2021年年頭國安局高調拉人，送比香港人一份專制厚禮：將所有參與飯民初選嘅候選人同主辦者，用「煽動及顛覆國家政權」名義一網打盡。相比起其他黃標KOL嘅狂鬧政府，但又唔敢開宗明義屌９共產黨嘅怕死Mode，我響度決定抽離一啲，分享以下七點觀察：
一、《國安法》啱啱頒佈之時，我仲記得以湯家驊為首嘅建制派人士大派定心丸，話要觸及「煽動顛覆國家政權罪」同「鼓吹國家分裂罪」唔同，「鼓吹分裂國家」罪係你講下支持港獨台獨都犯法，但「煽動顛覆國家政權罪」卻必須要有實質推翻政府嘅計劃同實際行動先可以入罪，所以否決政府議案、提出選舉過半，都唔會犯法。
但而家李家超就劃咗條新紅線，指飯民搞初選劍指垃圾會過半，嘗試透過持續否決預算案迫使政府解散詮釋成「顛覆國家政權」：簡單黎講就係往後邊個嘗試響議會戰線嘗試爭取過半數議席，或者有具體計劃要求現任特首下台，都已被國安局列為拘捕理據。
二、當然，拉咗又唔代表一定告得入，但問題係響法治已死嘅今日，你都預一拉就要坐番幾個禮拜監先。同埋剩係被拉後再等待審訊嘅恐懼，已唔係一般人受得住。
同埋今次拉候選人同主催者只係第一浸，響初選期間有班黃標KOL不停吹捧沈國師個35+奪權計劃，話只要控制立法會，改革特首選委構成，最終選倒個飯民特首出黎，然後就救倒手足云云，應該都係「煽動顛覆國家政權」被鎖定拘捕名單之一……
三、國安亂拉人之後，鍾劍華急急腳出黎補鑊，話「載有61萬名選民登記資料嘅硬碟經已完全破壞銷毀」，但我要響度提提大家，當日飯民初選仲係響點票將近完成之際，《星島日報》經已有記者搶先報導咗結果出黎，而事後亦證明個結果真係經由內部流出──當主辦初選嘅民意研究所連選舉結果咁重要嘅資料都守唔住，你班黃屍仲信事後扑爛幾個Harddisk就無事，會唔會天真咗啲？
另外村長無啦啦走出黎話「夠膽拉初選者同組織者，無膽拉投票者，廢！」真係名符其實嘅焦土派。唔撚該你睇下班冚家中剷啦，而家雞飛狗走個撚個仆撚住搞政治移民啦，佢地諗住初選投票低風險，先同你班左膠飯民癲咋！
而家你擺哂61萬黃屍上檯，即係推哂上去面對極權最前線，真係共慘黨真係發矛開始跟住張選民名單拉人，就真係多得你唔少。
四、有人話而家共慘黨全力搞9飯民初選係因為35+同初選真係威脅倒個政權，證明真係有用──真係唔該你搞番清楚個邏輯先唔撚該：係有用，就即係共產黨會因為呢樣嘢而縮，例如特朗普叫解放軍唔準過香港就真係唔落香港、圍垃圾會反對《送中條例》就真係撤銷咗條例，呢啲叫有用。
但35+同初選贏咗乜撚嘢番黎？好撚心啦，2021年啦，果啲飯民主派、議會戰線、和理非不合作運動，全部證實咗唔work啦，仲去緬懷舊屎托咩！唔好又撲出黎問有乜高見，要有新高見，首先就係要摒棄舊嘅嘢。
五、上面好似潑咗好多人冷水，但其實我深信「喪鐘不為誰人而敲，喪鐘為你我而敲」，當《國安法》範圍擴張至連設想中共／港共政權倒台都可以言入罪，下一步點會唔拉到我呢啲成日鬧共慘黨嘅人？
事實上所有香港人如今時今日都仲會公開撐民主，都應該要有被捕做烈士嘅心理準備，而今時今日我亦都可以正式宣佈，而家要做抗爭者嘅門檻經已大大降低，只要你仲留響香港，敢講真心說話經已係企響抗爭最前線。想安安穩穩過活嘅，則只能做順民做奴隸，學梁家傑咁「保留實力」，直到將實力帶入棺材為止。
即係今時今日仲搞政治、講政治嘅人，真係要撫心自問一下，你係咪真係有心理準備面對國安法被捕呢種風險，無嘅話，全面收皮都係一個好嘅結局。
至於逃亡去海外果啲香港人，我係理解你地嘅恐懼，但唔撚該唔好同我講移民都係抗爭。鄭文傑之前已比左一個好清晰嘅訊息比大家聽，就係當你無實力或者利用價值嘅時候，響國際戰線你根本是零，如果比政府通緝緊，流亡海外都無可奈何；但果班去到海外仲響度狂食香港人血饅頭，政治移民果班冚家中剷，你地就只係逃兵而已。
烈士、逃兵、奴隸，香港人似乎就只能夠響呢三種身份入面作選擇。
六、大家不妨留意一下，國安處呢個通緝名單，有無沈國師個大名響度──如果無的話，就真係不禁佩服於佢契爺共慘黨員葉國華後台之硬。講真佢當日作為35+嘅始作俑者，根本就係飯民初選嘅精神導師同理論建構者，如果連戴妖都拉得，點可能無沈國師份？除非呢個35+，由一開始就係共產黨引蛇出洞，一網打盡哂所有飯民嘅陽謀啦……
就算唔從陰謀論睇，沈國師起初係威係勢吹到35+同飯民初選點樣救倒香港救倒手足，到而家咁撚多人因為呢個計劃被捕，係咪應該以主催人身份承擔番責任？
但沈國師最新一篇抽水文，自己響35+上面嘅角色提都唔撚提之餘，仲要話：
「「顛覆政權」唯一理據，就是鎖定初選是一個有組織的「大台」，而這個「大台」由戴教授一人可以控制，所以儘管「unconditional否決財政預算」是他個人文章的論述，卻被演繹成所有「參與」初選者（邏輯上包括全體工作人員和投票人）的共同目標。」
睇到呢度我就真係屌老母，出撚事之前就打鑼打鼓講到自己成個國師咁款，出事之後就將所有嘢賴哂響戴耀廷身上？有無再無撚恥啲？突然間成件事完全唔撚關你事？然後班飯民響香港受苦受難，你就響台灣風流快活，又開網店又做KOL，個個月賺成百萬港紙咁過癮！？
然後仲有大撚把黃屍豬當沈國師神咁拜，係咁送錢課金比佢，連人地賣甩你班傻豬都唔知，所以香港抗爭玩撚完，唔係無原因的
七、最後，雖然我反對初選，亦認為呢班飯民多年黎只識爭取道德光環、響民主抗爭上面一事無成，但唔代表共慘黨拉佢地就係啱。今日拉得呢班最出名嘅，最終有日都會拉到我呢啲唔出名嘅。
響呢日黎到之前，我都只係會繼續講自己相信嘅嘢。呢個就係我唯一堅守嘅底線。
