[ViuTV][晚吹 - 空肚講宵夜]
「八婆你阻住我煮嘢呀」
「你身為一個廚師唔係諗住咁樣hea觀眾呀？」
「我今集淨係嚟食嘢冇打算講嘢」
《空肚講宵夜》3位主持 梁祖堯、 BabyJohn蔡瀚億、 Hailey Chan 每個星期三晚都互有攻守又煮又食，笑到觀眾肚痛兼肚餓。唔經唔覺今晚就播第40集，亦都即係踏入第4季，繼續破壞大家嘅減肥計劃。
編審Michael話歡迎大家一路食住杯麵薯片，一路relax咁睇節目，但當三位主持食緊高級食材或者各國美食時，你叫我哋夜麻麻毫無準備去睇呢個節目，情何以堪呢？話時話，點解個節目一開始咁多錢，又和牛又海鮮咁富貴？
高級食材平民食法收宣傳之效
Michael：「開始時食材唔係好貴，後來阿祖建議用高級食材配平民食法。Budget嘅嘢最重要係用得其所，好多觀眾因為見到和牛同龍蝦睇到嘩嘩聲，其實可以計埋做宣傳費。」
節目budget當然唔係無上限，去到中段見到 ViuTV 曾經喺Facebook出post，叫觀眾推介50蚊可以煮到嘅宵夜😂。節目內容就由一開始「貴價食材平民煮法」，去到講各區宵夜，再去到依家講各國美食見聞。到今晚第4季，會繼續講環球美食，Michael話佢哋已經度咗下個主題，保證大家會有共鳴。唔通係劣食大改造？
主持配搭走位多變
講真，有時都唔係為咗主題去睇，而係期待3位主持嘅火花。Michael話好早已經決定兩男一女主持組合，搵阿祖係因為佢煮嘢勁，搵BabyJohn係因為之前合作時知佢為食同想做飲食節目，Hailey就係ViuTV親生女。「3位主持驚奇地出現咗唔同嘅2對1組合：例如係2個食1個煮、2個住元朗1個唔係、2個現代1個清末民初（補充：阿祖自己講嘅），仲有網民話佢哋似一個阿哥照顧兩個細佬妹。Hailey呢一分鐘係一姐，下一分鐘變成八婆。彼此關係多變先咁有火花。」
咁節目最高記憶度嘅「八婆」呢？Michael話已經唔記得咗阿祖點解叫Hailey做八婆。「阿祖本身就好mean！不過估唔到嘅係『八婆』竟然成為節目icon之一。我成日幻想將來限聚令取消時，請佢哋出席公開活動，全場觀眾一齊大嗌八婆嘅震撼場面。」
好，我都練定先：記得今晚2330睇《空肚講宵夜》呀，各位八婆！
📺 99台 逢周三 2330~2400
#方以文問兩句 #ViuTV #晚吹 #空肚講宵夜 #梁祖堯 #BabyJohn #蔡瀚億 #陳俞希 #朱榮達 #八婆
朱榮達 在 朱榮達的個人檔案 的美食出口停車場
查看名為朱榮達的用戶個人檔案。加入Facebook，與朱榮達及其他你可能認識的朋友聯絡。Facebook 讓人們盡情分享，將這個世界變得更開闊、聯繫更緊密。 ... <看更多>