遐爾媠ê大湖美景
後擺可能就無tè看矣
因為宜蘭縣都市計畫委員會
已經佇今年六月發布實施「#擬定大湖風景特定區細部計畫」
https://reurl.cc/Oqo28v
計畫內底放冗環湖、山墘kînn做「#遊憩專用區」
建築物會當起樓仔厝至20公尺懸
若是佇三冬內開發
閣有獎勵法定容積比例10%
服務設施嘛會當起甲15公尺懸
原來ê湖景、山景、天際線完全破壞
開發ê量體、設施、餐廳等等
定著著會嚴重影響咱宜蘭溪北ê水源頭—深溝淨水廠
佇2016年博萮第一改參選ê時就捌講過
都市計畫委員會、非都市土地開發委員會、都市設計審議委員會等等
委員攏是縣長圈選
而且委員組成有真懸ê比例攏是縣府ê主管
兩位「#社會公正人士」定定攏是建商、開發商彼類ê利益者
#早就變做地方政府合法炒地皮ê工具
尤其是都市設計審議委員會
根本無發揮實質的作用
這幾年宜蘭天際線hőng破壞ê程度
就知道這个委員會根本就是縣府ê附庸hù-iông
像這款風景區
佇地方政府ê配合之下
早慢會變做財團ê喙內肉
博萮佇遮嘛ài閣一擺呼籲：
地方政府、民代ê任務
應該是ài替全體公共利益、環境保育來把關
毋通變做環境破壞、土地殺手ê共犯
