Search
【#保險你問我答 假如有日撞到法拉利……】
問︰
我唔小心撞到架法拉利，車保有冇得賠？
答︰
咁就要睇下你買咗咩類型嘅車保喇！最基本嘅法定車保只保障第三者傷亡嘅法律責任。不過市場上提供嘅第三者責任保險（三保），亦通常包埋對第三者財物損失嘅保障。如果買咗包含第三者財物損失嘅車保，一旦證實車主或駕駛者有賠償責任，保險公司就會根據保單條款作出相應賠償。
不過，三保只係可以賠番俾法拉利車主，如果你自己架車都撞到要入廠整，就要睇吓你有無買綜合保險（全保）喇。
講到尾，最緊要都係小心駕駛，唔好亂入後波呀！
#意外就係意料之外 #你永遠唔知自己會撞車 #更唔會知撞到咩車 #蓋世保鑑Insurpedia
我第一次睇呢套戲已經係12月戲院臨閂之前，之前機緣巧合之下見到導演恆仔，我有同佢講話多謝你拍呢套戲，我睇完覺得好感動。導演話其實呢套戲都係原自於一個idea，就係一秒可以改變好多嘢，然後就變成一秒拳王呢套戲。當我睇多次呢套戲之後，我就發現呢個idea係好簡單地貫穿整部電影。第二就係導演都想喺呢個時候，比返香港人一啲正能量。
如果你係未睇套戲嘅話，我建議係即刻去睇，而因為香港喺呢兩年經歷咗咁多事之後，相信呢部戲一定可以比返一啲力量大家去改變。大家可以先再睇呢個影評，因為接下落嚟我所講嘅內容係劇透。
首先喺出戲名一秒拳王之前，就係一幕周天仁（周國賢飾）點建得到呢個所謂異能嘅戲。簡單為大家介紹咗一秒拳王會出現嘅原因，就係佢曾經死過一秒之後又再復生，能夠睇到嘅一個message就係你以爲你死咗咩？原來只係個一秒嘅錯覺，下一秒你又死而復生，所以周天仁（周國賢飾）得到一個所謂嘅超能力。究竟預知到一秒係唔係超能力呢？只係睇大家點去睇呢件事。
好快喺周天仁（周國賢飾）細個嘅時候，佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候，佢就話佢老豆覺得呢一秒預知係無Q用，但佢想用呢個天賦做一個有用嘅人。咁呢一秒喺觀眾嘅角度嚟講，係有用定無用呢？喺電影嘅中段，當周天仁同林明幀喺海邊傾計之後，我哋其實可以搵到屬於自己嘅答案。
堂妹林明幀同周天仁（周國賢飾）講，其實會唔會有一個平行時空係有另一個更開心嘅自己存在呢？周天仁就反問，其實佢預知個一秒同佢改變咗嘅個一秒會唔會就刷出咗林明幀所講嘅平行時空呢？我嘅答案就係，其實根本就無所謂嘅平行時空，從來都只有自己點選擇同埋點去做。用打拳為例，如果我預見自己下一秒比人打，唔代表我一定可以避到㗎嘛，而我避到，係大前提我要相信預知個秒見到嘅係真嘅，然後我先可以選擇同決定避唔避開呢一拳。而如果自己都唔相信自己避到，繼而決定作出行動去閃避嘅話，我係點都唔會改變到一秒後發生嘅事，所以只係睇我相唔相信自己做到，同埋決唔決定行動去作出改變。喺我眼中，導演係同緊大家講，就算只係一秒嘅抉擇，都唔可以睇小，只要我哋選擇去做，先有資格去改變。重點唔係一秒嘅異能，係周天仁嘅選擇。
之後喺周天仁（周國賢飾）同佢個仔走嘅時候，張建聲走嚟找佢麻煩。周天仁喺呢個時候用一秒避開張建聲個拳，但就令到再下一秒嘅佢同個仔被車撞到。我哋可以喺呢一個橋段得知，就算有呢個一秒嘅預知仿似避過一劫，其實再下一秒都可以發生不幸嘅事。意外發生之後，周天仁選擇唔打場表演賽。由周天仁無咗呢一秒天賦，決定退賽再決定點都係要打呢場拳賽，更加可以話比我哋知一秒係次要，選擇先係重要。
去到周天仁同阿JOE嘅表演賽最後回合，最後個幕係話比觀眾知套戲嘅重點唔係一秒嘅預知，而係一秒嘅選擇。大家記唔記得喺周天仁比阿JOE KO個十秒，出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗，之後佢見到一個走馬燈之後又再返返去倒數緊嘅臨尾幾秒，周天仁（周國賢飾）又再企返起身。呢一幕係講緊無咗異能嘅周天仁，其實就算唔洗預知都可以知道如果佢唔企返起身，最後就只會輸，而呢個結果係每個人都能夠預知。對我嚟講個訊息就係，一個凡人走到絕路都好，只要佢決定企返起身佢就一定可以作出改變，所以最後比賽結果係點並唔重要，電影亦都刻意無講出嚟，最重要係周天仁成功話比個仔知佢唔會變返一個廢人，而阿JOE都真真正正地打到一場拳賽。
點解我會認為香港人一定要睇呢套戲？除咗因為戲入面嘅警察可以唔帶委任證on duty之外，我諗係因為恆仔想話比香港人知，至少係我呢一個香港人知，只要我相信一秒嘅行動都可以改變到自己嘅話，就算世界變成黑暗，人生走到絕境，我都一定可以行返去光明。希望大家可以相信自己，繼續為自己而打拼。
每天關注我的9UP狀況：
https://www.instagram.com/ernest_pch/
歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?ref=share&v=fN7lpwmKARA
◎Instagram: https://www.instagram.com/iam.manson/
◎Facebook Page: https://m.facebook.com/Iammanson-1463381420592597/
◎工作聯絡Email:manson_yee@yahoo.com.hk
◎電話聯絡：55956635
◎party room :
好多謝大家對大阪第一集嘅支持，反應好熱烈，聽到好多留言話好耐冇睇過我嘅旅行影片真係有啲開心，今集第二集黎一個終極篇！真係好耐好耐都未試過有一個鐘以上嘅影片，將三日嘅行程壓縮成一集，我相信成集應該會冇悶場而且比多好多歡樂大家！
第二集開頭都會帶大家去一啲比較少人分享嘅旅遊景點，第一站就帶大家去滋賀縣郊遊，呢個地方最出名嘅一定會係湖中鳥居⛩️，大部份嘅人了解海上鳥居都會諗起廣島，但其實去大阪都一樣可以睇到湖中鳥居，而且仲有一個歷史悠久嘅神社白鬚神社添，如果鍾意參觀任何寺廟嘅朋友，呢個地方絕對建議你去啊！
因為我哋已經離開咗市區所以我地既酒店就決定住喺京都呢邊嘅山料站，因為第二日出發睇紅葉嘅時候相對比較近，而且呢間酒店十分之近地鐵站2分鐘嘅路程就到，如果同我行程一樣嘅朋友都可以參考吓！
到晚飯就嚟到呢一間當地酒店嘅職員介紹我哋食燒肉，聽說呢一間燒肉係京都好有名，係食高級燒肉既，價錢方便又中價到貴價都有，至於肉質方便相信你哋係影片裏面都見到質素如何，你都日本三大牛冇可能唔食掛，相信食完包你幸福滿寫！
第日終於嚟到今次去旅行嘅目的睇紅葉啦，以我所知好多朋友睇紅葉都會喺市區附近觀賞，好少何特登為咗睇紅葉而搭兩個鐘頭車欣賞，今次就想同大家介紹比叡山呢個地方，雖然路程有啲遙遠，但係如果你鍾意紅葉又鍾意睇神社寺廟嘅話，呢個地方你哋絕對值得參考，好多日本嘅遊客觀賞紅葉都會選擇呢個地方，可以欣賞紅葉之餘，又可以參拜唔同嘅神社寺廟，相信影片裏邊都話咗比大家知道呢個地方有幾好！
都晚餐方便我上網搵咗一間醬油拉麵，好多日本遊客都過嚟排隊食呢一間嘅拉麵㗎當然我都唔例外啦，呢一間嘅醬油拉麵湯底控制得啱啱好唔會過份鹹，而且佢舊肉先係成碗面嘅精髓，鍾意食肥豬肉嘅朋友呢一間一定係你嘅選擇！
食拉麵一定要一班朋友食先開心，所以就約返之前撞到嘅觀眾一齊同我食以下兩個拉麵，呢一間嘅沾麵地點十分之孤僻，基本上好少遊客會知道，佢裏面有三個唔同嘅味道，味道濃郁之餘唔會過份鹹，鍾意食沾麵嘅朋友一定唔可以錯過呢一間！
當晚最後一餐拉麵我哋喺日本嘅飲食平台都見到評語唔錯，地方都係十分之隱蔽唔係好多遊客會知道，湯底方便同平時以往我哋食嘅好唔同，鰹魚湯底大家有試過未呢？如果平時成日食豬骨湯底嘅朋友食都悶，呢一間大家都可以試吓！
今次嘅住宿方便我又係當日先決定住邊間，一直以來都好想住下青年旅社，我想體驗下一班陌生人住喺同一個地方會有咩感覺，我知道好多朋友仔都好想體驗下但有踏出唔到呢一步，我今次終於都踏出呢一步啦，感覺十分之良好有機會嘅我都會再試下！
到最後一日我就選擇喺心齋橋裏面食一啲一直以來好多人排隊嘅店舖，呢一間嘅大阪燒係米之蓮給推介，去咁多次大阪佢都係排隊排好長，今次食完可以話俾大家知道，如果排半個鐘嘅話大家都可以試吓食嘅，同一啲大阪燒嘅小店相比係會有些小不同！價錢又唔係特別高都可以算係值得一試！
元綠壽司純粹想滿足下自己心癮，一直都見到好多人排隊又未試過，當然都係正正常常冇需要特別去食啦！
最後一站我都建議大家去黑門市場買啲生果做手信，平時都係送啲禮合俾朋友，當地嘅生果更加吸引啦相信！
好多謝大家支持一連兩集大阪京都紅葉團，相信呢兩集嘅內容應該都幫大家計劃到你哋嘅行程，大家睇完呢段影片有啲咩感受嘅，不妨留言話俾我知，如果有啲咩好食嘅餐廳更加要話俾我知我下次有機會試吓㗎！我哋下一段影片生日影片再見?
我真係好怕搭長途車???兩個鐘以上既車程已經危危地，口乾又唔敢飲水怕不停揾廁所?好在由松本城揸車到奈良井宿（ならいじゅく）都只不過係個半鐘頭左右，完全無事無幹就黎到呢個好古色古香日本懷舊村莊。一落車個下見到「奈良井宿」真係以為自己去左奈良，但告示牌寫住長野縣就知自己傻左XD
有興趣想知奈良井宿有咩玩，或者想來去住一晚就去睇下佢地個官網 http://www.naraijuku.com/narai/
成條街無車經過個時真係好似拍古裝劇咁，行行下都可能有小甜甜造形既人出來打招呼???我地去個日係平安夜，4點鐘左右都已經關門休息?想買下手信睇下碗碗碟碟都唔得。見周街都有舊原木咪猛拉朋友幫我影動感相，我真心想扮內村航平???結果自己對腳唔聽使，影左張拗柴版過一過癮都夠！唔講唔知，原來呢到大有來頭架！！好多建築物都攞左有形／重要文化財產添～
丫仁無帶羽絨着唔夠衫，邊行邊揾熱野飲暖一暖身（長途車唔敢飲）結果係自動販売機見到傳聞中既罐頭關東煮同味噌拉麵???大家一定會同我講伏味極濃，我就真係出於好奇先買左黎試下，攞係手個下成個人都暖笠笠。除左個湯底做得出色之外，真係......
上次去奈良井宿既自動販賣機買到既罐頭關東煮同熊本風罐頭叉燒拉麵，睇相又真係好難睇到食個刻既即時表情，即係去個片睇下當時丫仁個樣有咩變化！仲有朋友又會覺得咩味道呢？關東煮又夠唔夠火喉？細細罐足唔足料架？
快D咁㩒個制 https://youtu.be/GmerGs22SZ4 去睇下片！
下次都唔知幾時會撞到你，有緣再聚！！希望有更多古靈精怪既口味出現，等小弟既「黃金舌頭」同你會一會???
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
