#老細都無情講系列
#霸住倉係死罪 #被挾倉
#業務小故事
前天，同事影相給我：
「月餅搬咗入你房，無位擺。」
我一額汗！貨入我房，從來喺公司禁忌，
我有OCD強迫症，間房咁多貨，對我好大威脅感！
但係，人不在公司，我知我無得異議，
而且，今次係我預錯貨量同倉期。
公司貨倉運作係咁嘅：
邊個負責，有幾多貨入，幾時會出晒貨，
要同貨倉mark 期 book 位，
夠期啲貨就要走，唔可能俾貨長期覇位，
貨，要如輪轉，倉租冷氣人手幾貴呀！
預唔準確啲貨量，霸住倉位，
係死罪，老細都要死！
我今年係有啲過勇，因為去年月餅太好賣，
中秋節前兩星期售罄，係一盒都賣清，
咁今年我咪加製囉，
貨倉期，我mark 到中秋前一星期，即9/14，
我諗住會清得晒㗎，我份人有信心又樂觀。
到9/14， 同事真係「挾倉」，
唔同我客氣，語帶（少少）不滿：
「月餅呀，你快啲出post 推啦，
而家倉無位擺，搬入你房。
你寫個post搞張相，搞幾個鐘，
你快手啲啦，得返幾日送貨咋。」
好驚驚，我成日話，
有貨無單，同有單無貨，同樣災難性。
做生意，唔係你賣幾多賣幾少，
甚至唔係賣幾錢毛利幾多，
而係要賣晒，減少扎貨。
即係話，預算要準確，係長期都要準確，
呢個先係做生意最大技巧，以及成敗關鍵。
講返我啲月餅，我今日再問同事
「去成點？我繼續推。」
於是我又得到一張相，
月餅去咗好多，同事話：
「剩返100零咋，唔好oversell呀，
一陣唔夠貨又俾HKTV Mall 罰錢。。。」
哈，好事，happy problem.
O’Chef Lab食物研究所 「花晨月夕」
傳統雙黃蓮蓉月，
原價HKD$388，最後100盒，
萬事屋或食物研究所購物滿HKD$990 免費贈送；
訂閱我的Patreon 成為「內圍」會員，
亦免費贈送（需付「順豐到付」運費）。
感謝大家支持，吃過的朋友說好吃，
讚不絕口，這是我最開心的，
今年，如果中秋節前（9/20）前售罄，
我當自己這個project合格。
多謝各位。
萬事屋：www.maxihousehk.com
食物研究所：ocheflab.com
Patreon: www.patreon.com/cannyleung
