大台古裝劇專業戶：蕭正楠
受到國內投資龐大，製作認真的古裝劇影響，近年大台的古裝劇製作鋭減，由2017年起計，連正在播出的《一笑渡凡間》在內，只有7.5部古裝劇，分別係2017年的《味想天開》(洪永城、黃子恆)，《超時空男臣》(蕭正楠、曹永廉、何廣沛)因為是穿越劇計半部，2018年《翻生武林》(蕭正楠、黃智賢）《宮心計2之深宮計》(馬俊偉、馬國明、蕭正楠）和《天命》(陳展鵬、譚俊彥)，2019年古裝劇只有《包青天再起風雲》(譚俊彥、張振朗)，2020年亦只有年初的《丫鬟大聯盟》(洪永城、謝東閔》，2021年暫時只有《一笑渡凡間》(蕭正楠、沈震軒)。少古裝劇製作也有好處，始終大台的古裝街，不論漢、唐、宋、元、明、清，都係用它做街景，一來睇到悶，二來亦分辨不到各朝代特色。
7.5套古裝劇，蕭正楠佔了四套做主角，除了《宮心計2》外，其它三套都係喜劇，證明了幕後團隊都喜歡找他做古裝，尤其係喜劇添，這個古裝劇專業戶，他實在當之無愧，至於他做古裝喜劇是否特別好笑，個人實在難以評價，因為上述7.5部古裝中，完整看完的只有《宮心計2》和《天命》，不如留俾有睇晒的朋友分享。
《一笑渡凡間》的播出，最大好處係唔駛連續兩小時都係警匪片，點知一開場的重點劇情，又係查案，今年的劇集除了《大步走》同《愛美麗狂想曲》外，全部都同查案有關，到底係觀眾好喜歡睇查案，定係幕後好鐘意寫查案劇情，真係分辨唔到？頭兩集除了武野光這個失憶濟公外，友德鎮(有得震)的官府捕快設定，其實幾似當年《秀才遇著兵》良材縣(梁材遠)的設計，暫時感覺當年周麗淇同陳豪版本好笑啲，不過，古裝喜劇專業戶可能發揮威力，笑到大家甩肺！頭兩集最正應該係陳秀珠同杜燕歌這對夫婦角色。
#一笑渡凡間 #蕭正楠係古裝喜劇專業戶？
武野光 在 武野光展 的美食出口停車場
武野光 展is on Facebook. Join Facebook to connect with 武野光展and others you may know. Facebook gives people the power to share and makes the world more ... ... <看更多>