【Kongner編輯室】
瘋子愷：Pokemon劍/盾 簡易感想 丹帝編
多得各位觀眾嘅收睇及參與，寵物小精靈（現譯精靈寶可夢）系列最新作劍/盾已經由本台主持人奧雲同米茄於先前直播同大家一齊爆咗機啦，多謝各位嘅參與令整個遊戲流程生色不少。既然睇完一次遊戲劇情，本人都想係度同大家分享少少玩完呢隻遊戲嘅簡想（簡單感想）。
就正如奧雲打完冠軍之後都有講過，今次劍盾比到本人最大嘅感受就係：可惜。網上都有唔少人表達過佢地對《劍盾》嘅感想，而好多人都認為今次劍盾劇情係差，甚至無劇情可言。的確，劇情整體並唔出色，但其實諗返轉頭，令劇情如此省略嘅理由其實係有意思。主角係冒險嘅過程中可以咁順利係因為係劇情入面，每次有咩事發生，無敵嘅冠軍丹帝都會身先士卒走出來處理。或者玩家一直以來都只係認為所謂嘅「冠軍」，就只係一個企係最後等玩家來打贏自己嘅boss角色，但《劍盾》就強調「冠軍」嘅責任。正所謂能力越大，責任越大，作為一個地區嘅代表，冠軍就係要負責保護人民同小精靈嘅安全，同時亦要讓身為小朋友角色嘅玩家遠離危險。所以劇情入面丹帝嘅活躍，正正代表住一個負責任嘅成年人係社會上嘅責任。佢嘅存在亦某程度上解釋左點解伽勒爾地區點解無出現傳統嘅反派組織。雖然咁做係令到玩家係劇情嘅參與度變到好低，作為一隻RPG遊戲係一個缺陷，但係用現實世界來睇返，比起有個咁勁嘅人唔走去打大佬，反而咩都無做過或者打卒仔，咩都要作為一個小朋友嘅玩家做晒嘅呢種傳統故事流程來比，今次《劍盾》嘅流程其實「合理」好多。
另外，佢亦都唔會貪戀權力，做足一世受人崇拜嘅冠軍，賺Sponsor錢。丹帝係幫玩家清理晒一切障礙之後，令玩家可以以有史以來最直接嘅過程，同最短嘅遊戲時間完成道館挑戰，走入最後嘅舞台挑戰佢本人。而係輸比玩家之後，安心咁將冠軍嘅頭銜交托比玩家，接受新時代嘅來臨。
雖然本人上面係咁講，但現實話比我地知呢個世界無可能咁理想咁「合理」。先唔好講現實嘅大人有幾多會為年輕人披荊斬棘，為社會嘅未來開路，甚至往往都充斥住貪戀權力地位嘅老一輩，佢地掌握住資源而並無打算放手。現實世界嘅年輕人好難可以得到佢地嘅認可，因為老一輩嘅人甚至唔會預留一個比大家公平競爭嘅舞台出來。最後重要唔少得對年青人冷嘲熱諷、事事潑冷水、以「為你好」來做藉口作出無理要求......然後唱返首That’s Life (喺不斷對話會上問柒婆 How about another joke Carrie?)
所以丹帝其實代表住一個完美嘅前輩角色，而因為《劍盾》好多事情都實在太完美啦，所以唔難理解奧雲點解會覺得《劍盾》咁有童話色彩。如果想睇現實主義嘅話不妨想像一下，丹帝一開始就同你講你哋無可能做到冠軍架啦，咁懶。然後又唔送初始小精靈比玩家，因為佢3隻要晒。然後發生地震又點你地去調查連聲多謝都無，最後仲要怕輸比玩家而以地震做藉口取消冠軍挑戰賽。咁就真係最「合理」啦！
可能未完，可能待續。
（本欄逢周一、四更新。敬希讀者垂注）
---------------------------------------------------------------------
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
星期五精靈齊齊玩 在 #星期五精靈齊齊玩- YouTube 的美食出口停車場
【Roblox】隨機直播記錄星期五精靈齊齊玩坐巴士去迪迪尼 之後去Vans玩滑板✨雙平台直播✨ · 水月歌ʅ（´◔౪◔）ʃ. 水月歌ʅ（´◔౪◔）ʃ. •. 734 views 1 year ago. ... <看更多>