［金仔想平壤開麥當勞］又有新搞作。唔知係咪特金會嘅議程，但之前話金仔容許美國在北韓開漢堡包店—好大程度係佢自己想食麥當勞。話說當年佢哋都有高麗航空空運大陸麥當勞漢堡包到門口 – 同你而家咩朝捕晚嚐食日本魚生差不多
但麥當勞開去平壤就唔係咁簡單，亦都深具歷史意義。因為麥當勞象徵嘅係普世價值，至少係美國嗰種普世價值。全球化，資本主義。標準化，效率。
上世紀八九十年代，冷戰結束，共產陣營紛紛倒下，兩德統一，蘇聯南斯拉夫解體，蘇東波。中國冇解體但亦改革開放。正係資本主義同新自由主義無堅不摧嘅美好年伐１。
當時麥當勞打入俄羅斯同大陸就別具意義。1990莫斯科開幕時啲友排幾個鐘（但聽聞好多都買唔起，只係去拎紙盒），同年亦在大陸開幕。如果打到入北韓就真係資本主義（至少係美式資本主義）又一勝利象徵。古巴緬甸呢啲根本易過借火（又，上次2015年去緬甸係有KFC的，麥當勞有未就唔知，但貢茶大把，日出茶太都有）（古巴呢，2012去，係咩連鎖店都未有嘅）
仲有，正路地，資本主義仲代表咗求財唔係求氣，打打殺殺冇前途，有咩唔掂拆到掂。Thomas (唔係Milton) Friedman寫過，兩個有麥當勞嘅國家，係唔會打使嘅。即係只有極權國家先打仗，資本主義一定寧願傾。
係咪真？其實唔係。睇你點定義打仗。如果計大規模打仗，係真係冇—但畢竟近幾十年都係世界和平，好少有全面打仗，恐襲就多，或者係局部戰爭，更多係代理人戰爭。咁例如，1989年美國入侵巴拿馬，巴拿馬唔只有總統有交情，仲已經有麥當勬。但在美國嘅定義唔係入侵唔係戰爭，係「保護美國僑民」「保護民主」「打擊販毒」。咁之後仲有印度同巴基斯坦，以色列同黎巴嫰，俄羅斯同格魯吉亞及烏克蘭等等。係咪「戰爭」，任你講。
如果真係平釀開麥當勞，就真係可以覺得世界和平了—暫時。畢竟頭先講過，俄羅斯都一早有麥當勞，中國都一早有，台灣又有日本又有越南又有菲律賓都有（有架可？）。真係個個都唔開戰咁和平？但至少肯定嘅係，金仔同侵侵在飲食上品味幾一致 — 完全係推翻希拉莉之類嘅素食左膠。唔好笑，蔡子強有寫過，班離地中產精英食Quinoa 食Kale，係完全同勞動階層脫節的。呢，馬來西亞選舉畀人拉落台果位納吉布，又係鍾食Q uinoa．
又，呢篇啲英文寫得幾過癮，”the rumor of a McDonald’s in Pyongyang is juicer than a three-patty Big Mac.” “Compared to the threat of nuclear war, of course, a Pyongyang McDonald’s seems like small fries.”
普世價值全球化 在 News98 官方粉絲團- 全球化告終，普世價值破滅，更趨平等的 ... 的美食出口停車場
全球化 告終，普世價值破滅，更趨平等的多極世界即將來臨！未來，我們將面對更多現實考驗，地球公民將更渴望自由。 【#財經起床號】星期五(9/18) 早上八點#每週選書早起 ... ... <看更多>