Search
最近雖然吃得隨便，但嫲嫲的營養餐卻不能馬虎，醫生說每天要吃三隻蛋，早午晚餐再加三餐奶粉，一天吃六餐，胃口不好，要不停轉花款，滿腦子蛋蛋🥚🥚🥚！ 除了雞蛋，也會用鵪鶉蛋，有時只用蛋白，就快可以出一本雞蛋料理百科😅
原隻南瓜蒸蛋、柳丁炸醬炒蘆筍白飯魚、台式肉操飯配滷蛋、滑蛋三文治、牛油果雞蛋沙律、日式薯仔雞蛋沙律、薑黃焗雞髀煨飯配中式蒸蛋、麻醬五色中華冷面、薯仔燉牛肉配日式滷蛋、蟲草花蒸雞配鮮淮山蒸蛋、三文魚鬆蒸茄子配玉子蒸豆腐、紫蘇三文魚蛋炒飯、麻婆豆腐配日式茶碗蒸、三文魚茶漬飯、雞柳雞蛋絲菜湯飯、沖繩苦瓜肉碎炒蛋、蕃茄炒滑蛋、白飯魚炒蛋、雜菌庵列煎蛋、南瓜布丁、鮮奶燉蛋白、薑汁撞奶，還有滴雞精、豆漿、芝麻糊、杏仁糊、蔬菜汁和生果。
#以上係其中某啲菜式
#有冇乜嘢想學
#有時間再寫不過唔知幾時先得閒
#太硬唔想食魚就嫌腥太寡無胃口太淋又嫌一patpat
#蛋白質蛋白質要食豐富蛋白質
#好多菜式都有放營養奶粉同蛋白粉
#大家有冇idea都分享吓
💟 Follow 鬼嫁 MeWe 👉🏻 https://mewe.com/p/oniyomei
***SPONSORED***
文青梗係唔少得要寫啲學術post(?!)?
今日同個小焗爐玩咗一日，記低咗少少嘢，希望可以畀到有興趣入手嘅朋友做個參考，
如果你無興趣入手嘅都可以睇下有無朋友有興趣嘅，世事無絕對只有真情趣吖嘛係咪？！?
官方資料話小焗爐最高250℃，恆溫200℃，
實戰得出嚟似乎到200℃後，大部份時間都係超過200℃，
唔使驚佢唔夠熱，反而要留意會唔會太高溫?。
一般嘅小焗爐因為質料同大細嘅問題，好似係機身嘅物料，爐門嘅隔熱性能等等，好難做到十分之恆溫。
我遇過一般質量唔錯﹑普通大小嘅焗爐到達所需溫度之後，
溫度都會介乎喺上下5-10度咗右，例如較咗200℃，
到達200℃之後會維持喺大約190-210℃之間。
其實récolte RUND Classic小焗爐夠熱後大約都喺210-230℃之間，
保持溫度嘅能力唔差，不過係比預期溫度高咗咁解。
好彩佢無真係標到去250℃再飄嚟飄去，如果係咁就太誇張喇。
實戰數字：
- 開爐後6分18秒達200℃，之後一直保持200℃以上
- 達200℃後，大部份時間於210-230℃間徘徊
- 於12分32秒，最高溫度達235℃
用後感：
?一般焗蛋糕曲奇等多數係180℃左右，小焗爐溫度足夠焗小蛋糕或曲奇。但始終無溫度調較，唔建議焗一啲對溫度控制要求高嘅東西，例如馬卡龍﹑芝士蛋糕﹑雪芳蛋糕（戚風）等。
?因為夠熱，我估焗雞翼都應該得。（利申：未試過）
?爐比較細，食材好近發熱線，會比較容易燶，尤其表面。過6分鐘之後要密切留意食材上色嘅情況，如食材未熟透但己變成金黃色，可快手打開爐門放一張錫紙喺食材上面，避免燒燶。
?靠近爐門嘅食材受熱情況同靠近爐入面果啲有啲唔平均，如有需要可喺烤焗時間途中轉一轉盤等成品受熱平均啲。
?不得不讚佢個層架嘅設計?。層架嘅手把喺機身外亦有膠手柄，而且有防滑設計，拉出或推入層架果陣，烤盤唔會瀡嚟瀡去！
?千祈唔好用層架個手柄嚟拎起成個焗爐！好危險！
?雖然佢個樣好似好無殺傷力，不過用落時金屬機身同玻璃門都會變得好熱，唔好亂掂！
?要投訴佢個托盤?，儲熱能力比較差，而且做咗坑紋，食材底部好難烤得好靚。其實果種質地唔係不沾，好少可會直接唔鋪嘢去裝啲出好多油嘅食材，整坑紋嚟罷咩？！啲坑仲要咁Q淺，漏油漏汁都幫唔到手啦。可唔可以用隻好少少嘅物料同設計得好啲？或者話聲畀我知邊度有啱size又好啲嘅盤買吖喂。?
總結：
好老實講，呢種小焗爐，千祈唔好妄想佢同普通size嘅焗爐一樣功能同表現，係無可能㗎！?
如果你係想用嚟煮啲簡單嘅早餐小食，翻熱下啲嘢食，佢絕對無問題仲做得好好！買設計都抵！?
一啲簡單小食﹑普通蛋糕仔﹑曲奇等等佢都無問題?，
不過如果你係諗住佢可以代替普通大小嘅焗爐，佢唔可以完全做到，始終果句都係無得較溫度。
我自己有普通size嘅焗爐，不過真係好少為咗一兩塊包，焗丁屎咁多嘢就開爐，好似太誇張又嘥電。
所以就算有普通焗爐，都會想置返個小焗爐，得閒整個二人早餐又得﹑翻熱丁屎咁多嘢又得﹑焗幾塊餅獨享又得，得咗！?
BTW，嚟緊唔知幾時會有小焗爐食譜，真係唔知幾時，講住咁多先！?
備註：
- 爐各有異，就算同廠同型號嘅焗爐溫度都未必一樣，就算大牌子小牌子大爐細爐都好。我手上個爐未必同你買到果個表現一樣。以上不專業測試只供參考。
- 影片由00:00-30:00由15分鐘實際拍攝所得，未經剪輯，以30倍速播放。
(非自購，真感想)
#recolte #RUND #焗爐
Keywords: 成波之路, 香港, mywaystogetfat, Hong Kong, recolte, 小家電, 開箱
