【#LGBTeen #Secret信箱】我今年中四，女校，我有個好close既同學，我平時有咩唔識都會問下佢。時間耐咗，我發現自己好似鐘意咗佢，有時候問下佢功課，聽住佢把聲，已經可以好開心 。我好想同佢表白，但我怕講咗萬一連朋友都無得做點算？我唔敢講俾人任何人知啊，呢排停學好掛住佢... 我應該要點做？
▍迷思一 : #想知對方係直定攣，可以點做？】
好多人會話stalk 下對方IG有無follow LGBT+嘅明星或者youtubers？不過做完呢啲小舉動都未必100%知道對方嘅睇法，最好當然係直接問，想自然啲帶到去呢個話題都可以試下講自己睇咗套同志相關嘅熱門電影，講個陣當成一套好睇嘅戲介紹俾對方咁。講多啲咪有機會同對方傾到佢對同志社群嘅諗法。
▍迷思二: #擔心表白後無朋友做，應唔應該表白
其實個答案只有你自己知道，因為 #你要準備好承受任何答案。
講真如果你同對方只係識咗好短時間，話題唔係特別多，亦都唔係成日相處嘅話，表白未必係一個好好嘅選擇，或者可以花多啲時間了解對方先。如果都識咗一段時間，又知道對方喺接受到同志社群，可以試探下對方有無另一半，有咩擇偶嘅條件。甚至乎你仍住有意無意大家都好多曖昧signal，都可以考慮下有無適當時機同對方講自己嘅感受。畢竟，一段健康嘅關係基建於互相了解同溝通，老套啲講句，#係你嘅始終會係你嘅，如果時候適合就去馬啦，未適合的話，等多陣都唔係壞事。
不過，無論你係邊種情況，都建議你做好心理準備。最唔想發生嘅可能係表白後俾對方拒絕，而且佢都可能想冷靜一下，減少同你嘅接觸。當發生呢個情況自己梗係會唔開心，亦唔明白對方點解會避開你。但始終，接唔接受自己嘅決定權都喺對方手上，都要尊重對方嘅決定。鐘意一個人都係想對方好，#鐘意唔一定要擁有，容許自己有唔開心嘅情緒
▍迷思三 : 唔敢同人講，擔心被出櫃，#有心事可以搵邊個？
暗戀一個人可以好辛苦，特別係呢件事只有自己一個人知嘅時候，有時候擔心講咗出去之後唔知個後果係點。可能擔心淨係講咗俾一個同學知，結果傳下傳下全班忽然都知，最後變咗話題嘅焦點。甚至會比老師或者社工知咗，然後就將你嘅秘密公開，講埋比家長知，或者講啲難聽過粗口嘅說話⋯⋯ 不過，#心事收得太耐自己都會攰，身邊有信得過嘅朋友可以講固然好，萬一有需要可以考慮以下LGBT+ 友善嘅機構呀 #匿名都ok咖，
東華三院同一線 TWGHs Pride Line 24小時支援性小眾熱線🏳️🌈
電話: 22175959
香港小童群益會 性向無限計劃 BGCA Project Touch 🏳️🌈
https://www.facebook.com/bgcagayservice/
有心事可以搵邊個 在 修緣added a new photo. - Facebook 的美食出口停車場
我根本就唔知可以搵边個可以講出自己嘅心事,搵親人,唔可以,因為怕佢哋擔心我,更加為佢哋带上不必要啲顾慮,最親啲父親已去世,年迈啲母親远在家乡,知心朋友, ... ... <看更多>