「專家就唔係咁睇啦，話班船員即使打咗疫苗，都唔代表唔會染病；班船員係『聯合國大軍』，來自世界各地，好多都係來自發展中國家，而嗰啲國家都仲係爆到七彩；就算佢哋打咗疫苗，唔代表唔會染病──特別係得五成左右有效率嗰堆疫苗！」
『又係喎，呢期都好多單個案係打咗疫苗都照中，中咗一樣會傳染畀人，咁一樣係唔安全喎！』
「人類總是要重複相同嘅錯誤，記唔記得上年就係鑽石公主號大爆發，成班香港人困在入面困獸鬥，然後搞到日本都中埋招，到今日都收唔到科？當時好多國家嘅事後檢討，個結論係疫苗結束之前，都咪再搞郵輪，個原因就在密封空間，好易互相感染！」
『係喎，嗰時仲要包機接香港人返來，好似成班隔離在船上面，又唔畀走，又繼續染病，愈隔離就愈多人中，點解呢？』
「幾樣嘢啦，郵輪食飯嘅地方係得咁多，房間排氣嘅管又駁埋一齊，是但有一個人染病，都好易互相感染；加上嗰時日本政府又信足世衛，上船檢測定係送餐保護衣物不足，搞到自己國家都大爆發，咪搞出大頭佛囉！」
『咁家下係咪比起嗰時有改善先？好似又話要戴警告裝置在身，要同人保持1.5米社交距離，否則就會響；又話會加強走廊通風同換氣，仲講到話郵輪係咩全香港最安全嘅地方咁講喎！』
「嗰時嘅病毒感染力，以至潛伏力，又點可以同今日嘅變種病毒比？另外鑽石公主號事後嘅化驗報告，都爆話排氣口都驗到有病毒，所以一如香港成棟大廈嘅問題，一戶確診，就成座樓都有危險！何況同一座樓都至多係用同一部lift，唔代表會一齊除罩食飯，你在船上點都會共用餐廳，你話點會因此安全啲呢？」
『其實我係諗唔明，點樣保持1.5米嘅社交距離啫？咁出海有咩玩？賭神呀？賭檯點企距離1.5米？泳池唔使游，濕水點樣戴口罩？聽咩歌舞表演，係咪又會變咗歌舞群組出來？何況仲可能透過房間排氣感染呢？』
「冇事當然最好啦，玩2晚郵輪，萬一有人中，甚至只係『假陽性』，立即要成船隔離！原本諗住玩2晚星期一照去返工，點知附送21日去竹篙灣隔離營，體驗16蚊頹飯，或者好彩換飛機餐畀你，係咪搏得過呢？」
『又係喎，如果一戶人有事就要成棟樓隔離檢測，咁一架船驗到有病毒，又使唔使成架船檢測甚至隔離呢？到時點計緊密接觸者先？』
「你諗你啦，信政府，唔怕！」（節錄，全文按連結，請訂壹週刊）
歌舞群組 在 歌舞群組源頭又出事？22客無掃證罰錢！4針研究抽血送禮券 ... 的美食出口停車場
歌舞群組 源頭又出事？22客無掃證罰錢！4針研究抽血送禮券？10-6-2022. 46,695 views46K views. Jun 10, 2022. 2.2K. Dislike. Share. Save. ... <看更多>