任何年齡層係香港由6月開始到而家,相信都感受到氣餒,挫折,無助. 但大家請緊記「唔好死」又或者你曾經個腦有閃過放棄自己既念頭,請等一等!
係而家既香港,有好多位人士有好多人想佢死但佢地卻活得風流.有權有勢有錢,厚顏無恥指鹿為馬.用各種手段欺壓巿民
但佢地都未死我地被欺壓既竟然想死?
如果要計「死一死」既話,元朗亂打人既係咪應該死先?
點解我地被人打反而想死?排住隊等天收既人唔係我地.
我地打機打輸左都會諗Con機,輸左,又再Con,Con到嬴為止
有時手風唔順搵唔到方法,唔緊要.休息下,下次再黎.
今次係香港開既呢局同平時我地打機有少少唔同
無文字攻略,無影片speedrun,無100%通關既方法
我地而家就係做緊攻略,攻略既野就係瞎子摸象,
係有限既程度下慢慢擴大我地既認知.
失敗係常態,唔係你做得好唔好,唔係我做得夠唔夠既問題
而係我地已經知道個Boss係邊個,我地一齊搵緊方法去打,創造緊屬於我地呢個時代既攻略.試問有邊位神人可以「初見」一局爆機?唔好將「徒勞無功」怪罪係自己身上,你,有同路人,就係我地.
「兄弟爬山各自努力」成日聽人講,但記住係「爬山」,唔係迫你上「良山」.遊行左好多次,腳軟.唔緊要 ! 返屋企坐坐 , 心好累, 唔緊要! 放心休息訓一覺.唔好因為出席少左一次,抽唔到身去唔到集會,就怪罪自己,食唔安訓唔落.記住,要受良心責備訓唔著既係個班仆街!而唔係我地.「各自努力」就係指大家用大家既方法,盡力而為.人係會攰,正常嫁! 我地要做既,就係要同呢班仆街鬥長命.
人生既路一路走黎,我地係唔同階段唔同既事,都做過好多個決定 . 有d係趕時間下隨便落既order,有d係心思細密瞻前顧後而做既選擇 , 但無論係前者定後者,係結果未出黎之前,邊個會知道對與錯?除左上帝之外,邊個知道之後會點?無人知.
所以我地就更加要相信自己,堅守信念,好好活著,唔好留下任何既後悔.
唔好死,最後笑既係我地!
唔好死,死左就無笑話睇!
唔好死,因為唔值得!
唔好死,因為我地同氣連枝!
#香港加油
#同氣連枝
#一個都不能少
#有我地聽眾一時諗唔開
#而家無事
有我地聽眾一時諗唔開 在 #有我地聽眾一時諗唔開 - एक्सप्लोर करें | Facebook 的美食出口停車場
係而家既香港,有好多位人士有好多人想佢死但佢地卻活得風流.有權有勢有錢,厚顏無恥指鹿為馬.用各種手段欺壓巿民. 但佢地都未死我地被欺壓既竟然想死? ... <看更多>