鰻魚卷滑蛋窩夫 ($168+10%)
-
由婚禮佈置專門店Origami Florist策劃經營嘅
NATURA:出名環境靚到好似世外桃源一樣，
店內所有花藝裝飾均以天然素材自家設計🌸
依家至九月期間仲同環保社企香港木庫合作，
以「百年輪」為主題引入各款以香港本土回收木製成嘅室內藝術佈置，
同時亦推出咗一系列夏季主題菜式，
將古樹同其他大自然元素融入食物當中🪵
仲可以參加古樹遊戲去指定古樹打卡，
埋單時出示照片就可以減$5，
藉此喚起大眾保育樹木嘅意識別具意義( •̀ᴗ•́ )و ̑̑
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔸鰻魚卷滑蛋窩夫 ($168)
以外脆內軟嘅竹炭窩夫為基底，
鰻魚肉質軟嫩且不帶細骨，
畫龍點睛之處在於淋面嘅蒜蓉牛油汁濃郁醇厚，
再配上煙燻蘿蔔及青瓜更添清新感，
惟滑蛋較乾並不如預期中嫩滑，
感覺似係將煎蛋皮捲起而非一般炒滑蛋🧐
🔹溫泉蛋牛油果大啡菇酸種麵包 ($128)
將大啡菇切片營造出樹木嘅質感，
鮮嫩多汁再加上溫泉蛋、牛油果同芝士層次分明，
麵包烘脆之餘保持鬆軟，
亦無因為溫泉蛋同大啡菇嘅水份而變得過濕☺️
🔸日式卡邦尼蒟蒻麵 ($128)
粗身蒟蒻麵口感比意粉更加彈牙，
醬汁加入本地水耕菜製作而成，
賣相綠油油而有別於一般卡邦尼，
事實上味道如出一轍忌廉奶香濃重，
亦有煙肉、洋蔥、本菇同溫泉蛋，
由於忌廉汁本身較膩所以配以蒟蒻麵感覺更加輕盈🥳
🔹開心果年輪窩夫 ($138)
開心果味窩夫當中捲住香滑細膩嘅鮮忌廉同栗子，
外形彷似木頭一樣別出心裁，
再以黃豆粉白玉、山形縣水蜜桃等伴碟，
單食窩夫嘅開心果味唔算相當出眾，
但神奇地配合忌廉同栗子能夠突顯返開心果香，
面層淋上開心果醬令整體開心果香更上一層樓，
齒頰留香( ´▽` )ﾉ
🔸鮮奶黑芝麻抹茶 ($70)
面層抹茶忌廉豐盈綿密充滿甘香，
而底層黑芝麻鮮奶好似芝麻糊一樣濃郁醇香，
拌勻之後黑芝麻味成為主導令抹茶味幾乎蕩然無存，
而另一方面黑芝麻味同時亦有所削弱，
兩者各自精彩但合併後反而失色🥲
🔹氮氣伯爵茶配花香咖啡 ($75)
將伯爵茶加入濃縮咖啡再注入氮氣令兩者融為一體，
口感份外順滑，
淡淡花香馥郁芬芳，
而咖啡苦味輕微相當容易入口☺️
.
—————————————————————
📍NATURA : (灣仔)
灣仔菲林明道8號大同大廈地下1-2號舖
—————————————————————
.
.
本地水耕菜 在 晨光|潮流解码：居家水耕法教你在家种菜 - YouTube 的美食出口停車場
想在家里种植蔬果，却担心空间不足或影响室内整洁？疫情期间， 本地 兴起一股居家 水耕 种植潮，有人还靠着这种种植方法，一年多就在家种出大约十批 蔬菜 。 ... <看更多>