關於 晏少少英文 ，我們在網路上蒐集到這些相關的討論、資訊與評價

#伍家姐姐
#簡稱伍家姐

屋企姐姐真係好幫得手！做嘢爽手冇投訴！心地善良兼企理！(由於最近姐姐好似開始知道我做邊行，為免有日佢search我啲social media再㩒translate嚟睇，讚咗佢先，我驚佢唔撈🤣)

呢件事，發生喺前幾日。

大約四點鐘左右，我開始準備梳洗出街做嘢。

一般嚟講，四點零鐘係每日屋企最寧靜嘅時刻，因為呢個時候小怪獸s通常食飽晒奶瞓緊晏覺；冇人喊，冇人叫，亦唔會聽到電視傳嚟嗰啲播咗接近一億次嘅兒歌，寧靜到令人有去咗寺院禪修嘅錯覺。

而每日呢個時間，當姐姐安頓好小怪獸s之後，幾乎都一定會喺佢自己房度休息下；總之，呢個時候，個廳有九成時間係冇人嘅。

講返我沖涼換衫準備出門。當我喺房入面個廁所剝晒衫褲之後，發覺自己漏咗要換嗰啲衫喺廳；阿太出咗街、(我以為)姐姐又休息緊、小怪獸s仲未識行，咁攞衫呢個任務，當然落番我自己身上啦。

唔，四點幾鐘，個廳通常冇人 —— 我心諗。

又除又著又除太麻煩喇，快手出去攞完跑返入房好過啦 —— 我心諗。

好！

一個箭步加半下轉身，一絲不掛嘅我離開睡房再穿過走廊；我同客廳嘅距離，就只淨低一道門。

當我拉開通往客廳的大門，就梗係拿拿臨執起啲衫褲啦；然後 —— 然後我聽到有啲聲喺廚房傳出嚟！

原來姐姐喺度食緊飯！

處於一個全裸狀態嘅我，硬晒(呔)咁望住姐姐喺度食飯！

我一生遇過無數危險，但實在冇一次好似呢次咁危險喇！幾乎嚇到縮咗一縮(啲毛孔)；好彩，佢當時係背住我；更好彩嘅係，我係一個受過嚴格中國武術訓練嘅人；一招「追雲趕月」，就已經喺佢擰轉頭之前極速閃返入房，兼鎖埋度門。

不過睇嚟，我啲輕功仲有少少破綻，佢始終都realized(姐姐啲英文ok，所以執正啲，用番過去式，費事佢有日睇到知道sir啲英文咁屎)有人出過嚟；隔咗十秒左右，姐姐就嚟敲門。

姐：「Sir你係咪搵我？」

我：「唔係呀。你咁晏先食嘢嘅？」

姐：「GorGor and MuiMui扭咗好耐先肯瞓，唔得閒食呀。」

我：「Oh番橋very much！eat more la！啲rice現唔enough？Not enough就cook多two個instant noodles(plural)啦！」

講完之後我先醒起，如果我真係冇出過廳嘅話，其實我係唔知佢食緊嘢㗎喎🤔

希望佢冇realizes(third person singular動詞要加s)呢一點🤦🏻‍♂️

*張相就當然唔係事發嗰陣影㗎啦，係我之後叫佢畀我影番嚟出Po嘅，設計圖片嚟🤣

我MeWe：https://mewe.com/p/ngkahim
我挨之：www.instagram.com/vinceng88
我YouTube：https://www.youtube.com/channel/UCNV_i17rTpUCiG7aIxlA_PA

【突發短故】阿姨，我不想努力了

既然跳舞群組嘅事被揚咗，我都唔介意將呢段黑歷史爆出嚟⋯⋯

前幾日，其中一個豬朋狗友Johnny打畀我：「喂，Charles，今晚返唔返工？聽講今晚呢批阿太好捨得使錢㗎！如果唔係突然有個肚痛No Show，你都冇機會呀！」

自從舊公司因為疫情捱唔住執粒，手停口停，我幾個月無收入了，為咗生活我可以頂硬上！

「做呀！不過⋯呢排疫情咁嚴重，會唔會中招㗎？」我猶豫咗一陣。

「屌！富貴險中求呀，班阿太咁錫身，仲驚撚過你啦！唉算喇我叫第個！」Johnny不煩耐。

「等等！我做！畀時間同地點我！」

就係咁，我返屋企沖個涼，Gel個頭，再噴啲古龍水，就出發去「標叔舞廳」。

一入到去，已經成班阿太坐喺度笑淫淫，我一直以為只有男人叫雞先有嘅淫賤眼神，如今竟然出現喺一班平日打扮高貴嘅阿太身上。

當我經過嘅時候，其中一個仲伸咗一下脷，做咗一個虎抓手勢。

「屌⋯咪過嚟呀！」我急急腳走。

最諷刺嘅係，背景張Banner竟然寫住：如非進食，請佩戴口罩！真係笑咗！

其實又無錯嘅，佢地真係「進食中」。

喺更衣室換好跳舞戰衣，成班男人蓄勢待發，眼神十足十華爾街啲Banker一樣，等緊出去宰割班闊太，但邊個食邊個都未知⋯⋯

「喂！你係咪替班嗰個Charles呀，Johnny同你講咗你今晚要扮韓仔㗎可？」

「吓⋯⋯冇喎！」

「你自己執生！gogogo！」

韓仔！？是鳩旦啦，呢班阿嬸如狼似虎，金正恩都照食啦！

我一行出舞池，已經幾十對手捉住我，大家唔好以為闊太係嗰啲明星級凍齡美魔女⋯⋯全場都係屯門大媽級數。

其中一個「重量級」，目測60多歲嘅大媽捉住咗我，示意我行埋一邊，我見全場都有伴，係得番佢一個，照上啦！

大媽：「你叫咩名？好靚仔，啲肌肉好正！」

我差啲唔記得要扮韓仔，好彩我都識一兩句韓文：「亞里丫些YO！Me Oppa！HAHA！」

大媽金睛火眼，奶一奶自己個上唇：「嘩！原來係Oppa！今晚食硬你！My Name, Mimi, call me Mimi. Dance OK？You understand?

呢個富婆識啲英文，見識廣博，睇黎都有啲錢。

「OK! Mimi！Dance! 」我心諗：「屌！使乜真係識跳，妳估妳自己好勁咩！咪又係亂un!」

大媽MiMi全程一邊un, 一邊起勢摸我，我好努力咁同自己講：「頂住呀！捱過今晚就上岸！依家畀佢渣我粒波子，聽日我就有錢渣波子喇！」

我用韓文講咗句：「阿姨，我不想努力了！」

佢全程笑笑口，好快佢就帶走咗我，去咗附近一間時鐘酒店。

「吓⋯⋯屌你咁有錢都去呢啲Cheap時鐘！？」我表面上依然笑住。

或者佢要低調啲呢⋯⋯？一定係咁！驚比人認到！

我想熄燈合埋眼，全程幻想佢係是但一個女神算，點知佢要我望住佢，佢驚睇我唔清，戴番副老花眼鏡⋯⋯

「你啲肌肉真係好正⋯⋯」

「啪啪啪啪啪啪！」

大家唔好誤會⋯⋯我邊有咁落力，呢啲啪啪聲係由佢啲骨頭發出⋯⋯

我忍辱負重咗一晚，由床大戰到廁所，再由廁所上番床⋯⋯我真係估唔到阿嬸都可以咁好魄力⋯⋯

聽日我就可以買名錶，買名車，分分鐘仲可以買樓！

我要揸波子！我要買Rolex! 我一路「郁」一路同自己講。

終於...出了...我指捱到日出了......當我張開眼，竟然見到MiMi想偷走！

阿婆走得快！一定有古怪！我即刻上前攬住佢：「Baby, Dont Go…Money???」

點知佢一野推開我：「Mon你老味！屎韓仔！」

我忍唔住爆響口：「仆你個街！想趙完鬆？有錢人都咁無品？」

佢：「你都係仆街啫，扮韓仔Oppa！」

我：「你點都要比番少少肉金我好啵，話晒都開心過！」

佢：「比你個頭呀，肉金？生果金我就有，你要唔要吖？大家出黎搵食，你估我真係好開心呀？我有畀你屌㗎！我犠牲色相都係想搏下中唔中武拎$5000啫！過主啦！我要趕巴士番屯門，一陣晏咗又塞車！」

望住眼前嘅佢⋯⋯我諗起尋晚⋯⋯突然間嘔晒呢十幾日食過嘅嘢出嚟⋯⋯原來佢唔係闊太，佢真係屯門大媽⋯⋯

我忍唔住大叫：「屌你老尾，就係你呢班自私嘅人，搞到全香港同你地一齊死，幾多公司吊緊命、幾多打工仔放緊無薪假，幾多老師學生家長上唔到堂煩緊，連啲真心跳舞嘅都畀你哋影衰晒，你哋真係好撚自私！」

大媽完全無視我：「你唔介意畀埋你啲口水我？如果我又中，你個啲又中，我就有成皮，買埋PS5畀個孫都得咯！」

望住大媽Unun下咁離開呢間房，我都同自己講，踏出呢間房就忘記一切，呢段黑歷史永遠都要留喺度。

What happens in 時鐘，stays in 時鐘。

我忘記到，但香港人又忘記到咩？

（完）

［人工得返四份一］昨日明報經濟版，最多人睇就係呢篇文

1. 登登登登，隆重推介呢篇文。講我搞移民台灣嘅種種。明報文，昨日出，所以我今日先貼。反正亦免費。Link在此，（https://bit.ly/3gwlZdB），最底下我都會貼全文。

2. 咁文中講過嘅不再全部重覆。但想講啲場外花絮。

3. 首先，呢篇文收視係好好嘅，昨日係明報經濟版網上第一。仲要其實我未在呢度貼出嚟的。問返朋友，佢話可能因為上一期個主角係三哥個仔（https://fbook.cc/3BgR），講兩萬蚊人工可以買樓娶老婆，一般讀者就冇乜代入感了。但我呢啲比較真實個案，素人，大家投入到。

4. 留意，其實個訪問好長，好似講咗成粒鐘，我係唔知邊啲部份會出街的（＊）。記者朋友本身我都識，當普通傾計咁，結果佢好詫異我居然成個鐘一句粗口都冇講過！話「早知拍段片出街啦」。即係原本其實怕我講到一半太興奮爆粗，雖然唔係直播，但總不能「嘟」咗佢嘛。

5. 我覺得，篇文咁好反應，除咗時機（但其實訪問係七一之前做的），主要係因為個題起得好。先頭部隊固然正，但最重要都係：忠告你，金融人或只「搵得番四分一」。呢個真係一個好好嘅bite

6. 四分一呢個概念，你見我講台灣嘅文必講。仲咁啱大約就係台幣對港紙嘅匯率。我唔止一次識得在港嘅台灣金融行家講，返台灣？人工不變，不過由港幣變台幣。

7. 真的，之前貼過我同事（其實係姐妹公司），台灣女仔，反服貿訪問（https://bit.ly/2VPlKCs），不介意公開自己收入（當然因為高就唔介意），香港就年薪百萬港紙，台灣就百萬台幣都冇。

8. 其他行業可能折讓冇咁多（你搵到的話），但金融業，真係四份一係magic number。冇法，香港就金融業發達，台灣就金融業較弱，一來一回，好係嘢。咁其他工種可能好啲，但，可能都係三份一咁上下？

9. 所以，我就認為，文中有講，香港人「係台灣返工唔係一個Option」，我真係冇乜見香港人走去打工。一係就退休金或有樓收租食過世，一係就可以在台灣做香港嘅freelance收香港客香港錢。創業嘅，就梗係香港人「三寶」：茶餐廳、燒味店、咖啡店。但，固然唔少執笠，最慘係，賺錢嘅，識個朋友間嘢賺到三四皮嘢港紙，但做到PK，朝七晚十星期一至星期七，畀你班文青嚟打卡小確幸匠人精神。咁不如返香港打工算啦。

10. 當然有啲人，我地稱之為　鄧小平粉絲，係包拗項，又會話唏我有個朋友在台灣搵幾十萬港紙個月，唏我個朋友點點點。唔拗，大家都知鄧小平係煙鏟但好長命。但我講in general，我做台資公司時，睇埋啲高層嘅人工（上市公司嘛，邊有咁多秘密），亦見到台灣同香港比，真係四份一都未必有。

11. 另外，你見有個移民開支表（好似網上版睇唔到，我在comment貼），講用咗30萬港紙—原來好多人見到話平！我想講，我已經用得多。要更平都得。原來真係好多人誤解咗，你台灣嗰600萬台幣，係開公司，唔係食咗你的。你搞掂晒護照（當然我唔會叫你一搞掂就執笠），然後公司結業，係可以拎得返大部份。

12. 點解我話我已經係用得多？首先有6皮嘢畀咗移民顧問。固然我都建議你搵，但以前真係亦有唔少人自己搞。係慳返錢的，你諗你。另外，由我地開始搞到埃汾太辭工過去到開業，都用咗啲時間。有啲人係可以好快手的。仲有，我係有租實體舖，亦有請兼職員工—就係用錢買certainty，我間公司完全四正，有實店有貨賣有請當地人，移民官冇可能質疑到我。咁有啲人唔租舖唔請人嘅，又係你諗你（但而家好似唔得了）。

13. 記者朋友仲有問到，「幾時先走」。實在有少少敏感，你想像下我老細見到會點諗？但本人都係選擇光明呂樂，照買。咪且戰且走，在香港有得撈，有份接受到嘅工咪留多陣。冇人要嘅，咪收工走人。

14. 記者朋友話，咁土生土長香港人，在香港金融圈，仲有冇得發圍？冇嘅，睇你點睇。鬼頭年代一樣係冇得你發圍，就係鬼頭執包伏，大陸佬又未玩熟，中間大約有十幾廿年，係香港土炮嘅黃金年代—「亦即係地產霸權年代」。我04年先做銀行，中資添。06年先做股票，當時已經好多中資，就睇你點走位咯。＼

15. 但，唔好有口話人冇口話自己。咁你同廿年前三十年前比，土炮當然更加暗淡。唔講政治都好，都話我舊公司啲煙腸，個個中文又好過我，英文都好過我！又勤力過我！但人工係我N份一。優勝劣敗啫，睇你點走位，老咗唔夠人爆，咪踢法經濟啲，食腦。再講白啲，四十幾歲人仲日日開個Excel砌model玩macro玩VBA咩，唔夠人鬥的。「但我識吹水」。咁睇你想做乜咯，你要好巴閉嘅，係難啲。但我又唔係要點巴閉做CEO做乜，搵餐晏仔，一年去幾次日本食幾次米芝蓮供層樓之類，總走到位。當然你唔順超人，就另一回事。

16. 另外有朋友睇咗，話我批評台灣喎。實情你見我都唔少批評台灣。例如文入話「人治」—喂咁的確係咁喎，你睇台灣移民審批，極不透明。永遠都只係傳：呢期乜乜乜專業收，呢期乜乜乜行業唔收，呢期非香港出世嘅全部落閘—但永遠唔話你知。

17. 咁當然，去人地度梗係跟人地玩法。但我亦只係實話實說，我咪跟你玩法，搵移民顧問—其實有冇諗過，呢啲咪rent seeking！（＊＊）．真喎，你全部跟制度嘅地方，邊使咁多呢啲乜乜顧問？你見啲腐敗國家（唔係講台灣），咪最多人幫你填form呀教你寫野呀咁咯

18. 況且，幾時都係身體最誠實。你見我成日話台灣，但我都係選擇會搬去住嘛。梗有好處，爭在未必係你估嘅好處。天地良心，埃汾係BNO持有人，我仲要係好多年前已經拎返再續（咁中間係有停過嘅，我在英國回港後，4年先再去旅行），夠晒忠心。但我完全冇諗過走去英國—即使，天地良心客觀睇，我在英國搵到工嘅機會，一定大過台灣—甚至計及在我台灣減一大截人工添。如果我在英國肯拎台灣咁人工，應該好易搵到。始終英國亦係金融業發達，當年出trip都見唔少黃皮膚人睇返亞洲股票　—　「但你要嘈話做唔到最大粒嗰個就隨你」

19. 最後一樣講，你見成日話台灣經濟唔好。但經濟唔好先係好！對外來人嘅好。台灣經濟好就唔得嚟畀你咁爽過去做皇帝啦下話。香港經濟夠好，但你問香港人係咪受惠到？係咪開心？

20. 當然，亦都好睇你在人生咩階段。正如你搵男女朋友就搵件刺激嘅，但搵老婆老公就唔好咁刺激。你要搏殺要上位要搵食嘅，在台灣死得，香港梗係搵錢好。但台灣就生活好。

21. 咁如何在台灣又可以生活好？就梗係，搵香港錢在台灣洗啦！就靠你地啦！收費專欄好快重出江湖！而家玩住收費短片先！

22. 最最最底有明報篇文全文。或者你開link睇又得 （https://bit.ly/3gwlZdB）。

（＊）我發現好多人以為記者會畀份稿公司／受訪人睇先出街。答案係唔會的，基本嘅行規或守則。你要指指點點嘅，就自己賣廣告或開個記者會咯。不過我在唔同公司都見有不同嘅人，用啲不同嘅濕鳩借口去叫人畀份稿佢睇咗先（例如「想確保啲嘢冇錯啫」），我都話，香港人，係從來唔尊重其他人嘅專業的。我就唔係悍衡新聞自由乜柒，但我尊重記者朋友嘅慣常做法，而唔會用香港人例牌嘅：「拿新聞嘅嘢我唔識啦，不過我覺得呢……」

（＊＊）而唔少人真係以為rent seeking就係租間屋畀人。不過咩係rent seeking都有啲深，但到見到嗰時，你就明白。呢度嘅例子，你移民要搵顧問嘅，就好大機會佢地係rent seeking嘅行業。你諗下當中幾多油水幾多勾當？

——————————————————————————————
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf　
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．

以下係報名方法：

【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145

----------------------------------------------------------------------------------------

分析員李聲揚擬移台 忠告：金融人或只「搵得番四分一」

「港區國安法」由提案到實施不過一個多月，香港似乎重演80年移民潮，搬錢、撤資成為中產熱話。已「半邊身」移台的金融人李聲揚直言「細個好鍾意香港，但環境愈來愈擠迫」，故自2014年由太太做「先頭部隊」著手移民台灣，並在兩年前取得護照。不過，他忠告想移民台灣的香港人或金融人需有心理準備，因為隨時「搵到工都得番香港三分一或四分一」。

目前李聲揚暫未計劃正式動身去坐「移民監」，作為金融人，他坦言全因香港賺錢易，「係台灣返工唔係一個Option（選項）」，因為香港經濟遠比台灣好，「重災區」金融業對比更是強烈，「人工完全係天同地比」。但土生港人在香港金融圈還有機會嗎？他說，香港金融業在外資離開、中資未到時，亦曾有港人黃金時代，「但我入行時已經係好多中資，所以（最終）都係睇香港人識唔識走位」。

香港金融人「最緊要識走位」

不少人因為喜歡到台灣旅遊而決定移民台灣，但李聲揚坦言，與太太行動前卻並無到過台灣多少次。他說，下決心關鍵源於2014年台灣取消「存款移民」，即港澳人士不可再用「敘造定期存款500萬新台幣（約131.6萬港元）滿一年」為由申請長期居留，現已改為需投資移民600萬元新台幣（約151.9萬港元）開設公司，兼有經營繳稅紀錄才可申請居留權。

李聲揚有感當時移台人士有增無減，相信門檻定會逐步收緊，因此「快快手、聽完移民講座」就在2014年底決定由太太先行一步搞移台手續。他指出，相信不少港人與自己一樣，開初是「諗多過做」，因為就算在台經營香港人「三寶」茶餐廳、燒味店、咖啡店，「都係過癮，但要賺錢唔係咁易」。

他認為，移台港人除退休人士或剛入職場、薪水較低的年輕人外，與他同齡或背景的人、三十多歲已結婚生子、或在港有資產的都要考慮更多，他以自己為例，「（本來）兩公婆都返工，移民就要有其中一位辭工，所以多數係在台灣較難搵到同類工作、又或者人工較低嗰個去」。

寧願多付點成本 找移民顧問代辦
縱然台灣門檻較低，但李聲揚與太太仍決定選擇成本較高但較方便的途徑，以約6萬港元聘用移民顧問，皆因他覺得台灣「人治的特質比較高」，「其他國家移民係好似剔點心紙咁計分，但台灣就不一樣，像專才移民，就無好清楚透明話邊啲行業高分低分」，因此需要聘請移民顧問教路或提供門路。

他說，與太太到台灣投資移民時，就嘗試揣摩當局的諗法，因此不考慮經營網店，改為經移民顧問開設實體時裝店，並聘請兼職員工，「好聽係創造就業，又交稅，唔係過去爭飯食、爭工返、爭福利」，令審批更易。他又指出，移台有很多文件手續，需到不同政府部門、銀行等「敲門」，自己處理的話可能要不時親身到台灣，但移民顧問則會代辦各類事宜，因此他寧願多付一點成本，但可節省回不少時間。

談到他覺得台灣吸引的地方，「所有嘢都好抵，但正因為經濟唔好先係咁宜居」，又笑言「好得意，香港經濟係好，但香港人又係咪開心？又係咪受惠到？都真係未必。」

「（留在）香港的代價就係人工高、人多又逼，無咩人情味、樓又貴啲。」他說。

[是去是留系列之二]

釣龍蝦，鼠年第一擊，向大家拜年『香港釣魚 : 艇釣』維港 {粵語旁白+中英文字幕}
Year of Rats [Hong Kong HK Fishing : BoatGame] Victoria Harbour {Voice Over + CC}

時間：8:30 - 17:00
流水：初四
天氣：11 - 16度。北風4級，離岸5級。大致多雲，早上寒冷及有一兩陣微雨。日間部分時間天色明朗及乾燥。
地點：維港
魚餌：沙蝦18兩，大眼仔1.5斤，三點蟹1斤
工具：魚絲YGK FluoroCarbon 碳氟化合物3、4、5、6號，波子鉛30g，子彈鉛60g，海馬牌鉤4號
釣法：手絲，沙蝦鉤背，大眼仔鉤頭

:影片字幕內容:
Hi，大家好，我叫Marco
今日，我哋初四就落維港基哥嗰度拜年
我而家同所有觀眾都拜年
恭喜發財，心想事成
今日初四我哋落維港釣魚
都已經唔係今年第一個客
尋日，我朋友已經落咗維港基哥嗰度釣魚
釣咗好多魚返嚟
有兩條係高級食材嚟嘅
一條係杉虎斑
一條係紅鬼頭斑
當然今日就抱住好大期望呢釣魚啦
本集亦有提供字幕
請大家開啟
手絲釣魚
影片分享頻道
今日天氣比較凍，得十度左右
吹北風，報就報五級
不過釣維港就完全唔怕
感覺嚟講，好似吹兩級風左右
早上時間
都間唔中有少少微雨
冇太陽時，就比較凍
今日準備咗魚餌沙蝦18兩
1.5斤大眼仔
同埋一斤三點蟹
所以有大餌嘅話
我就用副YGK 6號魚絲
用5號奶腳
用3號子彈鉛
再鉤隻大蝦落去
我主要都係釣啲青斑或者墨魚
我今日一係威一係龜
睇下撞唔撞到啲好嘢返嚟啦
喱一個艇期，其實係阿B哥嘅
我哋係阿基哥嘅忠實Fans
所以我哋兩個成日都跟阿基哥玩鈍釣
尤其是今日冇乜流水
如果你都識玩鈍釣的話，你就知道佢嘅威力喺邊度啦
釣咗成朝，又冇乜太陽，啲魚又唔係好肯開口
釣到中午時間先有返少少太陽
多番少少魚肯食餌
艇頭師兄阿希，我同阿立都係第一次同佢釣魚
原來佢都係志偉哥嘅忠實Fans嚟㗎喎
一同佢講開釣牛屎鱲
佢就有好多心得同我分享
今日中午時間，我哋一樣埋街食飯
我就去買咗啲三點蟹落嚟
咁我下晝就開始鉤啲三點蟹嚟釣魚
搏下有冇啲大針墨腩過嚟
點知今日啲針墨
淨係鍾意食大眼仔唔食蟹
最後我都釣返啲大眼仔算啦
由於我全日揸大餌
所以我全日都係得兩條魚仔
加兩隻針墨
當我哋晏晝食飯上岸之際
阿基哥就幫我哋繼續釣魚
原來佢釣魚嘅時候，鉤到個爛網
個爛網竟然有隻龍蝦同埋琵琶蝦係度
仲有幾隻三點蟹
今日真係有食神呀
閣下如果想搵到我，或者其他網友嘅話呢
你可以去Facebook度嘅手絲釣魚交流群嗰度搵到我
或者去Instagram follow我都可以
今日嘅釣魚分享，我就分享到嚟呢一度
如果大家都仲未畀個LIKE呢條影片嘅話
記住下面撳返個LIKE喎
多謝大家支持及收看

請按以下鏈結來訂閱此頻道
https://www.youtube.com/channel/UCO_5XP-qd-udNxBlzzSzgvw?sub_confirmation=1

建議下一部影片:
釣沙巴∙∙∙等『香港釣魚 : 艇釣』青龍頭 {粵語旁白+中英文字幕}
影片連結: https://youtu.be/gSGFRn3rNDo

你或許感興趣的其他影片:
⚓ 大角咀另一位三寶，我與三大掌門高手，華山論劍 青馬 - https://youtu.be/mdIFvy5NlV4
⚓ 大角咀三寶之一，我哋齊齊去通佢∙∙∙秘位 港珠澳人工島 - https://youtu.be/3XCRbIW3qYI
⚓ 釣沙巴∙∙∙等『香港釣魚 : 艇釣』青龍頭 - https://youtu.be/gSGFRn3rNDo
⚓ 由Peter師兄親自教授用瀨尿蝦、三點蟹釣針墨 -https://youtu.be/uKTULrEyT-E
⚓ 繼續尋找沙灘邊釣魚仔《第一集》淺水灣 - https://youtu.be/MhIP_U3ytv0
⚓ 夜水大戰港內大怪獸盲鰽+魔鬼魚 港內 - https://youtu.be/6rp3kBKB2IY
⚓ 爆釣港內鈍釣法釣黃腳鱲 維港 - https://youtu.be/gyrMS7paHQs
⚓ 雄風之友釣魚會維港釣魚比賽2019第二屆 維港 - https://youtu.be/kDCITjlegiA
⚓ 夜水爆釣黃腳鱲 港內 - https://youtu.be/GDqB7mlJUQM
⚓ 爆釣烏頭 城西道巴士總站 - https://youtu.be/HmQdzc1vn04
⚓ 打石湖手絲釣大紅鮪 青馬橋/青龍頭 - https://youtu.be/J8OUNVPL0Uk

請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch

==================================================================
背景音樂名稱 : 中華風の楽しく陽気な曲「Folk Chinese」
來源 : Peritune
拍攝器材 : GoPro Hero 7 Black (with HyperSmooth Enabled)
解像度 : 1920 x 1080 60fps
剪輯軟件 : Corel VideoStudio 2018
本片以全高清拍攝，務求能捕捉每一個最好的畫面來送給所有訂閱者
==================================================================

YouTube Channel 頻道: https://bit.ly/2W1Y8bG
YouTube Channel Subscribe Here 訂閱頻道按此: https://bit.ly/2Cva0LT
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/

標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱
YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱
Fishing Vlog ╱ handline fishing ╱ hong kong boat game fishing ╱ fishing in hong kong ╱ hong kong fishing 2020
fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog

#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020

上水粉錦公路蓮塘尾村，村口有家茶座綠色環抱，暴烈艷陽也被樹葉篩出溫柔閃閃。

1952年，林霆豐的爺爺從惠州來此落腳，開了間雜貨鋪賣糧油茶水。店旁翠竹，正是當年種下來的；側門對聯也是爺爺題字：「坐片刻無限爽快　飲幾杯何等清涼」。

那時上水盡是農田，過路人買碗茶水送清風，如得半日閒；現在販夫明星一樣愛來透透氣，歎幾味。

昔日小茶店，今天馳名茶餐廳，轉捩點始於20多年前，林父病重，霆豐和家姐回歸老巢陪伴母親守店。

年年月月，兩姊弟循環磨擦、合作，都為店好，店也愈做愈好。
更重要是能承歡膝下，無慮樹欲靜而風不息。

「這裏雖然距離市區好似很遠，但短短只是十分鐘車程，已是兩個完全不同的世界。」榮昌茶座負責人林霆豐說。就算盛夏，午市、周末必定爆滿。常客有附近學校的老師、出入馬會會所的顯貴、打高爾夫球的明星、北區醫院的醫生護士，也有車房、地盤工人；假日更是區外一家大細、山友、電單車發燒友……無分階層，全是專程自駕或坐小巴而來。

Helen第一次光顧，點了豬扒包，發現麵包軟熟、豬扒有肉汁又不油，連從不吃的洋葱也覺「好味」，盛讚「好食過澳門豬扒包」。　

住在加州花園的朱總，十幾年天天來，打風也來。「心癮！塌樹、馬路水浸都要來，不來不舒服。」這裏出名的有被蘇施黃稱為最好食的豬扒包、滑嫩多汁BB鴿，而鑊氣十足的炒牛河他也鍾愛。
限量的原盅陳皮鴨湯飯，還有煎雞尾包都是名物，Eric和Connie每周必吃，有時帶上小狗，一坐就是半天。

來的人慢慢歎，做的人就要手快快。霆豐上一刻在修理洗碗碟機，下一秒已獨臂架着三碟飯從廚房衝出來。

茶座是家庭式經營：他是家中老六，乳名興仔，和排第五的家姐林麗金（乳名金仔）主力管理；細佬廚房、電器工具維修；家姐水吧、樓面招呼。母親收銀；排第三的家姐林麗星（嘉菲）帶位；太太Sara、姐夫也會幫手，假日必定總動員。

「話事人當然就是我媽，她控制整個局面。她說一我們沒人說二。」興仔笑言母親好精靈，在背後看得仔細，不時教大家走位，「令到我們打醒十二分精神去做事，不敢蛇王。」

歸巢伴母　守家業
母親楊錦雲，雖然七十有八，但神采飛揚，每朝飲完茶就出來幫手收銀，和客人打牙骹。「細細個見他們讀書挽書包，現在做工了，或者帶孫來探我，當見下老朋友。」事頭婆有個「四萬」笑容，很有親和力。

她20歲嫁給同村的林泉，「以前幾十年無得揀㗎！老實啩……」又笑不攏嘴，「他同老竇開鋪仔，賣油鹽糖仔餅乾。上水黑麻麻無電燈，亦賣火水蚊香。」那是1960年。婚後前鋪後居，生了兩男五女，她主力養豬養雞，丈夫幫忙看店。80年代，茶水雜貨外，榮昌兼賣簡單飯麵。

「老公走了（離世）二十幾年。他有長期病，那時細路仔細，這頭煮飯，那頭沖茶招呼客人。要供細路仔讀書，養雞養豬又要買材料，樣樣都要賒，但無欠人錢嘅，賣到雞賣到豬有錢就即刻還。」她教仔女做生意，要「講信用，有借有還」。

那是刻苦的年代，「仔仔女女都要幫手，細細個就餵雞，企櫈仔煮麵。」排第二的大女讀完小學就回店幫手兼帶弟妹，「金仔、興仔讀到中學，其他四個都出國，兩個英國兩個加拿大，你話辛唔辛苦？」她日頭打理農場、榮昌，夜晚就穿膠花幫補家計，捱到金睛火眼。

結果，養大的仔女一個個往外飛，尋找自己的人生；只有金仔和興仔在91年先後回巢。

50歲的金仔，伶俐爽朗，年少時很倔強，「對家裏有很多不滿，覺得阿媽管我太嚴，我的同學都很自由。」放學她去打排球而非回家看店，激到阿媽生蝦咁跳；曾經有幾次離家出走，好快被人捉回來；讀完書拍拖、揸電單車，母親愈是耽驚她愈痛快。「以前店鋪有爸爸媽媽撐住，我是一個可有可無的人。」後來父親病重，店交外人打理，母親鬱鬱寡歡，於她如當頭棒喝：「自己玩夠了，肩上有個擔子，不可再像以前般任性。」當了母親的金仔，自言當年「很幼稚」。

小她兩歲的興仔，溫和沉穩，不善辭令。當年讀完書也渴望外出長見識，去北角打工，有兩年做過廚房，但漸覺市區生活太壓迫，「返回新界舒服很多，切合自己多些。」想到蓮塘尾有榮昌有母親在，一個心有了清晰的歸向。

那時顧客除了村民工友，主要是貨車司機，「人家過路泊車，要碟茄子飯、排骨飯。有時金仔煮，有時興仔煮。」事頭婆說兩姊弟夾手夾腳，無分你我。今天店中熱賣豬扒，就是她傳授的在家製作：拍得鬆、醃得夠，不用食粉味精。


一家人　難關共渡　
仔女接棒，並不代表就此順遂。那時榮昌一直在賣粉麵飯，但未有食肆牌照（食牌），「我們座落在綠化地帶，申請食牌阻難重重。」金仔記得，食環署不斷來巡查、發告票，她和細佬上庭又上庭，罰款愈來愈多；後來一次，法官警告再犯就要封鋪。「我惟有向法官求情，榮昌不斷申請但都不獲批。法官同情我們，發還所有罰款，又教我如果證明到店鋪在鄉郊條例實施前已在做生意，就可以申請司法覆核。」

「鄉村人好支持，榮昌做了幾十年，大家食了好多年，樣樣有證據。」事頭婆那些日子夜夜失眠。

興仔和金仔四處奔走，找人證物證。「因為這個是我自己的家，也是我的祖業，怎樣我也會做到最後。」興仔說。終於打贏了官司，前後爭取了8年才獲發食牌。

「最大塊的石頭已經移開了，但路一直都是崎嶇的。」興仔指，榮昌主要做熟客，人家吃多了會悶，所以要不斷去找新食物。2000年取得食牌後，客人更多，他們請廚師、水吧，諗到就做，食物款式愈做愈多。入行50年的大廚基哥，做過馬會、酒樓，來榮昌掌勺16年，客家炆豬肉、陳皮鴨湯飯、咖喱牛腩、炸乳鴿……樣樣拿手。
另一方面，興仔坦言跟家姐金仔拍檔不容易。「廿七八年都是繼續磨合：磨擦與合作。」譬如最近，家姐建議用手機取代唯一放在收銀處的電腦落單，省力省時；細佬認為食物款式組合複雜，手機畫面太小不適用。

若在從前，家姐一定激烈行動，像當年她建議電腦入單取代人手，細佬沒立刻贊同，她就黑面三個月。今天，她覺得「細佬未消化」，願意笑着等。

遇上分歧，興仔說一人讓一步，「始終是一家人，（爭拗）大家好多時都是淡忘了。」

「大家都要想住一樣東西：目的都是想鋪頭好。」金仔說。
母親是個聰明人，就算各自跟她說，也當聽唔到，「仔仔女女做生意，各有各方法。有商有量最好，有時拗少少。嬲完，兄弟姊妹一陣一齊食飯又忘記了。」

點點滴滴　都在心
從前為口奔馳，事頭婆嘮叨仔女幫家，放學就要淥麵沖茶餵雞，營役過日，為母者溫柔無從。4年前，眼見三子之父的興仔和兩孩之母的金仔完全困身茶座，她悄悄說服老三嘉菲回來幫手，替補二人管店，讓他們一個返早，一個返晏，多點時間「陪下細路仔」。當年遺憾，她不想仔女重蹈。

趁中午飯市未到，金仔偷空到店前庭院淋花修枝，黃的、橙的、粉紅的小花迎風搖曳，給茶座生色又添生氣。原來當年打贏官司，母親拿出幾十萬給她和細佬翻新榮昌。自此庭院圍了木柵攀了綠藤架了鞦韆，也有了「蓮塘」為誌的英文名Lotus Café。

很多客人喜歡庭院的花，不時拍照，令金仔心花怒放：「放些心機下去，每日少少每日少少，你就見到成果了。」她說，每日堅持打理一下，花自然生得美麗。

店旁竹樹叢、生鏽鐵絲網，金仔曾看不順眼，想除之而後快。可是，母親下令動不得，理由是阿爺年代種下來置下來。「到現在自己年紀大了些，就明白為甚麼阿媽甚麼都不想動。因為每一樣東西都是她的點點滴滴。」水珠澆落她種下的柏樹、萬年青，風一吹，閃閃舞動。

「好似我們經營榮昌一樣，包括客人呀，食物的質素，都是一點一滴的積聚。」

母子親情，手足情誼，何嘗不是？！

採訪：韓潔瑤 拍攝：陳瑞華、關永浩

榮昌茶座
地址：上水粉錦公路蓮塘尾村1號
電話：2670 3388
詳情： http://bit.ly/2NdRYRx

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)