《誰是受害人》
呢兩日網上瘋傳有個武術教練疑似非禮女學員（左圖），我不嬲實事求是、路見不平飛身撲出。
（1）教練吐苦水：
佢話片段裏面嘅唔係女學員、而係女演員，有收工資同埋完全知道拍乜嘢，事後亦都冇投訴，而家畀有知名度嘅鄧穎芝（我唔識）挑撥離間明屈，搞到黃秋生歐錦棠個個都指責佢。
李懂媽判詞：如果所言屬實，只需要出示相關畀錢拍片證據，當然不涉非禮，情況就如《喜劇之王》，否則張柏芝可以控告周星馳非禮？
呢個教練外貌不幸屬於幾猥瑣，但我絕對唔會以貌取人，只係講道理。
（2）鄧穎芝最新版本：
呢班女性並非女學員，而係演員群組裏面想拍戲嘅尋夢人，誤以為自己正在試鏡。
咁就完全係兩樣唔同嘅指控。
如果係交咗學費嘅女學員，單憑照片已經有八成鋤得入非禮。
如果係臨時演員身份，情況就好唔同，免費拍攝定係有收錢，亦非常關鍵。
我個人睇法，如果男方冇畀錢拍呢段片，九成屬於非禮（就算有畀一百幾十蚊車馬費都唔可以當工資），但如果有畀時薪幾百蚊或以上，而又有講清楚拍攝內容，對方又唔係細路女，咁就應該冇事。
所以而家公說公有理、婆說婆有理，一定要等照片中女性現身說法講出真相，先至可以知道誰是誰非。
李懂媽
#非禮好大罪
#樣衰唔係罪
歐錦棠武術 在 歐錦棠Stephen Au - 半生習武，涉獵幾種武術，後來選擇了空手道 的美食出口停車場
半生習武，涉獵幾種武術，後來選擇了空手道，徹底改變了我的武道生命。 可以拍攝《空手道》電影，是一種幸福。 感謝導演感謝兄弟班梁博恩師傅Billy ... ... <看更多>