《太平紋身店》劇組拍娜姐時份外醒神
～ 搵得娜姐做主角，拍到娜姐戲份時，感覺劇組份外賣力，影得靚同型外，close up大頭亦特別多，另一個多close up的自然是天爺。打鬥場面更明顯見到分別，黑幫打鬥相對行貨，娜姐幾場打戲都相當有心機，與子彈一同槍戰，獨闖藍龍幫救天爺，太平街決戰北村真一，昨晚的「成人禮」血戰酒吧，都算做到有心機設計和刺激感十足，要俾credit娜姐的女替身，被撻被踢，硬食左唔少拳頭。喜歡睇娜姐的觀眾應該滿意。
～張松枝再演奸角仍然戲味十足，是昨晚其中一大亮點，殺晒Nana全家就是為了養大她做老婆，都相當情有獨鍾，幾痴心喎！另一亮點是飾演少女NaNa的江芷銦，在《好人好姐》做劉美君外孫女已經讚過她演技精靈，今次的表現完勝少年版北村真一。昨晚整體上演員啲戲唔錯。
～ 唔舒服位係對白，純正廣東話，唔咸唔淡廣東話，加埋突然插一兩個日本單字，還有背書式講得慢的日文對白，幾亂下！
～好奇一問， 東和會主要教劍道，咁NaNa啲槍法是那裡學的？北村真一在太平街殺人，點解又唔見傳說中的「屠宰場」出現執行「611協議」的刑法？難道管唔到日本人，淨係管到本地人，咁個協議同屠宰場又真係無料到喎！北村幫Nana改了個日本名真奈，以日本人個性，無理由會幫佢改個英文名Mana，好奇怪！去到太平街變成了Nana，唯有當是化名啦！
#ViuTV #太平紋身店 #黃德斌 #周秀娜 #林德信 #陸駿光 #吳綺莉 #姜濤 #譚凱倫 #李賞 #郭偉亮 #沈殷怡 #劉雅麗 #邵仲衡 #朱柏康 #林耀聲 #Lokman楊樂文 #Tiger邱傲然 #葉振弘 #Tank梁德忠
日本黑幫紋身 在 過肩龍-刺青紋身- 日本社會黑幫被稱為極道 - Facebook 的美食出口停車場
日本 社會黑幫被稱為極道，有將近四百餘年的歷史。這些黑道幫派成員通過勒索，非法賭博，經營情與色的行業和買賣毒來賺錢，並震撼普通人。幾個世紀以來，日本社會的黑幫 ... ... <看更多>