(已加 recipe，請看文末)
心煩事有增無減，想逃避，但無論點避，煩惱終須面對。突然好想食甜品，中和一下近日內心的各種酸苦。
柯豬媽做了簡易版的『藍莓雪糕』，只需要 whipping cream，煉奶，果醬(任何口味)。一邊打 whipping cream 一邊看著液體慢慢變成半固體，腦袋放空，原來打 cream 可以令人放鬆。將已經打發好的whipping cream和煉奶混合物平鋪喺食物盒，放上藍莓果醬後用筷子打圈轉動做出雲石紋，放入冰格雪大約4~6個小時，食得~😊
柯豬好鐘意，佢期待咗自製雪糕好耐。
些莉妹一開始唔肯食(可能太凍？) ，但之後發覺原來幾好食，同家姐爭食。
柯豬爸話，下次可以減少少煉奶，同埋叫我試做 apple pie口味。
#柯豬姐與些莉妹 #是日B餐 #自製雪糕 #homemade #icecream
：：：：：：：：：食譜：：：：：：：：：
300g whipping cream
60g 煉奶 (+/- 10g 視乎你想無咁甜定甜啲)
藍莓果醬 4大湯匙 (可以買市售或者自己煮)
將雪凍的 whipping cream放入大碗，用電動打蛋器先用中低速打至起泡 (1分鐘)，之後轉高速打至開始轉挺身。加入煉奶，繼續打至再挺身一點成可，不需要變成完全實淨的 cream (唔係好似裝飾蛋糕的cream咁硬淨)。
將已打發的 whipping cream & 煉奶 混合物平鋪喺乾淨的密實盒，上面加藍莓果醬，用一隻筷子打圈轉動 cream和果醬做成似雲石的花紋。
蓋好密實盒，放入冰格雪最少4個小時，完成！
柯豬姐與些莉妹 在 #柯豬姐與些莉妹 - एक्सप्लोर करें | Facebook 的美食出口停車場
日常家務有增無減，但同時又要服侍兩個老細，所以我經常會煮最簡單的one pot meal 去解決晚餐，其中一款最受柯豬和些莉妹歡迎的料理就係｢和風比目魚炊飯｣，做法很簡單 ... ... <看更多>