【罪疚的愛】
剛匆匆回家看過小咪，現在再趕回去肥媽身邊！
原來兩年前的今晚(30.12.2017 8:44pm)，我曾在facebook寫下了當天和肥媽相處的珍貴片段！
不知不覺，肥媽為了我，已和可怕的癌魔戰鬥超逾兩年零三個月了！(我在30.9.2017晚替她沖涼時發現巨大腫瘤，3.10.2017初步確診，17.10.2017證實為三期或以上HER2 乳癌！其實不知潛伏在她體內多久了？只怪我實在太大意！)
只可惜.....
肥媽，對不起.....
如今的阿肥，已變得越來越無用了！
【濃情化不開.....】(30.12.2017 晚上8:44)
肥媽，妳知道嘛？阿肥越嚟越犀利喇！
以前，我有時都會喺妳面前喊同發脾氣，但最近呢三個月，我只會喺妳面前笑喇！
今日上晝出去買貓糧，下晝一點嚟到妳度，楚楚可憐嘅妳，屈住瞓喺床度，又變咗屎撈人！
即時笑住叫妳唔駛驚！立即變身短Tee孖煙囱超人，抱妳起身洗白白！
換床舖、幫妳吹頭、梳頭、洗口、換鼻貼、搽cream…
沖涼時，妳突然摸住隻左手叫痛，原來手彎唔止點解甩咗塊皮？於是，幫妳洗埋傷口、搽埋barrier cream，貼上紗布…
洗乾淨沾污嘅衫褲、床墊、毛氈，再用消毒藥水趴喺度抹埋地…
之後，輪到我去洗頭沖涼換衫，再用溫水開蔬菜粉同礦物粉，用針筒輸俾妳…
妳睇住我忙到氹氹轉冇停過，而我把嘴亦對住妳bi li ba la冇時停！
眼望窗外嘅太陽伯伯咁耀眼，我又唔抵得氹咗妳起身落街曬豬肉，推妳去欣賞妳最喜愛嘅桂花！
妳講過，妳最喜愛桂花，因為妳覺得桂花陣味好香！
妳講過，桂花通常八月先開花，但點解？難道係特登為妳而開？
下晝四點半，推妳返院舍，幫妳換片、上藥、上奶、洗針筒&奶壼…
傍晚六點半，坐喺妳床邊靜靜食咗十五分鐘午餐…
今餐我冇食杯麵，食咗幾粒魚蛋+幾片素肉乾+一包提子餅乾+一杯熱華田…
過去嗰三日，我都係每朝早六點幾食早餐，傍晚六點幾食午餐…
自從妳出事後，我已唔多覺餓，簡單講，食唔食嘢都得！
或者因為內心已被哀傷同絕望嘅眼淚填飽…
又或者潛意識訓練自己為日後冇哂錢準備…
坦白講，本來已經頗慳嘅我，宜家用錢更加小心…
又或者，遲啲要喺屋企搵一啲回憶物品出嚟變賣…
估唔到自力更生、默默耕耘、努力掙扎咁多年，最後竟淪落到如斯田地？
情越濃越會化不開，看不清那未來？
情越長越快要放開，怕一擁抱難分開！
為愛妳佔據妳一生，比分手更殘忍！
若愛妳，卻要妳犧牲，怎麼可算情深？
情越濃越會化不開，卻清楚這是愛！
肥媽，唔駛怕！阿肥永遠都咁愛妳！
桂花八月到會好唔好 在 用心堅持... - 桂花· 八月- 高級中菜到會Food Channels Kitchen ... 的美食出口停車場
【用心堅持共渡難關】 春天到來，象徵一切都回復生機，疫情相信好快會過去 各位都要保重身體，桂花八月會繼續堅守崗位，年中無休為客人提供優質中菜到會 ... ... <看更多>