梧：同大家吹吓啲無聊水。
記得喺在下仲係啱啱開始玩index options嘅時候（在下係玩index options起家），有一次嘅黑天鵝事件係令到在下損大手：就係2011年嘅日本東北大地震。
如果大家仲記得嘅話，福島1核電廠話咗出事嘅時候其實恆指嘅跌勢都幾似過去呢幾日咁：第一日（3月11）跌得唔多，不過好明顯個高低波幅增強咗（由3月9號百零點增加到四百幾）；第二日（3月14）有小反彈（在下記得嗰日東京股市跌咗5％），跟住嗰晚3號爐爆炸，然後歐洲美國股市開始跌；到第三日（3月15）恆指嗰日嘅高低波幅有八百幾點，仲要係朝早跌，下晝V型反彈（跌四百點）。
聽落以上啲波幅唔係好多，但係2011嗰陣時恆指得2萬2千幾點架咋......
啲detail嘢在下其實唔記得，但係因為由在下開始玩開始，到而家嘅每一日收市都會寫trading notes（港股收市寫一次，美股收市寫一次），由以前寫簿仔到而家打電腦，所以在下一搵返嗰日就會記得返嗰日大約發生咗啲咩事。
老實講，當時在下其實唔係好識玩index options，剩係純粹覺得short put(call) options好似好易賺錢咁，繼而忽略咗非常重要嘅一環－－做對沖。
喺呢個層面所謂對沖其實好簡單－－啲人有正股想做對沖最理想嘅就係用stock options，咁如過你玩index options，最理想嘅對沖就係即月期指。注意在下唔係講緊做long/short equities嗰啲，by definition嗰啲唔算有做對沖。
其實諗返轉頭，當年（甚至而家）做naked put/ call真係好戇鳩，因為好多時其實係要承受不必要嘅風險，而且信不信由你，呢啲風險係會好實在咁影響閣下嘅心理，而個psychology一受到呢啲負面影響，好多時就會認響到你之後做嘅決定。
不過有一點在下覺得諷刺嘅係－－期指係恆指嘅derivative，但係其實香港玩緊嘅指數期權係期指嘅derivative，即係話index options係derivative of a derivative；呢個間接解釋咗點解每次個市郁得好勁嘅時候index options嘅vega永遠係郁得最勁（所以如果個市本身好似而家咁好波動嘅話，玩long options都可以好好執）；而在下竟然要用期指去對沖返啲options，主要係因為期指liquidity夠好多（其實以前有研究用options對沖options，不過效果都係唔夠期指好）。
其實做簡單嘅對沖，只會有三種情況發生：1）做唔夠；2）做太多；3）做夠。呢個就睇大家睇市同即市trading嘅功力，因為做對沖絕對唔係一勞永逸，每一日個市郁上郁落，其實都要睇得幾實。
不過咁講啦，2018年嘅大家其實已經比2011年嘅在下好，屌你起碼你地而家有夜期，而個夜期又開撚到凌晨1點先啦，在下當年要到2013年先有夜期玩（在下唔玩黑期）；同埋其實options市場本身嘅liquidity都比以前強咗好多。
點解在下忽然間9吹咁多嘢，其實係因為無啦啦見到有網絡財演同人講個市況唔得，仲話嗰啲short咗index put嘅人應該輸/走得七七八八wo⋯⋯屌你老味只要對沖做夠嘅話邊洗走？頂多咪做返啲repositioning姐。
講完。
#有做對沖唔洗騰晒雞
