅BB似乎編劇唔記得咗佢存在，算啦咁就唔好解釋。
因此，套嘢睇到最後兩集，你覺得好似一班完全冇開會嘅編劇玩接龍咁，角色之間可以完全唔駛鋪排唔駛交代亂咁嚟，最頂癮係明明爛咗就不如算啦，完咗佢好嗎，又硬係要呼應返人生追夢抉擇主題；玩藥丸又唔止一次抽Matrix水，但抽得好核突，Matrix fans應該睇到滴曬汗。
作為FX最紅，都係劇集史上最長壽一個系列，真心《美國恐怖故事》呢個名有得做，但可唔可以俾多少少認真？咁樣俾你拍到二十季都係俾人插爆，希望第二部玩外星人好好睇睇啦。
如果你想獵奇都可以一看，結局真係會令你驚訝：吓咁都得？！
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
對著鏡子梳理眉毛的時候，突然被廁格內傳出的一聲慘叫嚇呆了。
是一星期前的事，但那聲慘叫實在無法忘記。
「Everything alright？」我隔著門問。
「咔」一聲，門慢慢打開，是我 team 的一位同事。
「嚇親你，」同事頹喪地走出來，「唔好意思。」
明白的，這陣子，很多同事都被恆大搞瘋了。
其實個世界就係咁現實，而這個所謂金融世界，比現實更現實是常識——好景的時候稱兄道弟，冧市的時候各自閉翳。地踎啲講句，出得嚟行，唔通唔使還。
意思是，好景的時候自然心紅，一心紅就進取，客戶用一蚊買兩蚊債券，屌，基本嘢。
好喇，冧市喇，作為一家穩健的金融機構，就梗係先自保，借畀你嗰一蚊，唔該還咗先。
本身這個有借有還的遊戲是十分公道的，但為什麼同事會發癲？因為，叫唔叫個客還，銀行是有 sole discretion 的，亦即係話，我哋可以叫個客還，亦都可以叫個客唔還住。
「Susanne 真係 on9，」這位兩日冇剃鬚的同事完全不介意大聲地公告天下，「黃生淨係隻艇都成億，係成億 full pay 呀，佢點會 default 呀，唔好癲啦。」
我叫佢冷靜啲，似乎令佢更加唔冷靜——「Susanne 話要 call 佢 margin，真係好撚短視，要我而家叫佢還，佢實還㗎，還完之後咪即刻 cut account 囉，係咪要咁吖？」
開口埋口的 Susanne 是 risk management 那邊的同事。
「晦氣嘅嘢，你同我講冇所謂，對住 Susanne，盡量低聲下氣好嗎？」
「低聲下氣？我對住個客已經成隻狗咁，對住條八婆又做多次狗？」
「你客氣，Susanne 都仲有斗零咁多機會隻眼開隻眼閉；你開拖，佢一句 no 就係 no。」
聽我這樣說，同事終於冷靜了一點，但目光仍然盛著恨意。就在這時候，我給了他一個匪夷所思的建議：「你有冇 airpods？」
「有，why？」
「你而家入番去廁格，去 YouTube 睇一個 MV，歌名叫做《小諧星》。一路睇，一路聽，一路聽，一路留意歌詞。」
是難以置信的，但這首歌真是萬靈的仙丹。
香港的娛樂事業可以靠一隊叫 Mirror 的年輕人起死回生，本來真是半信半疑，直到非常後知後覺地聽了這首《小諧星》。
慚愧承認，之前真係一首 Mirror 都未聽過，唔係唔想聽，係到咗某個年紀，總是有一股惰性拖延著那份接受新事物的勇氣。
然後一係唔聽，一聽即刻癲咗。那個 MV 的四百萬個 views 當中，我應該貢獻了最少一百個。
起初當然是被周秀娜小姐 draw 入去，她那個被 Edan 飲晒杯奶茶的扁嘴表情，喂大佬，真係溶掉了所有中佬的心。
睇吓聽吓，原來這是一首無名小子單戀女神的歌——女神已經有男朋友，而且還要是事業有成的有錢人，典型一個雞蛋挑戰高牆的故事。
愛情裏的廢青與富豪又好，工作上的 front line 與 risk management 也罷，很多時就是無力與大力的對決。
有時候，當你知道力不如人的時候，唯有像黃偉文寫的詞一樣：「跟他怎可能拼，只好專心做諧星；將單戀劇情，改寫出喜劇場景；用我痛苦表情，換你那好心情，留底這半條命。」
對，最緊要留底自己條命。
做人遇到的任何挑戰，不要看成是單一的難關；三盤兩勝冇把握就五盤三勝，放長雙眼，就是為了增加自己的勝算。
回到自己座位，我問同事有沒有聽到那首歌。「有，多謝你 Marcus，我一定會好好同 Susanne 講。」
故事的結局怎樣？最後 Susanne 還是要同事 call 個客 margin，然後那個客真的一怒之下 cut 了 account。
但。
今天在文華酒店吃完午飯，我才親眼看到這個故事的反高潮。
面前的畫面：Susanne 很陶醉地拖著同事的手，在酒店的櫃臺 check out 房間。
我非常好奇，於是 text 佢：
Hey… I saw you and Susanne at MO…
佢個回應。
霸氣到一個點：
She made me a slave in the office. I made her a slave in the room.
人生，fair enough。
留底半條命，你總會找到，把對手就地正法的機會。
育有一子一女的Anda於2014年確診乳癌，進行切除手術後，2016年癌症復發，癌細胞轉移到肝臟。身體面臨巨變，她心情被受打擊可想言之，更甚者，她更要面對家中只有數歲大的子女，「醫生話畀我聽嗰下我都接受唔到」，Anda憂心指如何可以將自己接受不了的事告訴子女。
Anda的子女中，女兒更是「癡身」，會是想時時刻刻「癡」在媽媽身旁，這令本身要接受治療而身心俱疲的Anda更是矛盾，「每當自己一個人靜落嚟嗰陣，就會諗起自己嘅病情，跟住就會喊，經常都會覺得自己唔喺度，腦海經常都有呢啲畫面，但喺仔女面前要扮無事」，因為Anda認為子女年紀尚小，覺得不宜將自己病情告訴他們，因此在他們面前隻字不提自己患病。
可是小朋友的觀察力超乎想像，那時是Anda病發的時候，女兒也似乎察覺了媽媽有異樣，「有時同朋友去生日會，係件好開心嘅事，佢都話佢好想去，但佢去完之後就會話，『點解會用咗呢啲時間去同朋友玩呢』，佢話如果可以嘅話，『我會想多啲時間陪你』，我唔知點解小朋友會唔想去玩，喺呢個年紀用嚟陪媽媽，我就開始觀察佢，覺得佢有啲奇怪。」
Anda說女兒有時間中會問我些有關生死的問題，「譬如『媽媽你話人死咗會上天堂，你上咗天堂，仲可唔可以同我傾偈呀？又或者你可唔可以帶埋我去天堂呀？』我話人死咗先去天堂，我都唔知幾時會上天堂，如果我上咗天堂，你仲會有爸爸、有細佬、有其他親人，你都要好好生活，她就同我講，『唔啦，你死咗我自己喺度都無意思，我想同你一齊去天堂。』」
女兒的反應令Anda覺得太誇張，「佢（女兒）夜晚會喊，話會發夢，其實我陪咗佢好多晚，我都嘗試用自己嘅方法疏導她嘅情緒，睇吓佢咩事，發覺佢唔會話我知係咩事，淨係識得喊。」
Anda坦言那時不懂處理女兒的情緒，「每一晚你見到自己個女為自己身體狀況喺度喊，其實好很難受，嗰一刻其實我都好想喊，但我要好積極，我唔想畀負面情緒佢」，因此Anda成為一個嚴厲的母親，有時會責罵女兒，其實只時希望對方可以在自己在生時學會獨立，但女兒只是小學生，「依家諗返起佢都好無辜。」
Anda之前都參加過香港癌症基金會的活動，覺得他們幫到患癌的家庭，就向基金會下協助兒童的彩虹會求助，及後女兒獲安排藝術治療課程，Anda同時也獲輔導。
註冊藝術治療師海琳解釋指，藝術治療是心理治療的一種，它的獨特性在藝術創作方面，因為小朋友未懂說話時，已經可以塗畫，所以他們未表達到事情時可以繪畫輔助，加上治療師會邀請小朋友表達創作內容，孩子表達自己的能力因而加強。
海琳續指，治療過程與父母的溝通和相處很重要，因為他們處理到小朋友所表達的焦慮等情緒時，也可幫助小朋友與家長溝通，從而在家庭的層面上也可以處理問題。
Anda指女兒很喜歡畫畫，卻沒想過藝術治療可以幫到女兒，「原來真係投其所好，因為佢係有啲慢熱，未必容易同人傾到自己內心世界。」Anda透過藝術治療師，得悉女兒原來知道自己有很嚴重的病，雖然她不知道是甚麼，但知道是有機會會死亡的病。
Anda坦言那一刻自己才開始醒，因為她以為女兒一直都不知道患病，在她知道同時，自己又沒解釋清楚，令女兒覺得自己很快會離世，但其實情況未到如此惡劣，所以令她內心積壓了很多恐懼。
Anda接受輔導員建議跟女兒坦白病情，「其實佢哋可能只係小學五年班，已經察覺到身邊很多嘢轉變緊。」女兒清楚母親病情後，情緒有所好轉，令Anda如釋重負，「我覺得好開心，佢會好關心我嘅病情，但又唔會好似以前咁負面，而係積極咁看待。」
更令Anda窩心的是，女兒在接受藝術治療起，就已經會每晚製作小手工為自己打氣，現在更變成她的一個習慣，至今仍在繼續，Anda估計女兒為自己製作了約200份作品，「其實佢都幾犀利，可以一直維持咁做。」
Anda現時定期服藥控制病情，她的願望當然是身體健康，但也把女兒記在心上，「媽咪梗係最最希望見到個女大學畢業，之後結婚生仔，但如果喺呢刻，我見到佢她大學畢業已經好開心。」
香港癌症基金會屬下的彩虹會旨在協助5-17歲因家人患癌而受影響的兒童及青少年。彩虹會的臨床心理學家、藝術治療師和社工等專業團隊，可擔當患癌人士和孩子的溝通橋樑，紓緩孩子的憂慮。
【星期六早餐會】
今期我嘅 Topic 係 Can you say what your strategy is? Objective, Advantage and Scope! 你講唔講得出你嘅策略係乜?
對象: 管理層/生意經營者/創業者，連我限4位。
有興趣參加的話，請 whatsapp 你的名片給 Suki (我助手) 5566 1335。
好開心肺炎第四波終於有減退跡象。 啱啱又開始返我逢星期六朝頭早3小時嘅早餐會。 人少少四個人傾下計， 講下點樣將盤生意或做人好啲。大多人無意思。不知不覺已搞咗大概30場。
每幾個禮拜我就會轉一次 Topic， 因為講同一樣嘢我會悶同埋我相信 The Best Way To Learn Is To Teach.
我衰衰地都叫咗個博士， 我個博士都真係讀返嚟㗎，唔係買返嚟。 博士後我都飛咗去外國讀咗十幾個唔同嘅 Executive Programs， 有機會我都想同你分享更多。
好多人都問我點解會花嚟啲時間搞呢啲免費，仲要食人食早餐嘅 workshops，班人又未必有港幣800萬 cash。
我話老實說其實你可以話我只係個「死炒家」， 但如果我純粹炒炒賣賣的話我會失去靈魂。 我希望幫到投資者搵錢，同事搵到食，帶給租客及做生意的人更多啟發。
每個人要知道自己 Purpose of Life. 我嘅 Purpose of Life 就係希望「以勇氣同熱誠， 用新嘅方式去改變生命， 幫人帶佢想去到嘅地方!」or simple "New way to make a difference in life."
因此平時無無聊聊吹水我就少出現， 因為唔係 making a difference in life. 但希望參加過我過去30場星期六早餐會嘅朋友都會認同， I was making a difference in their lives.
今期我嘅 Topic 係 Can you say what your strategy is? Objective, Advantage and Scope! 你講唔講得出你嘅策略係乜?
對象: 管理層/生意經營者/創業者，連我限4位。
有興趣參加的話，請 whatsapp 你的名片給 Suki (我助手) 5566 1335。
我唔係靠呢行搵食，免費，我請食早餐 ? Be friends ..... 有機會到時見你。李根興 Edwin
www.edwinlee.com.hk
聯絡李根興 whatsapp (+852) 90361143
我第一次睇呢套戲已經係12月戲院臨閂之前，之前機緣巧合之下見到導演恆仔，我有同佢講話多謝你拍呢套戲，我睇完覺得好感動。導演話其實呢套戲都係原自於一個idea，就係一秒可以改變好多嘢，然後就變成一秒拳王呢套戲。當我睇多次呢套戲之後，我就發現呢個idea係好簡單地貫穿整部電影。第二就係導演都想喺呢個時候，比返香港人一啲正能量。
如果你係未睇套戲嘅話，我建議係即刻去睇，而因為香港喺呢兩年經歷咗咁多事之後，相信呢部戲一定可以比返一啲力量大家去改變。大家可以先再睇呢個影評，因為接下落嚟我所講嘅內容係劇透。
首先喺出戲名一秒拳王之前，就係一幕周天仁（周國賢飾）點建得到呢個所謂異能嘅戲。簡單為大家介紹咗一秒拳王會出現嘅原因，就係佢曾經死過一秒之後又再復生，能夠睇到嘅一個message就係你以爲你死咗咩？原來只係個一秒嘅錯覺，下一秒你又死而復生，所以周天仁（周國賢飾）得到一個所謂嘅超能力。究竟預知到一秒係唔係超能力呢？只係睇大家點去睇呢件事。
好快喺周天仁（周國賢飾）細個嘅時候，佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候，佢就話佢老豆覺得呢一秒預知係無Q用，但佢想用呢個天賦做一個有用嘅人。咁呢一秒喺觀眾嘅角度嚟講，係有用定無用呢？喺電影嘅中段，當周天仁同林明幀喺海邊傾計之後，我哋其實可以搵到屬於自己嘅答案。
堂妹林明幀同周天仁（周國賢飾）講，其實會唔會有一個平行時空係有另一個更開心嘅自己存在呢？周天仁就反問，其實佢預知個一秒同佢改變咗嘅個一秒會唔會就刷出咗林明幀所講嘅平行時空呢？我嘅答案就係，其實根本就無所謂嘅平行時空，從來都只有自己點選擇同埋點去做。用打拳為例，如果我預見自己下一秒比人打，唔代表我一定可以避到㗎嘛，而我避到，係大前提我要相信預知個秒見到嘅係真嘅，然後我先可以選擇同決定避唔避開呢一拳。而如果自己都唔相信自己避到，繼而決定作出行動去閃避嘅話，我係點都唔會改變到一秒後發生嘅事，所以只係睇我相唔相信自己做到，同埋決唔決定行動去作出改變。喺我眼中，導演係同緊大家講，就算只係一秒嘅抉擇，都唔可以睇小，只要我哋選擇去做，先有資格去改變。重點唔係一秒嘅異能，係周天仁嘅選擇。
之後喺周天仁（周國賢飾）同佢個仔走嘅時候，張建聲走嚟找佢麻煩。周天仁喺呢個時候用一秒避開張建聲個拳，但就令到再下一秒嘅佢同個仔被車撞到。我哋可以喺呢一個橋段得知，就算有呢個一秒嘅預知仿似避過一劫，其實再下一秒都可以發生不幸嘅事。意外發生之後，周天仁選擇唔打場表演賽。由周天仁無咗呢一秒天賦，決定退賽再決定點都係要打呢場拳賽，更加可以話比我哋知一秒係次要，選擇先係重要。
去到周天仁同阿JOE嘅表演賽最後回合，最後個幕係話比觀眾知套戲嘅重點唔係一秒嘅預知，而係一秒嘅選擇。大家記唔記得喺周天仁比阿JOE KO個十秒，出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗，之後佢見到一個走馬燈之後又再返返去倒數緊嘅臨尾幾秒，周天仁（周國賢飾）又再企返起身。呢一幕係講緊無咗異能嘅周天仁，其實就算唔洗預知都可以知道如果佢唔企返起身，最後就只會輸，而呢個結果係每個人都能夠預知。對我嚟講個訊息就係，一個凡人走到絕路都好，只要佢決定企返起身佢就一定可以作出改變，所以最後比賽結果係點並唔重要，電影亦都刻意無講出嚟，最重要係周天仁成功話比個仔知佢唔會變返一個廢人，而阿JOE都真真正正地打到一場拳賽。
點解我會認為香港人一定要睇呢套戲？除咗因為戲入面嘅警察可以唔帶委任證on duty之外，我諗係因為恆仔想話比香港人知，至少係我呢一個香港人知，只要我相信一秒嘅行動都可以改變到自己嘅話，就算世界變成黑暗，人生走到絕境，我都一定可以行返去光明。希望大家可以相信自己，繼續為自己而打拼。
每天關注我的9UP狀況：
https://www.instagram.com/ernest_pch/
学粤语学广东话最常用句子200句（第1集） 粤语学习｜粤语教学｜学习粤语｜Cantonese Lesson · 還再說中文式英文？22個台灣人比較常犯的英文用詞、文法錯誤 ... ... <看更多>
死嘢意思 在 又可以解「去死啦！」、咒人哋「橫屍街頭」嘅意思。 無記 ... 的美食出口停車場
本嚟意思係長條形嘅物體（例如：繩、木棒）擺來擺去，比喻啲人四處遊蕩。 ... 唧係話要去小便。 ... 唧係話要去大便。 ... 唧係話陰莖勃起。 ... 指閒聊，或者形容人哋講嘢冇憑據， ... ... <看更多>