文華東方酒店入住體驗🎆
💥文華最新優惠：MrMiles.hk/mandarin-oriental-hong-kong/
文華我諗係香港咁多間玩staycation做得比較popular果間，最主要原因係價錢做得相對平，HK$2000頭包兩餐住MO又真係幾抵玩。仲有係一直所見口碑都幾好，見幾多人讚文華服務好。我自己嘅入住體驗就唔覺話好好但係又唔覺得差，五星酒店應該俾嘅服務文華係俾到。
📍到達酒店及Checkin
當時係星期日入住，我到達時間約4pm左右，由中環站雪廠街出口行出嚟，嘩，賓賓同樂日，其實都知逢星期日中環都多賓賓聚集，好多席地而坐載歌載舞又有啲攤販擺賣咁，同平日decent嘅中環都擦出幾另類嘅火花。行入高貴嘅文華前碰到呢一幕個感覺都幾大反差。
我係返正門行入文華，到達即時有職員問我是否需要幫忙攞行李。再直接行返過去check-in counter嗰度唔需要排隊就即時可以幫到我check-in，初次入住文華而我又唔係checkin rush hour，本身諗住會有機會被帶房介紹下咁，有啲意外係無帶房之餘連送你去電梯口都無。我諗都係服務上因為staycation客太多而服務流程上的些少變更。其實email去預訂餐廳及確認入住日期時回覆嘅email都等咗3-4日先有回覆都預感到酒店有少少overload。
📍房間
呢次係十月份的入住，我有remark到慶祝生日，而今次入住嘅係海景房，比最平嘅房型貴HK$300左右。房間地方都夠大，設備及保養都比我想像中新淨，有一點覺得同其他五星酒店比較的話文華嘅樓底係略嫌較矮，不過又咁，因為樓底矮但配合文華風格嘅裝修我覺得好夾，天花及主題牆都用上褐色設計別具浪漫優雅，呢個算係我印象幾深刻嘅一環，同平時着嘅五星酒店風格感覺好唔同。開完夜床嘅感覺就更加浪漫。
浴室有個大小適中嘅浴缸，不過我自己就唔係好鍾意海景房呢一隻旋轉鏡子而兩邊都用到洗手盆嘅設計。我覺得呢隻設計都係比較用作慳位用，而係五星酒店會比較少見會用到。
仲有想提一提嘅係工作間同睡房可以用一道簾去分隔，依度簾係紫色嘅如果拉起咗後就更感浪漫。同本身褐色裝修風格好夾。
📍服務
好多人都讚文華嘅服務非常好，我以初次入住嘅感覺來講又無咩特別嘅深刻位。接電話應request係快，行經嘅職員有微笑點頭，搭lift關門時會示意請入請出咁（唔好似為呢樣必然，我去到Rosewood就無呢樣）。所以話五星酒店應有標準都做足，但又唔覺得個standard比同級五星會好好多咁。以作為非套房住客計，四季嘅服務標準我個人感覺就比MO更高，要比較的話Conrad或Grand Hyatt都做到，如果攞埋成個package嚟睇，有得玩埋Conrad executive lounge或Grand Hyatt club lounge experience就更加昇華咗高一層次。
📍Dining
本身package包三道菜嘅晚餐，有文華龍蝦湯同牛扒食整體質素都高，用餐地方Cafe Causette 就唔好期望係好fine嘅餐廳環境。服務員都係相當有禮，有禮到我甚至乎覺得有點機械化，有啲禮貌說話好習慣去講嘅一種感覺。
仲要一提嘅係生日入住文華會送個文華芝士蛋糕，相當大方，成個送俾你。我麻麻地鍾意食甜野但係呢個蛋糕我都覺得好幾好味唔覺意食多咗兩口。仲有迎賓禮品嗰兩粒文華朱古力都係好好味。
📍早餐
Package有得選擇到clipper lounge自助餐或cafe causette食set。我自己就選擇咗去clipper lounge自助餐，我第一感覺得啲嘢排得好靚，選擇都唔少而味道我覺得都係有水準的。叫唔上好正不過我覺得都係豐富美味嘅早餐嚟嘅。
▶️Overall嚟講文華我都係推薦入住，$2000頭有咁嘅質素都係值回票價。個個讚文華服務，但我反而更鐘意佢間房嘅另類浪漫優雅感覺。入住文華都提提你唔好期望有late checkout，因為做得平佢啲package好賣，平日或週末入住率應該都高，我星期一checkout都係無late checkout 12點要走人的。想有多啲入住時間就訂返差唔多價位嘅Grand Hyatt escape 24，保證24小時入住+包晚餐咁會開心啲 mrmiles.hk/grand-hyatt-hong-kong/
文華cafe價位 在 Café Un Deux Trois at Mandarin Oriental, Taipei 文華Café 的美食出口停車場
元起，待您盡情暢享海陸食尚饗宴！ 【查看菜單| View Menu】 https://bit. ly/CafeUDT_WeekendSeafoodDelightMenu 【立即 ... ... <看更多>